محمد صلى الله عليه وسلم

يا ذا اليتيم اللي فقدت الابوة
واعضاك لازالت بكيس المشيمة

اقبلت والدنيا ظلام(ن) يتوه
وانورتها بالعدل عقب العتيمة

باسمك على جمع الملا ينتفوه
وصلاة ربي تتبع اسمك نديمه

حيثه عليها في كتابه منوه
معلوم واخلاقك وصفها عظيمه

مامسها فلم اليهود المشوه
لو صمتنا عن ماجرالك جريمه

واللي جعل خير البرية عدوه
حق يتبوء مقعده من جحيمه

ذم الامين اللي غشته المروه
نوره تبين قبل يرضع حليمه

والغار منه انباج فجر النبوه
دل البشر لدروبها المستقيمه

حول لهيبته القمر من علوه
عقب انقسم زار اليدين الكريمه

واللي كلا الخنزير مازاح سوه
فوق اربع امية والف عام بجريمه

ياللي صنعت الفلم واشعلت ضوه
يالله عسى تصبح عظامك رميمه

القبر ميعادك ولافيك قوه
في حفرتك تلقى العواقب وخيمه

وقدام ربي ياعديم المروة
خصمك يتيم وراضع(ن) من حليمه

ناصر متعب


بيض الله وجهك

رائعة من روائعك

جعلها الله في موازين حسناتك


تقديري واحترامي

عبدالله العطافي
صح بدنك وجزاك الله خير واشكرك جدا على المرور

ناصر بن متعب

صح لسانك وسلم بنانك

وصل الله على نبينا محمد

ابدعت بحق فيما كتبت

ومهما كتبنا بحق رسول الحق وخاتم النبيين لن ولم نوفيه حقه

دام قلمك في طاعة الله

وتقبل مروري أخيك

ولك مني أرق التحايا

ناصر متعب



صح لسانك على هذه القصيده


الجزله التي في افضل البشر


نبينا محمد صلى الله عليه وسلم



سلمت وسلم قلمك

خالد العلوي حمدان مقحص
صح ابدانكم وبيض الله وجيهكم ومشكرين على المرور