يـعـزف طـرب

صافـح هـوى باب التـمـيز وتـلـقى
تصفـيق حارً مابردت به كـفـوفـه

يعزف طـرب باب التـمـيز ويرقى
فوق السحاب اللي تزاحم صفـوفـه

ولـيـا تـخـيـرت اتـخـير وابـنـقـى
بيت القصيد اللي مذهب حروفـه

ماخذ هزيل الحرف واقــول فرقى
مـاهـو بـلـي ولا توســدت جـوفـه

مـاكل واحـد ينشـد الحـرف يلقى
حرف التميز والحروف معروفه

الشعر له جوده وفخامه وطرقى
وانـا مـن اللي يمـلكونه واطـوفه

ماجيت له مخفي ولاجيت سرقى
واعرف بحوره كلها مع صنوفه

ارقى وخل الـ عالي الجـو مرقى
ياشـاعرً يـبـغـى التـميز يحـوفـه

بعض القصايد نورها نور شرقى
ولا بعـضهن جـالبات الحسـوفـه

وحتى بعضهن تحرق البطن حرقى
من كثر مـافيهن من العـيب اشـوفـه

والشـعر مـايقبل ترى يدين عـرقى
ولا يـقـبـل يدينً تجـيـه مـخـفـوفـه

يقـوله اللي له من الشـعر مـسـقى
ويبل به حلق العطش من صنوفه