بعض القصايد ..

صباح / مساء

الخيرات والمسرات

بعض القصائد عسى ان تنال إعجابكم

\7

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماعرفت أفرح أبد وانتي بعيد= يافرح حاولت مآبه فايده
كُل مآ مثلت لك بأني سعيد= ثارت جروحٍ بقلبي كايده
ياحزن بالله مني وش تريد = ضيقتك لآ روحت جتّ عآيده
وأنت ياليل السهر ويش الجديد؟ = ما خبرت أفراح حولك زايده
طقت الأضلاع من كثر القصيد = و همهمآت الحزن فيني سايده
الهجوس الغُبر فـ الفكر الشريد = طوقت عرش الخيال تبآيده
والعباير بين شريان و وريد = في فجوج الصدر هي وش رايده؟
ياصباح العيد يالعقد الفريد = عوّدي لـ القلب مآبه فايده[/poem]


ياقصيدي

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقصيدي ليه عانقت النجوم ؟ = كنّ مابيني ومابينك عهد
قلت لك خلك مع الصدر الكتوم = زابنك بـ الله لايسمعك أحد
هـ الاوادم مايكبون العلوم = لآ أسمعوا بـ العلم قالوا وش بعد
والحقيقه ماني بناقص هموم = مابدخلنا يكفي له بلد
هو يدوم الحزن وألا مايدوم = ماعلينا من كلام الناس أبد
لآكن الدنيا على راسي تحوم = لآ لحق عيني من الضيقه سهد
أسئلك ياعزم هي وين العزوم = هي تجي بـ الراس والا بـ الجسد
كنّ في صدري من العالم سهوم = والفرج في حروته ضاع الجلد
ياقصيدي لاتعديت اللزوم = مآ هو بـ قايل لك أوقف يـا ولد
الحقيقه كم كسرنا بك خشوم = مير هـ المره على شان الوعد[/poem]

\7

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دخيلك خلني للموت لاتفتح عليّ أبواب = دخيلك خلني لاعاد تسئل وش يبكيني ؟
تعبت أكثر من أتعاب البشر في مُجمل الاتعاب = قريتك ليت والله ماقريتك وأنت ترويني
تعرّفني / ترى مآني بعيدٍ عنك بـ الاسباب = أنا كُل الهموم الغبر , وأصل الهم من طيني
أنا سجنٍ حوى في داخله سر وجروح أقراب = وأنا كل القصايد في صدور الناس ترثيني
أنا ليلٍٍ طويلٍ دونه ودون النهار حجاب = أنا أصل الحزن وأحزان الخليقه تلتقي فيني
تخيلني تحت رحمة يدين الوقت / راسي شاب = عمر / قفت سنينه مآ لقيت اللي يواسيني
أنا شاعر شعوره واضحٍ في وجهه الجذاب = بعد مآ كل حرفٍ من حروفي صار يبكيني
أنا كلّي جروح / وجرحي الأول شُفه مآ طاب = ضمادي حلم جيته بس كفنته بـ كفيني
تعرّفني / حكايا مؤلمه في حنجرة منصاب = على شآن الأماني لـ المحبه عمر يحكيني
أنا كُل الدموع اللي على وجه الزمن تنساب = قبل لايرتوي وجه الزمآن / أساسها عيني
حقيقة قصتي لو أسمعوها مُجمل الغيّاب = يتوبون / الغياب اللي كأنه شيء يعنيني
أنا منهو أنا ؟ غير الصبور بـ نظرة الاغراب = ولاكنّي خلاص أشوفني مآ عدت أقاويني
هنا تكفيني الايام وهناك الغرام شـ/جآب؟ = بـ عمري من عرفته ما عطاني شيء يرضيني
سؤالي / ليه انا ماعاد ابحسب للانام حساب ؟ = لأني فـ البدايه مالقيت اللي يخاويني[/poem]


وسلامتكم

علي بن معلي السلمي

الله الله الله


الشاعر القدير

علي بن معلي السلمي

صح لسانك يابطل قصيدة لاااامست الوجدان

كتبت وابدعت وامتعت

لك حضور خاااص ياعلي ولا يكتب هذا الاسلوب الرنان في القلوب إلا أنت

أنسكاب شعري يروي ضماء متعطش الشعر الحقيقي

لله درك من شاعر مبدع

تقبل مروري وتقديري

ولك مني أرق التحايا

صح لسانك علي قصايدة جزله من شاعر فذ

تقبل تحياتي

المشاركة الأصلية كتبت بواسطة خالد العلوي

الله الله الله


الشاعر القدير

علي بن معلي السلمي

صح لسانك يابطل قصيدة لاااامست الوجدان

كتبت وابدعت وامتعت

لك حضور خاااص ياعلي ولا يكتب هذا الاسلوب الرنان في القلوب إلا أنت

أنسكاب شعري يروي ضماء متعطش الشعر الحقيقي

لله درك من شاعر مبدع

تقبل مروري وتقديري

ولك مني أرق التحايا

الاخ القدير والشاعر : خالد العلوي

صح بدنك حتى ترضى و الله يعطيك العافيه على حضورك الجميل

دائما تشرفنا بطلاتك الجميله , والاروع حقيقه شخصك الخلوق

تحياتي لك

المشاركة الأصلية كتبت بواسطة جريح الصمت

صح لسانك علي قصايدة جزله من شاعر فذ

تقبل تحياتي

جريح الصمت

صح لسسآنك ولاعليك زود

أشكرك على حضورك الرائع

لك تحياتنا

الاخ الشاعر


علي معلي السلمي


صح لسانك على هذه القصائد


الجزله الرائعه التي تحمل معنا


الشعر الحقيقي والصور الرائعه


شاعر مبدع ومتميز دائماً بقصائدك


الرنانه سلمت يمينك وسلم فكرك


وتستحق هذه القصائد القرائه


والمتابعه بيض الله وجهك



وتستحق خمسة نجوم

صح لسانك لين ترضى
وعساك على القوه دوم