مختارات شعرية لشعراء من المجاذمة من قبيلة زعــب بـنـي سـلـيـم

الشاعر: بجاد بن مشاري ال شقران

حـمـام يالـلـي فــوق الأفـنــاد غـنــى&&&هيضـت قـلـب(ن) بالدولـيـب شـغـال

الـبـارحـة يـــوم الـنـجـوم اذبـحـنــى&&& خايلـت بـراق سـرى يشعـل أشعـال

أقنوفـه علـى الصمـان قـامـت تبـنـى&&&خيـر(ن) بلـى شـر وحقـوق وهـمـال

علـى أبـو ظهـيـر والمخـايـل حـدنـى&&&مـارب سالـفـات العشـايـر ومـدهـال

يــا راعــي الجـمـس يالـلـي مـعـنـى&&& لـك بجنـوب الخـرج ملفـى ومقـيـال

ملفـاك ابـن جمـعـة زبــون المجـنـى&&&أسلم وسلم لي على ماضـي الأفعـال



---------------------------

الشاعر: فراج بن ناشي الناشي

أعـلـمـك يالـلي بالامـثـال بـيـطـار&&&النجم يبدى وينتصى قريبه

ان صرت شاعر مثلك الناس شعار&&&ماكل من يلفظ بكلمة مصيبه

وان صرت طيب فيه ناس لها اذكار&&&تحسب اللي غيرهم ما دريبه

ربعي زعوب في نحى الخوف عبار&&&في ساقة السبار هو والرقيبه

من دون جار البيت فادوا بالاعمار&&&خيالة الحيزا ومن يعتزيبه
-------------------------

الشاعر: عبدالله بن محمد الثميري

قـال الثـمـيري كـلام مـا تـخـفـى بـه &&&كـل مـا سـمـعه الـذواق غـنـى بـه

مثـايـل كالـدرر من شـعرنا الـشـعبي &&&من عمق بحر الشعر جزله ومنسابه

ما أحب عسف القوافي عسف بالقوه &&&تـاتـيّ ضـعـيـفـة مـعـانـيها بـلاثـابـه

احـب نـظـم الـشـعـر واحـب تـدويـنـه &&&الـزيـن والا الـردي مـا والله اشـقابه

ما أحلى ليـالي مع الشـعار نـقـضيها &&&هـذا يـولـف والاخـر للـمـثـل جـابـه

مشكور اخوي على القصيدة
وصح لسانك

مرحبا يا كاتم الاسرار


وصح بدنك ، ولاهنت علي المشاركه


اخيك: ابن مفحل

مشكور على اختيارك الموفق دوم

لك تقديري

ارحب يا بندر حسين

لاشكر علي واجب....

ولاهنت يالقرم ....

أخيك: ابن مفحل