حدب السيوف

السلام عليكم ورحمة الله وبركاته


ضاقت على الدنيا وانا عيني تشـــــوف
ولالي فيها حيلــــــــــةً واحتالهــــــتــا
راحت اليامي بيــــــن هماً وخـــــــــوف
نوب الهموم تشيلني وانا اشــــــــتالها
الاياللــــــــه ياخيــــــــر مخلــــــــــــوف
يامخلفاً عبادة في كــــــــل ارزاقـــــــها
تكفيني شر الحاســـــدين الضعـــــوف
تحسدك كانك تاخــــــذمن مالـــــــالها
وانا مهمني لو انهم طوابير وصفــــوف
رزقي اخذة قلتــــــــة والله قالـــــــــها
هذا الدنيا ما كثرها من صــــــــدوف
متقلب فيها ايامـــــــــها وليــــــــالها
النــــاس فيها اشكال وصنــــــــــــوف
ناس نرفها والله رفع شائنـــــــــــــــها
وناس ندوس غاربها وناس فوق الكتوف
وناس ماقدر اوصفها خلها في حــــالها
لاني عالم ولاكـــــــل شخص معروف
وناس كل مرة تغير اشكلها والوانـــــها
والبعض فاضي للمشاكل يحــــــــوف
دورلك المصايب فال الله ولا فالــــــــــها
وحنا سليم مثل حدب الســـــــــــيوف
يوم المعارك تكشر عن انيــــــــــــابها
مزبـــنةً الدخيل ومكـــــــــرمة الضيــــوف
لاحداً يجريها ولا يفــــعل افعالهـــــــا
وصلتي عد كل مســـــــلم يــــــــطوف
محمد خير من جاء على الارض وطي ترابها


الشاعر / تركي عامر الصادري السلمي

الاخ / تركي

صح لسانك



بالتوفيق والى الامام

صح بدنك اخوي حمدان
وبيض الله وجهك

السلام عليكم ورحمة الله وبركاته
بيض الله وجهك و صح الله لسانك
أبو نوران

مشكور اخوي ابو نوران
وبيض الله وجهك
على مشاركتك

اخي الصادري


القصيده في معظم ابياتها رائعه

ولكن يوجد هناك بعض الكسور في ابيات القصيده


اتمنى لك التوفيق والى الامام





تقبل مروري بكل رحابة صدر




اخوك




ابراهيم النقريني

مشكوووووووووووووووور اخوي
ابراهيم وبيض الله وجهك
على ملاحظاتك ومنكم نستفيد
لو وضحت بعض الكسور

ابورنا صح لسانك يالصاحب على هذه القصيده الجزله

قصيده معبره ولها معانيها الجميله

ننتضر ابداعك وقصائدك

دمت بود

ابياآت جذاآبه وطرح راآقي ..والمعاآني كاآنت اروع
لكـ كلماآتي النديه ..

تح ـياآتي

تركي عامر

صح لسانك

ووالى الأمام

تقب تقديري واحترامي