ديوان الشاعر / عبــــدالله الصــــالحي

#1 03-11-2010, 11:48 PM

بسم الله الرحمن الرحيم

أخواني أعظاء وزوار منتدى قبيلة بني سليم

السلام عليكم ورحمة الله وبكاته

أتقدم بالشكر الجزيل للقائمين على هذا المنتدى الذي يحمل إسم قبيلتنا العريقه على مايقدموه من عمل دؤب للارتقاء بالمنتدى ليقارع منتديات القبائل الاخرى .

وهانحن اليوم نجني إحدى ثمرات هذا المنتدى ( دوواوين الشعراء ) الذي أفسح لنا المجال لنطل من خلاله بما جاشت به أنفسنا من قصائد شعريه .

كما يسعدني أن أضع بين أيديكم وأمام أعينكم في هذه الصفحات بعض من قصائدي التي تحمل العديد من المشاعر وتجسد الكثير من معاني الحياه ومعاناة الناس .

راجياً أن يحوز ماأقدمه على رضاكم واستحسانكم

أخوكم / عبدالله الصالحي

#2 03-12-2010, 03:56 PM

ديوان العرب

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
الشعر ديوان العرب علمٍ أكيد=وعن سليم الشعر شمسه ماتغيب
قولٍ تعده العرب ماهو جديد=ومن يجحده تاريخنا عنا يجيب
والشعر في هذا الزمن حظه سعيد=أصبح بعين الناس أهم من الطبيب
واقول للشعار واكرر واعيد=ولكلّ من يسمع عسى فاله يطيب
صهر المعاني في بيوت من القصيد=ونشرها على الملا ماهو صعيب
الصعب من يختار له معنى مفيد=ويقدمه للناس باسلوبٍ عجيب
وكسر القوافي ومثلها المعنى الزهيد=تحسب على الشاعر ولو قالوا لبيب
ما قول أنا في هالزمن شاعر فريد=ولا قول ما عرف الخطأ دايم مصيب
أقول ثبتني على الرأي السديد =يارب واغفر زلتي يوم المشيب
واجعل نهار القاك ليه يوم عيد=ولعل منزالي من محمد قريب
[/poem]

#3 03-14-2010, 10:29 PM

راع الفكره

أبدأ بمن تحيا القلوب بذكره
معـلّـم الانسـان مـالم يعلم

واثنّي بشـكري لـراع الفكـره
اللي جعل لسليم منها معلم

مارجعـه عن مقصده مايكـره
نـيّر فِـكِـر يـومٍ غـيره مظـلِـم

عين لطريق اليوم وعين لبكره
دايـم بـرِفـعــة منتـدانا يحـلــم

وسـاعدوه من الطناخه سكره
شــباب مـاتعــرف ياليت ولـم

وبمشـارك الاعظا تدور البكـره
وشـمل القبيله بمنتـدانا مِـلّـم

والمعـرفه تجلى العـلوم النكـره
والعلم دايم من صفات المسلم

والعـِرف صـار المنتـدى محتكره
يخـتار مـن بـين العلوم الاسلم

ولعــل صـيّــاد الـميـاه العـكــره
اللــي يحـاول للخـلايق يظلـم

دايـم يكـبل عـن هـواه ومـكــره
حتــى يعــود للصـواب ويسـلم

واختم بمن تحيا القلوب بذكره
معـلّـم الانسـان مـالـم يعـلـم

#4 03-16-2010, 09:59 PM

طروق العجيفي

سـلام لك مـنـي بـدعـتـه بـكـيـفــي
وكـيـفـي أعـرفـه للطـواريق بــدّاع

ياصاحبي جاتك طـروق العجـيـفي
لابــد تسـمـعـهـا بعــد جـالـهـا داع

مصــيـونـةٍ مـن كـل زلـه وحـيــفي
تمشي على حسن المبادي والاطباع

صـالـي سـناهـا في فـؤادي جنيـفي
أفــرح لياجـالي مـع الشــارد صراع

أغـدق عـلـيـهـا بالـكـرم مـثـل ظيـفي
وأصرف عليها طيب من كل الانواع

حـتـى تجـي فـي لازمي مثل سيـفي
ليـاقلتهـا العـاقـل يشـنف لها أسـماع

ولأن جسـمك يحـتـمـل حـر صيـفي
أرسـلت لك من صالي القاف ذعذاع

حـلـّق معـي فالشـعربالـوان طيـفي
تـراي أنا فالشـعـر بالحيـل طمّـاع

ولايـلـحـقـك منـي مـلامـه وحيـفي
اللـي مـكانـه فالشـفا يرفض القـاع

#5 03-19-2010, 12:35 AM

هذه القصيده كتبتها مجاراه لقصيدة الشاعر مضحي السلمي التي بإسم (الاسم المستعار)

