الصبر ناااار

الصبر نار وعوج الاضلاع تنور
والقلب بين العوج فالنار جمره
.
للصبر حد وللحشا حيل مقدور
ياللي جهلت بصبر قلبي وقدره
.
يا صاحبي رحت برضى ما انت مجبور
رحت وتركت بداخل القلب حسره
.
سمعت حكي العاذل اللي حكى زور
وصدّقت حكيه في صحيبك ومكره
.
مدّيت لك يمناي وتقول مشكور
هذي جزاة صويحب أهداك عمره؟
.
روح اسأل أهل العرف يعطونك النور
نور الحقيقه وإعرف اللي تهجره
.
يالصاحب اللي خاطري منك مكسور
إلحق على خاطر يبي منك جبره
.
كلٍ يعيش العمر والعمر محصور
وكلٍ يجيه الموت والموت سكره