مصطلحات بني سليم - الصفحة 11

#**101** 07-22-2009, 04:01 PM

اقتباس:

المشاركة الأصلية كتبت بواسطة أميرة الخيال

"أصرف لك..؟؟

::

أكذب عليك,,

او بالمعنى العامي (أنصب عليك)

وان شاء الله تكون صحيحه

::

#**102** 07-24-2009, 02:09 PM

صح يارائـد

عيني عليك باردهـ ..

ويص .. اشبك ياويص

تذكرت كم كلمة وإن شاء الله ماحد كتبها غيري ..

تـقـنـه = تعني كأنـه

خلاقين = تعني ملابس

والجآي آحلآ

~

#**103** 07-24-2009, 03:00 PM

مشكور ع المصطلحات الجميلة
تقبل مروري

#**104** 07-28-2009, 01:11 AM

هههههههههههههههههههههههههههههههههههههههههههههههههه ههاي
تعبت من الضحك..
انا في الرياض..وما اعرف مصطلحات كثيره..
وجدتي الله يطول بعمرها أكثر شي تقوله ( ذوان)
لانها الصراااااااااااحه متحضره..هههههههههههه>>>صدقنااااااااك هاه
اما على الالعاب حدث ولا حرج يا اميرة الخيال..
بس حنا مانقولها زيكم (حدارجه مدارجه) >>>صدقت والله.. كلمات ما ادري وش معنااااها..
تصدقووووون اشتهيت خواااااااااااااااااااضه..
هههههههههههههههههههههههههههههههههههههههههههههههههه هههههههههههههههههههههههههههههه

#**105** 07-28-2009, 10:52 AM

موضوع مسلي ومضحك

ومن هذه الصطلحات اغير مفهومة عند بعض الشباب كلمة

إذلف و طس ( وهي بمعنى إذهب )

#**106** 07-28-2009, 11:16 AM

ترا اصرف لك مو نفس المعنى اللي كتبتوا
بحطها بجمله كمساعده
مثلا بتقدم على شركتين شركه 1 وشركه2 وانت تبي تقدم على الشركه 1 جا واحد وقالك قدم على الشركه 2 اصرف لك

@_@

#**107** 07-29-2009, 08:12 PM

صح غلا الرياض..
نفس المعنى اللي اعرفه..

#**108** 07-29-2009, 08:25 PM

اممممم

(نوشه)= وتعني ألمسه>>> ومن تصريفاتها (نشته) = أي لمسته

وكمان (حدر وفرع) فوق وتحت وفي رواية أخرى شرق وغرب

:d الله يسعدكم وربي ونستونا:d

#**109** 07-30-2009, 10:07 AM

يازوين كلامنا

جيـت وجبت معي كم كلمة

كل واحد يفتح اذانيه ..

فرعـك = فـوقك

دلـقـس = ( ينطق حرف القاف ينطق قاف مع كاف < مدري كيف ) ضلام دامس

يرقف = يرجف او يرتعش ( مثال : محمد السالمي يرقف من البرد

) تعني ان محمد يرجف من البرد

نجي للألعاب .. توي تذكرت ..

تحـه : ( بشد الحاء ) هذي تعرفوها صح .. تسوي مربع وتخططه ( وكأنك تخطط لك ارض في جدهـ

) وتحط مربعات وواحد يختار احجار والثاني ( ماتدري ياخذ اعواد او نوع ثاني من الحجر .. اهم شي مايكون مثل خويه .. ويلعبون .. تشبه لعبة x و o

الزقـف : لعبة من العصر الحجري وربي .. بس اقسم بالله متعه

يكون معك خمس احجار وتقلب يدك وترمي فيها .. هو شوفو بصراحة بيني وبينكم انا احسها شعوذهـ بس بلـفة شويه

القرقع الحجلاني : هذآ من اسمـه يفـطسك ضـحك

.. ( بضم القاف الاولى وفتح القاف الثانيه )

اللعبة انو يجون فريقين .. الفريق الاول يتخبى في مكان والفريق الثاني يروح يبحث عنه .. واذا حصلوهم خلاص يبدى الدور على الفريق الثاني يتخبوآ .. اما اذا ماحصلوهم وتعبو خلاص .. يقول الفريق الي يبحث .. بصووت عالي > القرقع الحجلاني < .. ورئيس الفريق الثاني يرد عليه ويقول : تعال شيلني من مكاني

ويشيله ويحطة مكان مايبي الرئيس ..

