قييييييمة الرجال

لاصارللرجل فضل ومنزلٍ عالي
يملى عيون العرب يكبر بناظرها

ليا عطى جزل كنه وبل همالي
وأكمامه ليا حزبه العلم شمرها

له منزلٍ للنشاما فيه مدهالي
وضيوفه إن جات له طيب خواطرها

ماهو سوات الكتيع اللي على بالي
اللي يخدم العرب و يطيع أوامرها

إن جات له فاقةٍ ياساتر الحالي
وإن راح له في رعيه مايذمرها

راع السهل صعب يرقى فوق الأقذالي
والمرجله ماتغر اللي يدورها

وماكل من قال أنا خيال خيالي
لو الفرس طيبه مازين حوافرها

دنياك هذي بها الانسان جمالي
أحد مسند بها واحدٍ محدرها

والمسعد اللي مصلي طيب أعمالي
إما أمور البشر ربي مدبرها

ماينفعك يالبنادم وفرة المالي
لابد من يوم للوارث يبعثرها

قدم لنفسك ورخص للورا الغالي
مانته مداوم على الدنيا تعمرها

وكم واحدٍ صرها جنيهات وريالي
كل يوم يرفع غطاها غير يسبرها

وأقفاء وهو ماعرف منها طعم حالي
روحك بعد كسرها ماحدٍ بجابرها

نفاع الربيقي السلمي

******