ديوان الشاعر / نايف ضيف الله مسفر السلمي

بسم الله الرحمن الرحيم

السلام عليكم ورحمه الله وبركاته

اعضاء وزوار منتديات بني سليم اسعد الله جميع اوقاتكم بكل خير

يسرني ان اقدم بين ايديكم بعض من قصائدي على شكل ديوان

امل ان تحوز على رضاكم واستحسانكم.

نايف ضيف الله مسفر العبيدي السلمي

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

سلام ياربع لهم في خاطري قدر ومقام = ربعن لهم تقدير واضح من على عصر الجدود
ربع ليا مني نصيت الهم لقيت الاحترام = لعل والله ماتراهم يافرح عين الحسود
الطيب يبقى حي ياراعيه لشتد الحزام = ماهو مثل كنز البخيل اللي كنز كثر النقود
ابوي وصاني وصايه قال وفهم بالتمام = خلك على التكميل والتقدير ووصيك الركود
ياطيب رجال على الطالات مشيه باهتمام = وياشين رجال فكل الوقت متعد الحدود
رجلن ليامنه هرج هرجه مخالف لنظام = ودك تقل يمسيلمه منته على الكذب محدود
رجلن ليامنه هرج ياطيب هرجه والكلام = انا اشهد انه لاهرج في هرجته يرقى سنود
ترى لسان الرجل ياهل المعرفه مثل الحسام= لابد يعرف مايقوله قبل نقص وقبل زود
الناس صدق اجناس فيهم كالصقر واخرحمام = سبحان من علم حمد سبحان من علم حمود
النور ياهل المعرفه ماهو شبيه بالظلام = والبيت مايبنيه ياهل المعرفه غير العمود
اليا بغيت اتجرب الرجال في وقت الزحام = اما طلع زيزوم ولا قول يالخبل الشرود
رجل بلا ربعه عسى في ساعته يغدي عدام = قال المثل يمنى بلايسرى ضعيفه فالوجود
الرجل ماله غير ذكره يالرياجيل الحشام = الطيب يبقى حي لو راعيه مابين اللحود
عزالله اني لمدح اهل الطيب مالحقهم ملام = ماني بجاحد فعلهم لوكان غطاه الجحود
ونعم يابوفواز قايدنا بعد لبس الوسام = ابوه قبله كان حلال الصعايب والعقود
حنا عضوده صف جنبه لن نهض وقت المقام = وحنا سلاحه والذخيره ياسعد علم سعود
شيخ القبيله له معزه من مشاها مايضام = ومن لاعرفها مايعرف البرق من صوت الرعود
هذه كلام الصدق يالي تنتظر مني كلام = ماهو كلام العاشق اللي مات في بيض النهود
وختامها يالله يافارض على الخلق الصيام = انك لتهديني على النهج الصحيح اللي يقود[/poem]

\7