قصيدة أخرى عن المرجلة

قصيــــــدة المـــرجلة

للشاعر / صالح العنسي




مــاكــــل رجــالٍ تسميـــه رجـــــال
ولاكـــــل طيــرٍ يفرد الريش جرناس


ولاكل من شال الثقيــلات حمـــــال
ولا المــراجل بالــــــرذيلات تنقـــاس


المرجله مقيــاس لاقـــوال وافعــال
وثقلها مثــل الجواهــر والالمـــــاس


ياماالزمن عرفني اشكـال واشكــال
وياما المــواقف عرفتني بالاجنـــاس


بعض الرجال اشباه في كل الاحوال
وبعضهم ينحط دايــم على الــــراس


ماهي منـاظـــر تحت غتره ولاشـال
المرجله حشمــه ومنطق ونومـاس


لاتحسب ان المـــــرجله قيل او قال
المرجله يبنى عمـــدها على ساس


والأصل والمعيار في الجـــد والخـال
واسلافنـــا قالـوا لنا العــرق دساس


والهرج ياما فيه قالـــوا من امثـــــال
تقــدر تميـــــز فيـــه ناسٍ على ناس

صح لسااااان الشاعر قصيدة جزلة
وشكرا على الاختيار والنقل
لاعدمناااااك

وتشكر على تواجدك هنا لا هنت