النيسـnissanــان

سلامي على ربعي وفي منتدى السلمان000على كل من يقرا ونقرا كتاباته
وبعد السلام اطلبك يا الله يارحمان000 لتغفر لعبدك لو تكثر خطياته
وترزقني الجنه وتكفيني النيران000وتجعل لساني خاتمته بشهاداته
وتوسع لنا فالرزق يالرازق المنان000وتصلح امور العبد سره وجهراته
رجيتك الا يا الله الا ياعظيم الشان000من العلم زدني طيبه وخير ثمراته
وفالشطر الاول وقفتي جات فوق الـ آن000وفي شطري الثاني حديته على آته
يلوموني فالجيب من وارد النيسان000وانا اقول كل انسان يمشي برغباته
لكنه يسلي خاطري لامشى يافلان000مع البر ما يعرف صليب ومطباته
ولو فالشتا علق وصقع مع الدخان 000 وفالصيف من مابه يحذف لطباته
مقرب بعيد الدار مشيه مع البران000لمنهو نوى المقناص ولا لمكشاته
ولا من حديته طاب مشيه مع الضلعان000لناشه خفيفه بعد تعشيق الاته
ولامن عطا الاسفلت ممشاه عانه زان000خطيرِ ٍ على من لا يعرفه بلفاته
وابختم بذكر الله قولي بذا القيفان000واسلم على المختار والحق صلواته

\7

الاخ القدير فواز السلمي

قصيده جميله ومعبره عن مافي النفس وفقك الباري وطول عمرك

السلمي فواز . صح لسانك

قصيدة جميلة في النيسان
والنيسان من أجود وأفضل أنواع السيارت وله عشاقه كما ذكرت في الرحلات والتمشيات ولقد امتدحت النيسان وذكرت بعض ميزاته
بيض الله وجهك
لك مني كل تقدير وأحترام

صح لسانك على القصيده الرائعه مدحت الجيب ونوع نيسان خاصه الله يعطيك واحد اخر موديل اذا ماعندك واذا عندك الله يطرح البركه فيه ويعطيك خيره . مع اقتراح مشرفنا ابو عادل نسخه للحمراني


دمت ودام قلمك في طاعه الله

الاخ / السلمي فواز


قصيده جزله بديتها بالسلام على ربعك

بني سليم وتطرقت بموضوعها للمدح

لسيارة الجيب النيسان وهذا النوع من

الشعر اجاد فيه كثير من الشعراء وربما

تكون انت من هذا النوع واتوقع ذلك

على كل حال صح لسانك وبيض الله

وجهك والى الامام وبالتوفيق

الله يحقق امانيك

اخي فواز السلمي

والقصيده رائعه

والنيسان اروع

شـكــ وبارك الله فيك ـــرا لك ... لك مني أجمل تحية .

السســــــــلمي فــــــــــــــواز
.كلماات ذهيبه وشعريه تسسلم

مبدع كـعآآدتك ننتظر المزيييد من الابدآآع المستمر

كل التقدير~

قصيده رائعه يعطيك العافية يارب

السلمي فواز

صح لسانك سيدي وسلم فكرك وبنانك

ابيات جميله تعبر عن حبك لجيب النيسان

والله يلوم اللي يلومك

ودي واحترامي لك سيدي

مع باقه من التحايا