ديوان الشاعر / عبــــدالله الصــــالحي

وردتني هذه الابيات برسالة جوال من احد الاصدقاء .

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
إعلم ترى الدنيا حلاها مواصيل=دنيا بلاميصال مابي حلاها
ياوقتنا اللي فيك كثر المشاغيل=ناسن تمنى ماتحقق مناها
بلغ تحياتي خيار الرياجيل=تحيه من الشوق عجله خطاها
[/poem]

وجاريت ابياته بهذه الابيات المتواضعه .

نوايا الوصل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
عرفت أنا الدنيا ياراع التماثيل=وجربتها في لينها وفي قساها
أفضل مافيها سجدةٍ تالي الليل=مع توبةٍ لله وثيقه عراها
ومن بعدها وصل الرجال المشاكيل=اللي على الجزله تباك وتباها
اللي تشب النار وتعدّل الميل=رواسي الدنيا لا دارت رحاها
لاغبت عنها جاك منها مراسيل=وطيبها يشرح صدر من نصاها
يفديهم اللي كل وصله تعاليل=ماغير ليت ولو والّا عساها
يضيع وقتك معه فالقال والقيل=ونفسك ماتلقى عنده الا شقاها
يرميك لا عافك على جارف السيل=وصداقةٍ بينك وبينه نساها
واعذر صديقٍ عادته يوفي الكيل=لو غاب له غيبه طويلٍ مداها
كثر المشاغل للمواصل معاويل=تهدم نوايا الوصل في مبتداها
لو القلوب توق للوصل بالحيل=اشغالها عن الوصال تحداها
ولابد من يومٍ به اشغالنا تزيل=وتجود نفحات الوصال بشذاها
دام الوفا شمس المشاغل مخاييل=والوصل يقشع سحبها من سماها

[/poem]

شـــــــذرة الســــــــيف

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
فأقصى حشايه يدفن الوقت بذره=وزرعه يجي نبته في راسي ووجهي
ويسقي سحاب الهم بعيد جذره=ومن الروى يظهر بياضه ويزهي
بعد النهار أقفى ولي ساق عذره=والليل مع فيّ العصر قام يلهي
خليك يانفسي من الذنب حذره=وخيّبي ظنون اللي على غواك مرهي
تراك من نطفه مهينه ومذره=خلقك من يامر لخلقه وينهي
أدرِي انا ناشك من السيف شذره=والصبر وحده للمعاناه منهي
إدرَي لسانٍ لو هرج طال هذره=وقولي عشانه شذرة السيف وشهي
[/poem]

الورد

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياخالد الورد مايترك بعد غرسه=نضارة الورد من ريّه وتهذيبه
غرسة لي ورد وانته مني تحرسه=ونفسي شفوقه على لمسه وتشذيبه
سمعت شكواه لي بالرغم من خرسه=لو كان قلبي حجر والله لتذيبه
وكتبت شكواه لك بالحبر في طرسه=أنْه المعاناه والاّ زيد تعذيبه
حملتني وزر ذاك اللي خلع ضرسه=وأمسى بقفرٍ بعيدٍ عاويٍ ذيبه
جندل غروره لكم بأطماعه الشرسه=واليوم بأعلى الهرم علّق مجاذيبه
هذا لسان الزمن يشرح لنا درسه=وأظن قول الزمن مايجوز تكذيبه
مبدأ الشفافيه إختاره لنا وارسه=في مجتمعنا وخل الكُل يهذي به
[/poem]

جرح الظماير

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
الله ولا رفقة عديم البصاير=اللي بفتّح للفتن كل الابواب
ولا رفقة اللي بزلته جاك عاير=يبلي بها عاقل يبي كف الاسباب
شكواه منها مثل كشف السراير=وصبره عليها يزيد ناره بمشهاب
أقوى جروح الوقت جرح الظماير=وأشرس عدوٍ لك عداوات الاقراب
جرح العدو يبرى ولو كان جاير=وجرح الرفيق تموت والجرح ماطاب
جرح الرفيق بداخل القلب غاير=وجرح العدو تقدر تغطيه بثياب
جرح الرفيق يجيك من يد باير=وجرح العدو من ضربة سيوف وحراب
جرح الغدر ياقف به الطب حاير=وجرح الملاقا سهل مايعجز اطباب
لولاي أغض الطرف وادمح واساير=ولو كل ماجاني أبحسب له حساب
في كل ساعه يمدي الدم فاير=وثلثين ربعي جزت عنهم بالاصحاب
لكني أصبر لو أشوف العزاير=وبالصبر يفرجها علي رب الارباب
ويبدل اللي رفقته لي خساير=برفقة صميدع دوم للطيب كساب
[/poem]

أسند إلي الشاعر /هليل العطافي قصيده بعنوان (صدري شمالي) وأجبته بهذه القصيده .