ياهجـوس الشـعر منك اليـوم مانبـي إعتــذار
جـمـليـنـي ياهـجـوسي بين ربعـي واقـربـي

هـاتي الحكمه وقـول الصـدق للنـاس الحـرار
وبـلـغـيـهـم ياهجـوسي مـن لسـاني مطـلـبـي

أنتـي أغـلـى في عـيـوني مـن الدراهم والعقار
وأنـتـي عـنـدي راس مـالـي كلبـوه ومكسـبـي

كــم لـيـلـةٍ شـبـيـت أنا وايـاك للشـعـّار نــــار
وأقـريـتـهـم جــزل المعـاني باللسـان اليعـربي

والشّـعر عنـد العـرب حكمـه وعـبره وافتخـار
كــم عـقـولٍ نـيــّره فـي نـظـمـهـا لـه تـتـعبـي

والشّـعر كـم خـاض به شـاعر من الأمه غمـار
حـرب فيها الـروس تسقط عن عظـام المنكبـي

مـثـل عـبـدالـله رواحـه وابـن ثـابـت فـالأثــــار
شـعـرهـم له فعـل سـيف إبن الوليـد ومصعبـي

والشّـعـريحـمـل هـمـوم النـاس فـي كل الـديــار
من المشرق الأقصى لطلوع الشمس لين المغربي

والشّـعربأصـدق مشـاعـر شـوق للشـعّـارســـار
ياخـذ عـقـول أهـل الهــوى الاّ ويـســبـيـها سـبـي

والعـاقـل اللـي يـرتـفـع بالشـعرعـن قـول العــوار
قـدام تـلـفـح نـاره ريـاح المـــلامـــه وتـخــبــي

هـذا الشّـعـر اللـي مـع الـعـقـال يـبـقـى لـه قــرار
مايـنـّســي لـوشــاعـره مـع الـلـيـالي يـذهـبـــي

ولايضـر مـن يكتـب جـزيل الشّـعر إسمٍ مستعار
مـدام صـيده للجــزال بـفـعـل نـاب ومخـلـبـــي

وباقْ الشّـعر يولـد من الشـاعـر وهـو فالاحتضار
يمــوت فـي مهــده خـديـج بـلاحـراك ولاحبــي

تـصـدّ عـنـه وجـيـه للاحـرار وافــين الشـبــار
ويـتـبـعـه يـجـيـرك الـله السـفـيـه مـع الغـبـــي

ولايـرتـفــع غـث القـصـيـــد ولـو نسـبته للكبـار
والـمـعــذره للـــي تـكــدر صفـو بـالــه بسـبـبـي

#6 03-19-2010, 01:10 AM

رد البرى

جــاك مـنــي ســلامٍ مـن خـفـوقـي يـفـز
صـاغـتـه لـك هـجــوسٍ ماتعـرف النشاز

مـانـطـق بـه لسـانـي لــين شـفـتـه جـهــز
واستوى في ضميري وعلى رضاي حـاز

وشـفـتـه يـلـيـق بـالـلـي بـيـن ربـعـه بــرز
كـنـه طـويــق والا مـن جـبــال الـحـجــاز

لـلــكـرم بـيـت مـبـنـي ولـلـفـضـيلـه مـلــز
والـخـصـال الحمـيـــده حـازهـا بـامـتـيـــاز

مـن بـيـن كـل الجماعه لنفسي اقرب واعـز
مـاظـلـم مـن يقــول ان له بقـلبـي انحـيـــاز

كـتـبـت لاجـلـه بـيــوتٍ مـثـل عـقـد الخــرز
مـن يـاقــوت وزمـــرد مـاهــي مـن قــــزاز

ابشـتـكـي لـه زمـانٍ فـي الـحـنـايا غـــــــرز
خـنـجــره لـيــن قـلـبــي عـن عـضـاي حـــاز

