أمســـح الــدمعــه

متواضعه جديده أستحملوها بما فيها


أمسح الدمعه عسى عمرك طويل
هذا مكتوبك لزوم إنك تراه

والهموم إن جات ما عنها سبيل
لازم تصيبك من سهوم الحياه

من مبادي صاحبك فعل الجميل
لو يجيك اللوم من بعض الوشاه

خل عنك الضيق لا شآن الحصيل
وأعتبر من درس عالي مستواه

وأعرف إن العقل يالقلب العليل
ما يخيّب ظن من يمشي وراه

حسرة الفرقا ولا عيشة ذليل
ومن بداء بالصد ما نتبع خُطاه

حظي اللي شايفه ماله مثيل
ما أكون بيوم أنا سبّة رداه

أمر واضح مايبي شرح ودليل
مثل نور البدر في داجي سماه

أمسح الدمعه ودورلك بديل
دام مكتوبك لزوم إنك تراه