قــوّ الإراده

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الليل طال وعاف قلبي رقاده=والعين ماتقبل من النوم مقدار
من يوم ماعمّق بقلبي وتاده=همٍ مقيمٍ مالفى القلب زوّار
عيا لجام الصبر يكبح عناده=وحلمي عليه يزيده عناد وإصرار
مايفيق قلبي من غياهب هجاده=إلا على صوت المآذن بالأسحار
أبديت(ل) هليل بعض من وداده=وأخفيت عنه أكبر من جبال سنجار
هليل سنام الطيب وايضاً عماده=حُرٍ مجرب نسل شجعان وأحرار
عاقل ومقصودي من العلم صاده=ماسجّ عنه يمين ما زلّه يسار
وجاني نديبه بعد تم إعتماده=بشعرٍتحير منه والله الافكار
مالي عليه ألاّ بقوّ ألإراده=وقّفت هاجوسي له إجلال وإكبار
يامرحبا كُثر الخلايق عداده=باللي عشاني وليّ من ديرته سار
شوفه لي أشهى من النسيم وبراده=وأعذب لنفسي من جنى طيب الاثمار
يقلط بمجلس مايمل إرتياده=وتنساق له دله بها الكيف يندار
وياخذ وجوب الضيف وايضاً زياده=وأصرف له أبيات الشعر صرف بيطار
ياهاجسي لك فالمواقف جلاده=تختار في جزل المعاني ماتحتار
غوص البحور وهات لؤلؤ وغاده=ودرٍ وياقوت وزبرجد ومحّار
نصنع ونتفنن بصنع وإجاده=تاج الشعر رمز الجزاله والابهار
لك ياعميد الشعر فخر العماده=ويبقى لنا عندك هديه وتذكار
الود لامنه فِتَرْ إستعاده=حُسن العتب مايرده الاخذ بالثار
والجمر يبقى لو علته الرماده=ماينطفي ويشب لاهب الاعصار
واسهل على الرجال خرط الكتاده=من زلةٍ يهرج بها ثرثار
والحق سيف ولايزال بغماده=ماتسله الا زلةٍ مالها عيار
واللي بنفسي عذرك اليوم أباده=شرهه وطفّى نارها وبل الاعذار
والصقر مايبرقع بساعة هداده=ولايهده الصقار في ليل غدّار
ويبقى مدير المنتدى في شداده=يحفظه ربي من صواديف الاقدار
الله يذكّرنا بقول الشهاده=في حزةٍ تشخص بها كل الابصار



[/poem]

هذه قصيده متواضعه وجهتها لاخي الشاعر /هليل العطافي وقد شرفني بمجاراه رائعه نشرة في ميدان الشعر في هذا المنتدى الشامخ

الشــيـب

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
الشيب حاربني على شعر راسي=وعيت ترده عني سيوف ورماح
قلت التجاهل يطرده والتناسي=والا يروح لا رأى زنودي صحاح
لكن شمل راسي بوقتٍ قياسي=واليوم في دقني وفي عارضي لاح
واكثر مايطرد عن عيوني نعاسي=علم اخذته من حديثٍ بالاصحاح
ماخطيت في فهمه ولاني بناسي=الشيب مرسول الفنا مابه مزاح
واليا بدى طلع الثمر بالغراسي=جاها الحصاد بليل والا بالاصباح
افزع عليه يالرفيق السياسي=قدام جيش الياس للقلب يحتاح
وانته اكيد إنك تجرعت كاسي=واهل التجارب ابخص بطب الاجراح
اشوف لون الليل للراس كاسي=ماكن زاره شيب ولا حطه مراح
اجليت عنك الشيب بامرٍ رياسي=والا طردته با شهب اللال ياصاح
والا توصلتوا لحل دبلوماسي=علمني وسرك بقلبي ماينباح
لعلي اطرد بالرجا جيش ياسي=واعيش باقي العمر ياخوك مرتاح
[/poem]

مناسبة هذه القصيده إنعزمنا انا ومجموعه من الزملاء عند زميل لنا وبعد الانتهاء قمنا بعزيمة من حضر ووعدونا خيراً وطال الوقت ولم يردنا تحديد للموعد وتم تذكيرهم بالعزيمه بهذه القصيده الموجهه للشاعر / سالم الحليفي العتيبي .