كـل مـاقـلـت هـــانـت جـــا لـهـمــي عــــزز
لـيـن صـارت همـومــي مـن القـوي مـاتــراز

الامــــانــي بـعـيـــده والـــرزايــا تــهـــــــز
خـافـقٍ مـن صـروف الـدهــر جـاه اهــتزاز

والـلـه انـي بـدربـي ليــا مـشــيـت احـــترز
لـكـن الـوقــت هـــذا مـايـفـيــــد احـــــتـراز

اقــرب النــاس اشــوفــه للـفـرص يـنـتـهــز
اسـتـغـل الـظـروف ومـــارس الابــــــتـزاز

كـنت احســبه عصــاي اللــي عليها ارتكــز
لـكــن الـيــوم لـلاحــــداث صـار ارتكـــاز

مـن يـخـيــل الــبـروق اللـي مـطـرها غـرز
مـالـقــى شـربة المــا لـو يحـفر ارتــــــواز

احـتـمـلـت الــرزايا لـــيـن صــبـري عجـــز
واشـــوف رد الــبـرى للــي ظلمنـي يجـــاز

مـن يـــوم راح الـوفــا والـطـيـب لـقيـاه عــز
خـابـت اصــدق ظنـــونـي فــي رجـال عـزاز

ومـن خـشــى عــثرتـه عـن مـايـعـيـقــه قـفــز
واسـلـم الـِرجْـل سـقـم جـروحـهـا والـغِـــراز

ولا كـان صــبـري علـى ظـيـم الليــالي عـــوز
ولا وطــأ خـف ســاقـي غـيـر الارض الـعَـزاز

الـلـه الـلــــي يـــذل الـنــــاس والــلـــي يـعــــز
مـن تـبــع شــرعــه الـواضـح علـى النـاس فــاز

#7 03-24-2010, 05:04 PM

زلة عاقل

[poem=font=",6,darkblue,bold,normal" bkcolor="transparent" bkimage="" border="none,4," type=1 line=1 align=center use=sp num="0,black""]
سلامات ياناجي من الشر سلامات=نجاة راسك نعتبرها غنيمه
وجروح جسمك لو قالوا عميقات=مع الزمن تبرأ وتصبح قديمه
لكنك اسمح لي ابرسل اشارات=من قلب صافي للعقول الفهيمه
مااقولها مزحٍ ولاني بشمّات=اقولها صادق بنيه سليمه
ربعك لها في مثلك آمال وهقوات=آمالها كبرت وصارت عظيمه
وصارت توسم فيك حل الصعيبات=تذكرك لادور غريم لغريمه
واليوم ينعاد النظر فيك بالذات=ياشين بعد السيل لاجات ديمه
الزله من العاقل ليامنها جات=تمسي الظماير من وجعها سقيمه
من كان له سمعه وجاه ومروات=واجب عليه يصونها من الخريمه
الناس خالقها جعلها مقامات=وكلن على فعله يعلّق وسيمه
والرجل يختار الفعول الجزيلات=ويختار من بين الخلايق نديمه
ومن كان للريبه بوجهه علامات=لايقول ظن السؤ فيه ظليمه
خلك مع أهل الطيب تمشي مسافات=وابعد عن اللي فالمعاصي مقيمه
واصلح ضميرك واعتبر بالذي فات=يصلح عملك وسكتك مستقيمه
ولاضاق بالك من شديد الملمات=إفزع لمن يحيي العظام الرميمه
ولانست من ذنبك ندامه وحسرات=سخره للطاعه وقود وعزيمه
هذي نصيحه صغتها بعدة ابيات=جاتك من عروش الفؤاد وصميمه
أبغاك تقراها على النفس مرات=والعاقل يقولون عقله خصيمه
[/poem]

#8 03-24-2010, 05:20 PM

صوت النشاز

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياهاجسي سمعت صوتٍ يناديك=صوتٍ نشاز ولاعرفنا بيانه
لاهو على قول الجزايل يجريك=ولايستحق أقطع بيديه عنانه
وانا على حسن المبادي مضريك=صدق الحديث وحلم وايظاً رزانه
خل العلوم اللي تخالف مباديك=تركك لها أقوى من كلام الادانه
وهات القصيد اللي طروقه تسليك=مع الرجال بمنتدى له كيانه
لهم بقلبي قدر مافيه تشكيك=ولهم عليه حق وايظاً موانه
رجالٍ زحول وفالمعارف تجاريك=كلٍ على نهجه ويتعب عشانه
فالطيب تاخذ منك دايم وتعطيك=ولاتمشي دروب الردى والمهانه
وصبرك على اللي كل همه يزاريك=إن ماكسر له سيف يثلم سنانه
إصبر ولو ضاقت عليك المساليك=يجي لها من الله فرج في آوانه
[/poem]

