من مرزوق بن غازي السلمي الى الشيخ شليان المعبدي

أسعد الله أوقاتكم بالخيرات وبعد:
أحب ان ألقي بين أيديكم رسالة منظومة في قصيدة من الشاعر المعروف مرزوق بن غازي السلمي
الى الشيخ شليان بن خليفة المعبدي ورد من الشيخ شليان ...





البدع مـن الشاعـر مـرزوق:
يامرسلـي ود الرسالـة شليـان = معروف شيخٍ من شيوخ المعابيـد
ماصك في وجه الخطاطير بيبـان = اقلط لمجلس فيه تكميـل ويزيـد
دله وبرادي وحايل مـن الضـان = وعلوم شيخٍ شوفته كنهـا العيـد
شيخٍ ولد شيخٍ سلايـل كحيـلان = بعيد عن درب الـردى والمناقيـد
قله ترى للطيب مبـدأ وعنـوان = ولاني محدد طيب الاجواد تحديد
لك وقفةٍ ماتنسي طول الازمـان = وقفة وفا وموكـد العلـم توكيـد
وحنا ترى الاحسان نجزاه باحسان = ونسدده بالكـاش مافيـه تقصيـد
والناس فيهم واجد اشكال والوان = وانته كريم ومن رجـالٍ صناديـد
ياكاسب الطالات ياراعي الشـان = توعد وتوفي في جميع المواعيـد
أنا اشهد انك ياصديقـي شليـان = شيخ مجرب من شيوخ المعابيـد


الـرد مـن الشـيـح شلـيـان:

.
يامرحبا مليون بالصقـر شيهـان = ماتخص واحد من رجال المحاميد
مرزوق بن غازي وجده هجيـان =يحماكم الله من عيون الحساسيـد
ساسك وراسك كلهم ناس شجعان =وحلفت فالمصدار وان كان توريد
مرسولكم جانا ياذرفيـن الايمـان =ونقابله بالطيب حاضـر وتسديـد
انتم رجال الطيب ضاري =وذلوان لاقفـو الانـذال عنهـا معاويـد
وانتم لكم تاريخ في كـل ميـدان =وقت مضى كله غزاة ومجاريـد
واليوم ياربي لك الحمد صدقـان =نمشي سوى ومهد الوضع تمهيـد
ربعي معبد مثل قصر بالاركـان =ورجالهم تارد جميـع المواريـد
وختامها مسك وعنبـر وريحـان =ومجنده مثـل الطوابيـر تجنيـد
وصلاة ربي عد همال الامـزان =على نبـي هـدد الكفـر تهديـد


ودمتم سالمين...

اخوي نايف

نقل رائع ومميز والشاعر مرزوق شاعر كبير وله وزنه وكذالك الرد راقي جدا

بارك الله فيك

نقل رائع من الشاعر الكبير مرزوق بن غازي وأيضاً الرد
لاهنت اخوي منصور

♥¤°•.آلآسـ°ـيےہفــ .•°¤♥

ماشاءلله تبارك الله ..

ونعم بهم جميعا ,,والشيخ شليان صديق حميم للكثير من البقله ..

يعطيك العافيه ..