الورده

\7

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
كلما جن الضلام بداخلي دقيت بابه = ياضيا الكلمه دخيلك قال:سم قلت: المعونه
واقعي مؤلم ولالي سلوةٍغير الكتابه= فالخيال اسرح بمابي من ألم واضوي بدونه
بالقصيد ارثي واغازل وامتدح واهجو واجابه = من يقول ان الغرام يموت واهله يدفنونه
او يقول الطب ماخلا جروح بلا طبابه = شوف جرحي مابرى لو الكثير يعالجونه
الهوى نصف الحياة ومابقى منها عذابه =والشعر مرسول ميت لين يحيا في عيونه
من بنيت ابياتها له شوق ماقصدي عتابه = واســأله بألا يعاتبني بها من حق صونه
لآقراني واحتضنته صاحبي فى اقصى غيابه=هلت ابيات القصيده دمعها به يرتجونه
رحمةٍ كنه بخلها كن مابي مادرى به = ويل روحي لو نسيها في ملاهيه امحزونه
والعمر يو مض سوات البرق يامقصر شبابه=مادرى عن منفتن عايش على ذكرى فتونه
ذبلت الورده ونبتت حولها من الشوك غابه = والنسيم اقفى بباقي عطرها لا يارحونه
ليت يوم ان الحيا باب انفتح صكيت بابه = كان ريحت الضمير ولاهم اللي يعذلونه
عنك ياضبيٍ بواد الصيد ماصياد صابه = صابني سهمه وانا ماني من اللي يقنصونه
كامل الأوصاف طاف بمستحي طير صوابه = مايجيب الوصف ربعه يتعب اللي يوصفونه
العيون مكحله من ربها والخد لابه=والصدر بستان ميل بالثمر ناعم غصونه
والله اني من فراقه مت لو كانت اجابه= لكن النسيان نعمه بعضهم مايعرفونه
ذي نصيحه قالها لي شيخ يقرا في كتابه = افهمو منها على ماقالو اللي تفهمونه[/poem]

\7