#9 05-23-2010, 06:35 PM

سطوة بناني

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياقلم أروى من الحبر المسال=ثم لاتشكي عليّ سطوة بناني
ولا تذمّر لو نزف الحبر طال=خلّ لون الطرس يرجع لون ثاني
واكتب ابياتٍ مثل وزن الجبال=واحلى من شهد العسل وسط المجاني
قلتها من هاجسٍ صعب المنال=بعد ماوقتي على القصيا حداني
أرعدت لي المعاني (ف) الخيال=ثم هلّت وبلها على المحاني
وأنبتت للشعر في صدري تلال=فيها من نبت النفل والاقحواني
وتخيّرت الشعر من كل جال=وقطفته من حسينات الجناني
ثم جيت اقدّم الشعر ارتجال=للرجال اللي تشوفه بالعياني
والشعر مكسب واعدّه راس مال=في لزومي لا بغيته ما عصاني
منزله عالي بقلبي ولا يزال=لو اخذ مني اقول انه عطاني
ولا نقول الشعر للناس ابتذال=ولاندور من وراه لمدح فاني
ولا عليّه من مثيرين الجدال=فالنهايه خاسرين بلارهاني
والرفيق اللي ينادي للنزال=مدري ليّ القول والا ماعناني
استحق النصح مني بكل حال=والنصيحه واجبه للمودماني
التحدي تكون للمسلم مثال=فالسماحه والتسامح والتفاني
ومعرفة فرق الحرام من الحلال=ومافرضه الله فالسبع المثاني
والعمر لحطه مثل وقت الزوال=خلها طاعه توصلك الجناني
والتحدي في جزيلات الفعال=ونصرة المظلوم ردع لكل جاني
وتذكّر لحظة فراق العيال=وساعةٍ فيها الخفا مثل البياني
والتحدي ترك منبوذ الخصال=واغتنام الخير في شهر رمضاني
ياقلم بعد انتهى الحبر المسال=انتهى ماجاك من سطوة بناني
[/poem]

#10 05-27-2010, 10:37 AM

ربـــاعيــــــــــــــات

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سوّيت لك من قاس الاضلاع مجداف=اركب على موج المشاعر وجدّف
واجمع من الاشواق مرجان وأصدف=واروي بها مهجة حبيبك وجدّف
وليا شكيت من الهجر شح الاهداف=صوّب على قلبي سهامك وهدّف
لكن لا تترك لقانا للاصداف=تراي عنك اصبر القلب بالدّف
[/poem]

************************************************** ***********

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مافيه شخص من العذاريب سالم=الا النبي المصطفى صفوة قريش
وكثر العتب يترك فالانفس معالم=والجرح مايبرى ليا جاه تنبيش
وقلب الحبيب لصادق العذر والم=مثل السحايب للديار المعاطيش
ويكفيك علم اللي بالاسرار عالم=عن علم يقصد به اشاعه وتشويش

[/poem]

************************************************** ****

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرت قريحة شعركم بي مثل غيث=مر بسحاب ومنه قطر (ن) تناثر
والشعر غيث (ن) للمشاعر ومن حيث=مامرها الاشواق فيها اتكاثر
مالوم انا جزلات صارن مجاثيث=على ركبهن عند كامل مآثر
قدوة شعر للي لياله مغاثيث=وزادها حظ (ن) للاقدام عاثر

[/poem]

************************************************** *

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لا شفت زولك قمت ارحب واهلي=واكرر الترحيب وانوّع اللفظ
وليا هرجت اخشع خشوع المصلي=وماينطق لسانك تراي احفظه حفظ
ولا قلت ابمشي دمع عيني يهلي=طاري فراقك ينفض القلب لي نفض
يغيب الفرح مع غيبتك والتسلي=وباب السعاده لو طرقته لي الرفض

[/poem]

تسجيل دخول