لمحة بصر

[poem=font="arial,5,darkred,bold,normal" bkcolor="transparent" bkimage="http://www.arwqah.com/vb/mwaextraedit2/backgrounds/65.gif" border="none,4," type=2 line=0 align=center use=ex num="0,black""]
البارحه وانا بحلو النوم بافكاري سريت = مع لذة احلامي طويت القار في لمحة بصر

طفت الفيافي كلها في صمت كني مادريت = الا وانا في ديرة المجمول مجدول الخصر

الغالي اللي له غلا بالنفس مثله مالقيت = فيه الوصايف نادره والهرج عنده مختصر

جيته وقابلته وقال اقلط هلابك وش بغيت = قلت انت تدري قال لا قلي(على رايه اصر)

قلت الوفا درج بالاقدام لمشاحيك ونويت = ابادلك نفس المشاعر لو ورى دولة مصر

رحب وقال رموش عيني لك غطا والقلب بيت = راعي وفا وابشر لابادلك الوفا صبح وعصر

مادامت انك جيتني فجأه وانا اللي ماهقيت = انك تزور الديره اللي دونها الرامي قِصر

معزتك عندي تعلت يالسنافي واعتليت = لك ماطلبت وجَيتك للدار مافيها بُصر

واخذت انا وياه ساعه عُقبها قمت ومشيت = راجع لجده فرحتي لمقايض احلامي نصر

حلم وسرابي ليتني مع حلم عابر ماسريت = فرحه وماتمت صحيت وكنها لمحة بصر[/poem]