رثاء في الشيخ / عبدالله بن جبر المدلشي يرحمه الله

ثمان ذي الحجه ليلة عرافات،،
رآح الفقيد اللي فرآقه غبينه..
أبو فهد رآع الوفاء والمروات،،
بقيل ربعه كلهم فاقدينه..
شيخ الشيوخ اللي يروم المهمات،،
بالجاه والوقفه ومدة يمينه..
يرسي كما ترسي جبال السروات،،
تشهد له افعآله وتشهد سنينه..
يوم الخبر جاناوقالوالنا مات،،
العين تبكيله ورحي حزينه..
يالله طلبتگ يآبديع السموآت،،
ترحم فقيداً كلنا فآقدينه..
......الشاعر/خالد بن عبدالعزيز العلوي.......

الاخ/ ابو صبا

شكرا على النقل

ورحم الله الشيخ / عبد الله المدلشي

يا كاتب الاجال علام الارزاق،،
ياواحدٍ محمود في كل حاله..
..............................
يامعتق من النار فالحج الاعناق،،
يامهلك اهل المعصيهوالظلاله..
.............................
ألطف بعبدٍصارمن تحت الأطباق،،
في منزلٍ ساكن وحيداًلحاله..
..............................
الارض ضاقت بي وكل الفضا ضاق،،
يوم الخبر جانا وحان ارتحاله..
............................
انا أشهد انه علم ماهو بينطاق،،
لكنها حكمة عزيز الجلاله..
.............................
ابن جبر شيخ المكارم والاخلاق،،
كلن يقول ونعم لاجاء مجاله..
..............................
ربعه بكوه اليوم من كل الاعماق،،
والحزن خيم في سماهم خياله..
...........................
عساه في الجنه تحت خضر الاوراق،،
وشرابه من السلسبيل و زلاله..
.............................
وصلاة ربي عد ما لاح براق،،
علئ رسول الله وصحبه وأله..
............................
الشاعر/عبدالله بن رضيان المدلشي السلمي

مرحوم ياعودٍ دياره مريفه،،
للضيف والجيران والربع يشتاق..
الكل يشهد له فعوله منيفه،،
ابن جبر بين الرياجيل خفاق..
شيخ ٍ من زحول الرجال الشريفة،،
اللي نواياهم كما بيض الاوراق..
وقلوبهم بالصدق دايم نظيفة،،
حازو بياض الوجه مع حسن الاخلاق..
زودٍ على ذلك دماهم خفيفة،،
نسل الرجال اللي لهم صيت براق..
عساه فالجنه وحوله وليفه،،
حوله بنات الحور حلوات الارياق..

الشاعر / عبدالرحمن مسعد المحمادي

جانا خبر موته وضاقت له صدور،،
ويحرم لذيذ النوم جيلآ بعد جيل..
تبكيك يابوفهد عزوة وطابور،،
من القبايل رووس قوم ومشاكيل..
مرحوم ياراع المكارم ومبرور،،
اسمك تعلى كنك الجدي وسهيل..
راع الكرم يوم الفقر كان له دور،،
يوم الكرم مقياس قبل التساهيل..
تذبح وتسلخ من طناخه ومشكور،،
وقت الشقا يوم المراجل غرابيل..
يزبنك من صكت بوجهه ومقهور،،
وجهك وبيتك للنشاما مداهيل..
ماقفك يامرحوم بالطيب مشهور،،
انشد شيوخ سليم واعيان ف بقيل..
انته فقيد الكل يجزاك بالحور،،
ربآ يسوق الغيث مثل الهماليل..
الشاعر/ عبدالوهاب سعيد زيدان..

مرحوم ياشيخ فقدته قبيله
سليم واللي يعرفونه من الناس
ابن جبر راع العلوم الجميله
عون الرفيق انجاه يشكي من الباس
ضلع حجاه يذري اللي يجيله
ليا حداه الوقت والوضع حساس
حكمةوراي وفيه حيل وحيله
شيخة فخرمصيون عن درب الادناس
حزام ربعه مايجيب الهزيله
ولاهومن اللي بين الاقراب محساس
من شبته يالين ساعة رحيله
مايكسب الاكل رفعة ونوماس
يارب جعله بالجنان الضليلة
ابوفهدراع الوفاءطيب الساس
عساه بالفردوس يومه وليله
ومن الحلل والحور يلبس له لباس
الشاعر/منصورفارع الرقاص العتيبي

مرحوم يابن جبر عسآگ للجنه،،
يآشيخنا ياللي علوم الطيب منهآجه..
سآس الكرم والكرم طول الدهر كنه،
من طيب رآسه لايمكن يطفي سرآجه..
رآعي عطا والعطا مايلحقه منّه،،
يآكم وآحد نصآه وضحگ احجاجه..
من يوم جانا الخبر والقلب له ونّه،،
وللحزن فصدورنا نيرآن وهآجه..
هذآ مرآد الله وموت البشر سنّه،،
والصبر مطلوب والاقدار فلآجه..
.........الشاعر /مآجد المدلشي....

مرحوم يابن جبر مرحوم مرحوم
مرحوم ياشيخٍ وللحق قاضي

جانا خبرك الي يصحي من النوم
والقلب يدمي منه والبال هاضي

خيّم علينا الحزن لين أسفر القوم
فطّر كبود القوم والدمع فاضي

والي كتبه الله مقدر ومقسوم
ولولا رضا مولاي ماني براضي

يابو فهد ماش احد فالخلق معصوم
الموت سنّه ماعليه أعتراضي

وقبرك عساه الغيث ياحر زيزوم
ترعد مزونه لين تروى الفياضي


....الشاعر/ بندر عوض المدلشي

صحت الالسن ورحم الله الشيخ بن جبر
وجعل مثواه الجنه وجميع
موتى المسلمين
عامه
أشكرك أخي الكريم على النقل

رحمة الله على الي له مقام ومهابه
شيخنا الي ليا جات المواقف حماها

اشهد انه كريم وشيخ ماصك بابه
شيخ راع الكرم والطيب لا مشراها

جعل مثواه جنات النعيم وثوابه
ونفسه الطيبه يالله تحسن جزاها

وسقِ يالله قبره من ثعول السحابه
لين تروى تراب القبر من عذب ماها

اشهد انه فقيده والقبيله مصابه
عظم الله فجري واحسن الله عزاها

والنعم فالقبيله والفعايل تشابه
يرحم الله ميتها ويبقي حياها

ويالله اتعزها فالوقت واعز لابه
من قبايل شريفه ماذراء الا ذراها

وياصلاتي على محمد إمام الصحابه
عد مارحب ابن جبر ولا تباها


.....الشاعر/ تركي بن عوض المدلشي......