سلة الحلوى

كل عام وانتم بخير
اللهم اهله علينا بالامن والايمان والطاعة والاطمئنان


يافرحة الاطفال لا ذاعوا العيد
ياسلة الحلوى وريح المباخر
ياريحة العطر المركز على الغيد
يالمنظر اللي يجمع احلى المفاخر
انا ترى شوقي مع العيد بيزيد
ياحلمي اللي في زماني تباخر
دموعكم فرحه وانا الحزن الاكيد
اللي دموعه مثل نضح البواخر
صبح المعايد حالي يزيد تعقيد
والليل يمضي بالسهر يالمشاخر
ليا ذكرت ايامنا والمواعيد
واحلى الهدايا خاتم وعطر فاخر
احاول اسلي ضميري بترديد
هذاك شي واليوم انا شي اخر
واليوم مر العيد دمع وتناهيد
من عقب كان الضحك واسلوب ساخر
خلاص يالعيد اقف عني وش يفيد
لا صار شوقي فيك جمر المباخر
ويافرحة الاطفال لا ذاعوا العيد
العيد فرحه عند مثلي تباخر