#1
|
|||
|
|||
الشاعر المرحوم عبد القادر بو فكيرين البراعصي (شاعر حمد باشا الباسل الرمحي)
للشاعر عبد القادر بو فكيرين (شاعر حمد باشا الباسل)
عقلى سرح طوّل علىّ الغيبة .. مالا سبب محتار فيش نجيبه طوّل غايب .. ونا منتظر عامين حالى سايب .. ويوما لفا مسكين ريته شايب .. وهو كان فى عز الشباب وطيبة سألته حلف لى ريت كل عجايب .. تشيب اللى دون الفطام عجيبة الشح ريته صادر .. وريت الكرم فى الناس تما نادر .. وحق النبى يا شيخ عبدالقادر .. مصيبة الراجل فى الحياه قريبة إن شافه هفّه كيف الزمان الغادر.. ياشين سمعته للناس ويواطيبه وسره اللي مكتوم يصبح باين .. يفتش على عيبه وكل دفاين .. ويبقى مثل بين العباد يجيبه .. عقلى سرح طوّل على الغيبه.. مالا سبب محتار فيش نجيبه الحال ماهو طيب .. حوادث إن مرت عالجنين تشيب.. لا أخ ينفع لا ابن عم قريّب .. واللى تنصحه بالنصح يستهذيبه حتى الولد في بوه تمّا يسيّب .. ولا يسالا فى الفاهق اللى داريبه يكثر شينه وبوه إن كلما ينهره ويهينه .. نكّد على أمه اللى مسكينه .. اللى جابته عطبك عليها جيبه يوم ولداته .. فرحت ودارت زينه .. تحسابه يجيبلها الذهب فى جيبه .. جاب نوايب خلف ظنها مسكينة طالع خايب .. الأرض الهزيلة ما ترد تعايب .. وتجلب على الزارع ديون صعيبه وعمر القعيده ما تجيب الطايب .. ولا تشرفك يوماً يفوج سبيبه عقلى سرح طوّل علىّ الغيبة .. مالا سبب محتار فيش نجيبه قال حود عالهجالة.. اللى مقلبه من قبل فى الرجاله.. عليك بشموس اللى تقول غزالة .. صغير سنها ما صادفت (ركيبه) ونسّب وليدك زين يعرف خاله .. خال الردى يذهب لغير الصيبه عقلى سرح طوّل علىّ الغيبة .. مالا سبب محتار فيش نجيبه المرا غشاشة وقت الزها تجى بكل بشاشة .. وإن صادك خصص تسقيك سم حناشه .. باب الخطا تنبش على تسبيبه المرا ما اوعرها .. عظيم كيدها واجد لمن عاشرها .. بسرك اللى مكتوم لاتخبرها .. لاقرب عدو لك يا فتى تحكيبه هبيل من جا للمرا شاورها .. اللى وين ما مال الزمان تسيبه عقلى سرح طوّل علىّ الغيبة .. مالا سبب محتار فيش نجيبه الحالة شينة والعالم تغير والزمان بعينه .. وواجد اللي من البنك كاتر دينه .. سعى للسعد خطا وقع فى الخيبه الدّين ذُل وإن جا للعزيز يهينه .. وبعد الزهاء ينظر أيام غضيضه تزيد همومه وما لمادش يعرف يلم هدومه .. ويبقى كما غرقان في ديمومه .. إن جا ضيف ما يقدر على توجيبه ووليته تجدد كل يوم خصومه .. يزيد كرهها حال تبّين عيبه الحال تحوّل ولا عادش خير مثيل الأول .. العام تغيّر والفصيح تهوّل .. والواعظ وحل ما فادش تطبيبه والصاحب اللى تبغيه دوم يطول .. بعد يوم ولا اثنين يظهر عيبه عقلى سرح طوّل عليّ الغيبة .. مالا سبب محتار فيش نجيبه وواجد اللي يضحك نهار يجيلك .. ووين ما تواري يا فكك في الغيبه الصاحب اللي تعطف عليه بمالك .. إن كان انقلب (مفقوده) وقص سريبه صحبته فيلاتي صاحب وما تلقاه في العازاتي .. الصاحب اللي بالعيب دوم يهاتي .. عدوك العاقل خير من تقريبه ولا بلاش أصحاب يا ساداتي صحبة الجاهل منقده وعطيبه عقلي سرح طوّل علي الغيبه .. مالا سبب محتار فيش نجيبه |
#2
|
||||
|
||||
رد: الشاعر المرحوم عبد القادر بو فكيرين البراعصي (شاعر حمد باشا الباسل الرمحي)
قصيدة جميلة ومختلفة يا المعتز بالله الباسل
لكنها منقولة لذا ستكون في قسم المنقول من الشعر ولا تبطي علينا بقصايدك تقديري
__________________
[CENTER][FONT=Comic Sans MS][COLOR=darkorange][COLOR=green][URL="http://www.solaim.net/up//uploads/images/solaime5ce21b1da.jpg"][/URL][/COLOR][/COLOR][/FONT][/CENTER] [CENTER][FONT=Comic Sans MS][SIZE=6][COLOR=darkorange][URL="http://solaim.com/vb/showthread.php?t=37062"]غُــرَّةْ الشمس[/URL][/COLOR][/SIZE][/FONT][/CENTER] [CENTER][URL="http://formspring.me/jaber2010"]:gamr2:[/URL][/CENTER] |
#3
|
||||
|
||||
رد: الشاعر المرحوم عبد القادر بو فكيرين البراعصي (شاعر حمد باشا الباسل الرمحي)
أخي الحبيب/ المعتز بالله الباسل
صح لسان الشاعر عبدالقادر وسلمت على هذا النقل الجميل . فالك التوفيق دمت بحب في حفظ الرحمن |
#4
|
||||
|
||||
رد: الشاعر المرحوم عبد القادر بو فكيرين البراعصي (شاعر حمد باشا الباسل الرمحي)
بارك الله فيك ونفع بك ،، بانتظار جديدك
__________________
|
#5
|
|||
|
|||
رد: الشاعر المرحوم عبد القادر بو فكيرين البراعصي (شاعر حمد باشا الباسل الرمحي)
شكرا جزيلا على الرد وكل عام وانتم بخير
|
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|