سجن الاشواق

السلام عليكم ورحمة الله وبركاته
هذي قصيده ...... جديدة لي ..... وما حبيت احرمكم منها
امل ان تحوز على اعجابكم

واتقبل النقد بصدر رحب ....... وليس هناك انسان كامل


[poem=font="simplified arabic,4,blue,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
السجن ماهو سجن الاجسام والناس=السجن سجن اشواقنـا والمشاعـر
والسجن احيانا يهذب لـك انفـاس=ويازين سجن فيـه قلبـك وحايـر
الحب واحد لكـن العالـم اجنـاس=احدن يصون الود واحـدن مغايـر
وانتى مكانك داخل القلب والـراس=مهما حكوا فينا ترى الهـرج بايـر
ماهمنى هـرج القفـا دوم ينـداس=مادام حبـك بـا الشراييـن سايـر
,ومن باعني بعته ومااعده افـلاس=مانطـرد المقفيـن والكـون دايـر
من عدنى المـاس عديتـه المـاس=ومن صد عني ما حسبته خسايـر
وياصاحبي لا جيت فى كل مجلاس=لا تتبـع قليبـك اذا الـدم فـايـر
هذا وسجل يا قلم فـوق قرطـاس=ابيات للـي شجـع الفكـر زايـر
اما تصير بموقفٍ يرفع .. الـراس=ولا توقـف لا تجيـب البصـايـر
اشواقنا جيش من الحب حساس--=لو تطلقه اصبح من العشق طايـر
والعشرة اللي ما توثق على سـاس=مصيرهـا تنهـد بأقـوى جبايـر
والبارحة اطرى على الفكرهوجاس=ما غمضت عينـي تهـل العبايـر
من زود همي ما جذب عيني انعاس=كن السهر( حاتم ) وجفني مسايـر
دايم لكل انسـان نظـره ومقيـاس=وانتى بعيني حب واحسـاس ثايـر
[/poem]


بقلمي
اخوكم
عبدالرحمن سلطان
(ابوحاتم
)