تدري وش اللي يذبح القلب ياقلب

ياقلـب جيتـك وافهـم العلـم ياقلـب

اللي تحبه يموت في حـب غيـرك !!

كم قلت لك ياقلب خلـه علـى جنـب

يمكن مسيره يختلـف عـن مسيـرك

الدرب واضح بس لا تجهـل الـدرب

اللـي يحبـك دايـمٍ .. يستشـيـرك

ماهو مثل صاحبك عايش على الكذب

وان ماكذب يموت .. الله يجيـرك !!

تبي الصراحه مالك ومـال هالقـرب

ماهو كفو شـرواه يصبـح عشيـرك

انا ادري انه تـرف وصغيـر وذرب

لكن مصيره يختلـف عـن مصيـرك

لا تحسب إن السالفه كلها لعب في لعب

اصحى معي من شان يصحى ضميرك

اللي تحبـه صعبـة.. شـوي ينحـب

قلـه يـروح وكثـر الله .. خـيـرك

تدري وش اللي يذبـح القلـب ياقلـب

انك تحب انسان.. ويحب غيـرك !؟!