المزنه اللي تعلت

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
سلام والدنيا علينا تسلت=وزايد شقاها لاهل العرف وعاظ
وصداقة اهل الطيب فيها استظلت=ناسٍٍ كثيره بوقتنا اليوم والماض
واللي عن سلوم المواصيل كلـت=تلقى الجفا اللي دوم للود نقاض
وناسن وفيّه بالمواصل تحلـت=تلقى الوفا بقلوب الاحباب ماغاض
وعلـمٍ يجول بخافـقي لاتفـلت=يجيك في طي المعاني والالفاظ
خلك فطين ولا تعذر بظلـت=عني المعاني وانت للشعر نهاض
عيني تخيـل المزنه اللي تعلـت=وارزم رعدها وشع براقها وناض
استبشرت نفسي بها واسـفهلت=وشوقي لوابلها ملى نفسي وفاض
وسُحب الشتا لا من بدت واستهلت=ماتبدي (ل) روس الشواهيق الاعراض
يازينهـا لا وقفت ثم هـلـت=ربانها لين الضمأ يرجع انقاض
ومنها الخزامى والبختري تـولت=على ارضنا وصارت تشكل بها رياض
ومن البطا نفس الشقاوي ماملـت=فضا صبرها واسع وامانيّها عراض
مايذبحه الا ليا قيل ولت=مزنه تقفاها من الريح نفاض
وش حيلتي وصادق المزن قلت=والوقت يسلبني بلا ديـن واقراض
وندب الوعود ابها حياتي تملت=وحسن النوايا لبسته ثوب فضفاض
عسى هجوسك يالحليفي استدلت=على مقاصد هاجسي بعد ماخاض
بجزل المعاني اللي لفكري تجلت=واخترتها من عدة بحور واغـراض
ابغـاك تكرمها لا جاتك وحلت=بدياركم فأيام صلفات وغلاظ

[/poem]

صداقتنا القديمه

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
صداقة الجيل هذا مثل لبس الثياب=كلن على موضة ثيابه يباله صديق
واذا انتهت موضة اللبس الصديق استعاب=تشوفه الناس يمشي مع صديقن عتيق
ومن عالم النت خم اللي له الحظ جاب=اهم شئ ان شكله بالتطور يليق
وقال هذا صديقي على (الوتس آب)=وصرنا على الفيس وتويتر نشكل فريق
راح معنى الصداقه في زمنا وذاب=في سراب التطور وفضاه السحيق
ماظن تلقى يابوعادل في سن الشباب=اللي لمعنى صداقتنا القديمه يطيق
صداقتن لو نخالطها بلوم وعتاب=كلن يشوف ان صديقه مثل اخوه الشقيق
ولو المشاغل تغيبنا غلانا ماغاب=بين الضلوع الحنايا ف كل ذكرى يفيق
والمرجله في نظرنا والصداقه اكتساب=ماينولها واحدن صدره بسرعه يضيق
شوف اختلاف المراحل مثل طعن الحراب=في جسدنا مع اطياف الزمان العويق
لكن يبقى الثرى مايرتقي للسحاب=واللي يسمى تطور مثل قشة غريق
[/poem]

رســـالة وسايط

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
الله يصبرني على كل ماصار=الصبر ماغيره لو القلب شايط
معاد ينفع لوم ماتنفع اعذار=بعد ضربت بودنا عرض حايط
انا الذي صابر على مصالب النار=وانته تباها مجاملات ووسايط
اليوم انا ابسدل عللى الماضي ستار=واترك جدال اهل الهوى والمهايط
وارسم طريقي رسم من ذاق الامرار=منها تعلم فن رسم الخرايط
وسابق غلاك يحدني ارسل اشعار=ونصيحتن لو في رسالة وسايط
مضمونها ياراعي العرف والشار=ماكل عثره جرحها يصير خايط

[/poem]

هذه الابيات كتبتها لاخي الغالي والشاعر الكبير هليل العطافي وقد اكرمني بمجاراتها بأبيات رائعه نشرت في ديوانه الخاص

تــويـــــــــتـر

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



روحوا أصحابنا مع التطور=مابقى غيري أنا واقف لحالي


قلت أبركب معهم الموجه وادور=مركبن ليه ومجداف وحبالي


وادخل تويتر وبالعلم اتنور=والشراء والبيع يزود راس مالي

وبعض الاحيان اعتبر هذا تهور=وعيب مثلي يمشي الدرب الهيالي


وأسمع ان العلم فتويتر مزور=زندقه والحاد مافيها جدالي
وانت بالاسلام ياقلبي منور=ولابعد نور الهدى غير الظلالي
ياهليل ماكتمل عندي تصور=غارقن في بحر شكي واحتمالي


من نتاج التجربه فالشك ثور=علم يرقى بالحقيقه راس عالي

[/poem]