( تشبه لعبة طـيـش )

< ايام زمآن

< ياكم مره شالوهـ

طيب فيه بقية اسماء < يتذكر وهو فآطسسسس

مدق = حجر

يندس = يتخبى

ناصاني = قابلته مع الطريق ( مثلا : محمد السالمي ناصاني عند قاعه فرح

) يعني قابلته عند طريق قاعة فرح

تذكــرت < قسسسم آنه يدمع من الضحـك

حقرى بقرى قلي عمي عد العشره 1 2 3 4 5 6 7 8 9 10

< هذي لعبة ... ^

الحين تطور الشـعب مدري وش يقولون ( :

حتـى في حاجـة كانوآ يقولونها لنا زمان .. اذا انكسر واحد من سنونك ..

يقولون لا ترميه في زباله او شي متسخ يعني .. يقولون ارمة في مكان نضيف وقول : يارب ارزقني بدل سن الجمل سن غزال ..

بعـرف ليـه يعني سـن الغـزال .. وليه انا جـمـل يعني < اصلآ تخيـل سن الغزال علي .. يوو

مرهـ مايجـي

حرنـوف = حــاد sharp

تـلـة : (بشد اللام ) هذي لعبه بس كنا نقولها هالاسم .. لها اسم ثاني لكن والله ماني متذكرهـ

لكن هي طريقتها .. واحد يفتح يدينه ويجون خوياهـ يضربونه على يدينه ويشردون وعاد يطرد فيهم الين يمسكهم ..

هذي اللعبة لو استمرت الى اليوم .. ماكان طلعت نوادي ولا كلام فاضي ,,

كان تشوف الواحد رشيـق ومافيـه إلا العافـيــه

ماش = تعني لا يوجد .. ( مثال : محـمد السالمي ماش ماعندهـ حــزن , دايـم فـرح وضحك ونآسـه )

.. الله يسعدك ياشيـخ

زحلـيقه = ( بكسر الزاء واللام ) الزحليـقة ماغيـرها .. مدي وش يقولونلها الحين .. لكن تخيل انك في ملاهي الشلال وتقول لواحد بالله وين الزحليقه

طقـة : ( بشد القاف ) يعني اضغـطة ومعنى ثاني يعني اضربه .. ^_~ < صارو كويتيين ياولد ماهو سعوديين

( مثال : يامحمـد طق الزر ) يعني اضغط الزر

لي رجـعـه إن شاء الله

هـ هـ هـ هـ هـ هـ هـ ــآاااإأأي

~

#**110** 07-30-2009, 10:22 AM

اقتباس:

المشاركة الأصلية كتبت بواسطة بنت الرياض

هههههههههههههههههههههههههههههههههههههههههههههههههه ههاي

تعبت من الضحك..

تصدقووووون اشتهيت خواااااااااااااااااااضه..

هههههههههههههههههههههههههههههههههههههههههههههههههه هههههههههههههههههههههههههههههه

نفـسـي اعـزم واحـد حضـري يــوم واخليـه ياكلـها ..

قسسم لتجيـه السخـونه .. و يجيه ذاك المغص , و ذيـك الساعه ماتنـفع بنادول ولا فيفادول

ولا تنويمة ولا مخـدر .. اصلأ كذآ كذا جمسـة مخـدر ..

~

تسجيل دخول