بعد الانقطاع شاعر الاسبوع : الامير بدر بن عبد المحسن

\7

\7

تلك هي القصيده التاليه له


بعنوان


اغفرلي الزله




أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي

قصيده لمهندس الكلمه


بعنوان


شمس الجمال


[poem= font="tahoma,4,white,normal,normal" bkcolor="burlywood" bkimage="" border="groove,4,red" type=2 line=0 align=center use=ex num="0,black"]

هيه يا غصن تمايل بالدلال = ما تخاف الكسر لا هب الهبوب

وما تخاف الله وتسعى بالعدال = انصف من لحاظ عينيك القلوب

لا متى ذبح العرب عندك حلال = تابت العالم متى عينك تتوب

مير قلبي يا لغضي بيعه محال = ما أقدر أعطي لو تبي مني ذنوب
أشهد إنك بالحلى فقت الخيال = وعيب حسنك كان في حسنك عيوب

شارقة في طلعتك شمس الجمال = وجامع في ضحكتك كل محبوب

الخمل فيني انا ما بك خمال = مشملٍ نوّك .. وانا نوّي جنوب
[/poem]

\7

\7

انتي المزين قصيدة

[poem= font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]

شبي الونس واملي الهبايب بالاصوات = وعدي ضواري وحشتي عن ضلوعي
روحي خلا .. سكانها خوف وسكات = وليلٍ ملا قلبي .. ظلامه يروعي
ما هوب صدري .. ذي مداهيل الآهات = وماهوب جفني .. ذي مقابر دموعي
حبيبتي وان قلتها بعض الأوقات =من عزتي .. ماهي ترى من خضوعي
أهواك لي فوق الشواهيق رايات =وعلى حصون الياس تزحف جموعي
واهواك ورقاب المغلين محنات = واننتي المزين تنتخيني فروعي
واهواك مراتٍ .. واعاتبك مرات = بالله .. لا تبكين بردي وجوعي
إن طحت فـ اطوي الياس من حب الأموات = هذا رحيلي عنك.. واتلى رجوعي

[/poem]

\7

[poem= font="Simplified Arabic,5,white,bold,normal" bkcolor="gray" bkimage="" border="double,4,gray" type=1 line=0 align=center use=ex num="0,black"]
يطيح جفن الليـل واهـز كتفـه=يفز نجم ، وباقي الليـل مطفـي
واحاكي الجدران عن مثل غرفـه=ماتشبه الجدارن ويطول وصفـي
وتملني الجدارن واظهر لشرفـه=تحت السماء واسكر الباب خلفـي
ليت الشوارع تجمع اثنين صدفـه=لا صار شباك المواعيد مجفـي
ريحٍ تهب وتسكن العظـم رجفـه=وتموت ريح وتسكن اوراق نزفي
على الروابي تهطل دموع وطفه=ويصب لمع بروقها وسط طرفي
ياطاري الغدران ، والعمر رشفه=مع قلّها ، ياليتها ييـوم تصفـي
الحب واجد مير الأقـدار صلفـه=والارض واجد لكن العزم منفـي
والي اعرفه راح مانيب اعرفـه=ولااظن يذكرني اليا اقلبت مقفـي
ماهو حبيبي مورد القلـب حتفـه=ولاهو حبيبي يفرح بوقت ضعفي
مُّر ثمر هالليل ، وامـر قطفـه=يالحمظل الي صرت اذوقه بكفي
هذا وتّو الليـل مـاراح نصفـه=ياليل بعض اللي مضى منك يكفي [/poem]













* موضوع مميز يا فهد

الله يعطيك العافيه والى الامام يا مشرفنا المبدع ،

\7

[poem= font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

سافري كان يرضيك السفر =جربي لو ورى ليلي صباح
بدلي الرمل بأمواج البحر =واتبعي الغيم تحملك الرياح
سافري لين تبكين المطر = واضحكي لين ما يضيق البراح
ولا تعبتي وحسيتي بضجر =خلي الشوق لديارك جناح
أرجعي في ابتساماتك عذر =مثل ما الدمع في عيني سماح
انتي العين من طول النظر = وانتي القلب من كثر الجراح
[/poem]

\7