#1
|
|||
|
|||
خالد الحجيري (بيرق سليم) وعبد المحسن القويعي
خالد الحجيري
انا ماكنت احسبك يالقويعي تخلف الهقوات = وانا ضليت واقف دونكم في كل ميداني طلبتك مطلب طيب وربي يعلم النيات = وهذا مطلب ماينرفض يالذيب سرحاني عبدالمحسن القويعي على هونك ياخالد لاتجيب اعلوم دون اثبات = انا في ساعة الشدات دورني وتلقاني ترا بعض المطالب يعتبر زله من الزلات = وانا رجال اجازي راعي الاحسان بحساني خالد الحجيري كفو والله لكن العلم مايحتاج للفات = وانا رجال واعي واعرف العربان من داني حسبت انك تحالفنا يابوجاسر علي السادات = واثرك اللي تحالف ضدنا مع مر الازماني عبدالمحسن القويعي ضميرك لاتبيعه مع هل الروحات والجيات = اخذ هذا النصيحه واعتبرها جتك مجاني اثرك اللي تسبب مشكله واتجمع الشلات = لكنك في طريق الشر دور واحدن ثاني خالد الحجيري ضميري حي من عهدً مضى مايتبع الهفوات = ولاعمره يدور مصلحه بفلان وافلاني عليكم واجبً غصاب في الحسنات والسيات = ولو حصلت منكم حرف واحد كان جزاني عبدالمحسن القويعي تبون اتصادمون طويق هذي مشكله بالذات = طويق اكبر جبل له في البلاد اسمً وعنواني لكم راي ولكم عرف ولكم وجه من الوجهات = وشرهتكم على خط الجموم وخط عسفاني خالد الحجيري بقوة ربي المعبود نهدم راعي الطنخات = وانا حالف يمين الله لاادفه جوف نيراني على ساس المعرفه مادخلنا الكذب والشكات = وهذا العرف يبقى مايزيله راس شيطاني عبدالمحسن القويعي على تال الزمان اتفكرون بعال الهامات = ونارك يالحجيري كلها عودً ودخاني عسى الله يبقي الحيين عسا الله يرحم الاموات = كلام العقل لاقلناها رجح كل ميزاني |
#2
|
|||
|
|||
رد: خالد الحجيري (بيرق سليم) وعبد المحسن القويعي
محاورة رائعة وجميلة لا فض فوكما ولا كثر شانئوكما
|
#3
|
||||
|
||||
رد: خالد الحجيري (بيرق سليم) وعبد المحسن القويعي
من هذه المحاورة يدل انهم شعراء وان المستقبل امامهم من خلال الكلمات .
بالتوفيق لشاعرين المبدعين تحيــــــــــــاتي |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|