الفرصه

#1 03-13-2014, 04:07 PM

الفرصه اليا جات منها ماستفدت
يمكن يفوت العمر ماجات غيرها

لاكن خذ حسب الشريعه ما قدرت
قبل يفوتك حملها وبعيرها

وان كان حضك قل وانك مااستطعت
اطلب اله الكون في تدبيرها

ان كان هليت المدامع لن سجدت
بتشوف من رب الملا تيسيرها

وتجيك بقعاء لو عنها ما نشدت
من حيث لاتدري يجي تغييرها

وان كان ماجت فانته الربك عبدت
والخير قادم لك وتلقى خيرها

يمكن يوخرها لوقت ماعلمت
لا نه حكيم فالعقول وسيرها

ولا ليوم الام خافت وهربت
تنسى من الهول الشديد اصغيرها

ولا تكفر من ذنوبك ما فعلت
والله يعلم نفسك وتقصيرها

ولا مصيبه حلها الله وافسدت
مانته بداري لو جاء معصيرها

ولا هداك الله والنفس اهتدت
هاذي فضايل دعوة وتفسيرها

والصبر زاد النفس كان انك فهمت
اما الفرج في ذي ولا غيرها

والرزق عند اللي يزيدك لن نقصت
يرزقك مثل الطير جوف اوكارها

رزقك مقدر وانت باقي مانخلقت
دنياك لا تشغلك في تفكيرها