عزاه عزاه

[poem=font="arial,5,darkred,bold,normal" bkcolor="transparent" bkimage="http://www.arwqah.com/vb/mwaextraedit2/backgrounds/22.gif" border="none,4," type=2 line=0 align=center use=ex num="0,black""]
(ليه عشير وكــل ماجـــيت ابنساه) =يلج قلبي لجة جبال حايل

راعي وفا صاحب كــرم حلو مبداه= قبيلته تِذكر خيار القبايل

حاولت اريح خاطري حشمة رضاه= لكن قلبي مالقي له بدايل

قال السموحه قلت عــزاه عــزاه = لو اببيحك مابيدي وسايل

حبك لجا بالقلب واستحوذ اقصاه =وغير السهر والهم ماني بنايل

هذاك خلي تنثر السمن يمناه = ماني مبرق فيه والشك زايل

الجادل اللي لاابتسم في محياه = نوض البروق ومرزمات المخايل

وليا مشى ماكن بالارض ماطاه = كنه على زل الحرير يتحايل

ولياجلس جديل راسه تمثناه = يصل الوطا بالارض كالثعل مايل

وان هب نسناس النسيم وتغشاه = صَفّطه من فوق الردايف شلايل

والجسم بالتوفيق كامل مزاياه =متكامل الاوصاف مابه خمايل

اودعته الله ياعسى الرب يرعاه =النادر اللي به تطيب المثايل[/poem]