لو دام حبگ ولـو دامـت علاقتنـا أنا لغيرگ ياقلبـي وأنتِ لغيـري ..

السلام عليكم ورحمة الله وبركاته

أدري مقصر معاگ وفـي محبتنـا
وأدري ماتدرين ليه أسباب تقصيري
لو دام حبگ ولـو دامـت علاقتنـا
أنا لغيرگ ياقلبـي وأنتِ لغيـري
لازم نقّوي على الفرقـى عزيمتنـا
لو گان بعدگ سبب همي وتدميـري
عجزت لا أدبر ظـروف ٍ تحدتنـا
ماقام حظـي ولا فـادت تدابيـري
المجتمع والعوايد غصب حدتنـا !
وإلا أنتِ اصلاً زيادة خير في خيري
ولو إن قربگ خطا يابيـض رايتنـا
يزيد قدرگ غلا مـن زود تقديـري
مادنسگ گـذب حاسدنـا وشامتنـا
تبقين ورد العفاف إن زان تفسيري
لگن عزانا على الذگـرى وضيقتنـا
هذي حقيقه ولا داعـي لتبريـري
ياغايتـي يـوم تنهينـا نهايتنـا
تعالي أخذي من أوجاعي تعابيـري
أنا وشعري وصلنا فـوق طاقتنـا
أحزن وحزني يحبونـه جماهيـري
وفيت وأنتِ وفيتـي ميـر خانتنـا
گـل التفاگيـر وأولهـا تفاگيـري
واليوم ندفـن بقايـا حـي ميتنـا
ماعاد تحيـيّ معاذيـرگ معاذيـري
بعيش في سگـة الذگـرى بدايتنـا
وأسير لأحلامنا وأنتِ بعـد سيـري
تذگرينـي بيـاض ٍ سـاد نيتـنـا
تذگريني ولا يألمـگ .... تأثيـري
تذگرينـي وعيشـي فـي محبتنـا
تذگريني فهد صنهـات المطيـري
مع السلامه خلص واقـع حگايتنـا
أنا لغيرگ ياقلبـي وأنتِ لغيـري
وصلت لآخر محطه في مسيرتنـا
تطّول مشاويرگ أو تقصر مشاويري


أع ـجبتني فحبيت تشارگوووني روع ـتهآ

دمـتـم بالـــف خــيــرر