قصيدة مرزوق بن غازي في إجتماع سليم في الشرقية

\7

[poem=font=",4,red,normal,normal" bkcolor="transparent" bkimage="" border="double,4,blue" type=0 line=0 align=center use=ex num="0,black""]
يشوش الراس وأشعر بالفخر والمجد لي عنوان = ومن حق أي واحد يفتخر بأصله وعنوانه
أنا لي عزوة تاريخهم دايم رفيع الشان = ليا قالوا سليم يشرع التاريخ بيبانه
وأنا لن جيت ابتكلم عن ربوعي كلامي زان = عن السيرة عن الديرة والأسم كيف تبيانه
أقول سليم بن منصور جده قيس بن عيلان = ابن عدنان واسماعيل وابراهيم جدانه
واقول محافظتنا الكامل اللي شامخ البنيان = بدعم من الحكومة وإستقروا فيه سكانه
وبذكر واديين من أوديتنا واكبر الوديان = وأقول ستارة وساية سقاها الغيث بأمزانه
ومن مكة ليا طيبة منازلنا لحد الآن = وبيت العز ما تهتز فأرض العز سيسانه
ذكر ياقوت جزء من الخبر في معجم البلدان = حقايق واضحة ما هي بسر يجوز كتمانه
لنا حرة سليم وحرة النار ولنا جيران = وناصل للدفينة والعرب كلاً ومسكانه
تجاورنا مزينة من شمال وغرب والهذلان = من الغرب وقبيلة حرب شرق الدار واركانه
ولا قالوا شمال وشرق قلت تحدنا غطفان = وكلاً محتمي داره وحافظ حق جيرانه
أقوله حسب ما جا فالكتب والعلم له برهان = وانا ما اقول علم إن كان ماحضرت برهانه
لنا ذروة سنام المجد وهبت ربنا الرحمن = وخير الناس حنا في نهار الفتح عوانه
حضرنا فتح مكة بألف فارس داخل الميدان = لنا التاريخ يشهد والخبر وسط الكتب عانه
ويكفينا فخر قول الرسول بماضي الأزمان = أنا ابن العواتك من سليم ويصدق لسانه
وبذكر مختصر من سيرة الأبطال والشجعان = كلام يجبر اللي يسمعه يصغي له أذانه
صحابة تابعين قضاة فرساناً لهم سلطان = أهل حكمة ومرجع للغة والشعر وألحانه
مواقفهم فخر والظفر منجا والكريم معان = ومن ضمن المواقف موقف من الصعب نسيانه
نهار أعلن عمر فأربع بلاد وقال فالأعلان = على وال البلد يرسل رجل من خيرة أعوانه
وجوه من البلاد أربع رجالاً كلهم سلمان = بنى مجد القبيلة مجدهم واعتز بنيانه
ومنا الترمذي والترمذي واحد من الشيخان = من رواة الأحاديث الشريفة صدق وأمانه
ومنا محمد إبن إسحاق والجحاف والفرسان = حكيم ومره وعتبه وعمرو وصخر وأخوانه
وبن فرقد وابن مسعود ومجالد وإبن عزوان = وإبن عتبه وإبن مرداس والحجاج في شانه
وزيد ونصر إبن حجاج وإبراهيم بن حسان = ومنا الورد إبن خالد وإبن خازم وعمانه
وقاضي قرطبة بن حفص والضحاك بن سفيان = وبن عمار يشهد له رسول الله بايمانه
وقايد جيش أبو جعفر نهار الحرب إبن قنان = وعمرو بن الشريد وقصته فالقصر وإيوانه
تكلم عند كسرى والخر جاله مع النعمان = وقال الكلمة اللي رجحت بالحق ميزانه
ولا ننسى عمير بن الحباب ومن معه ما هان = صعد سور حصن الروم حتى هد جدرانه
ونعرف صاحب الراية بيوم ارتدوا العربان = يزيد وجيشه اللي رد للمرتد عدوانه
ومنا شاعرة لا مر طاريها على الأذهان = فطاحلة الشعر تاقف أمام الشعر عجزانه
ومعاركنا بذاك الوقت يوم الحرب والأكوان = كثيره والمراجع واجده والكتب مليانه
ما تحصى لو اعدها ولا يكفي لها ديوان = لكن إليا احتمى وقع القتال وشب نيرانه
تفوز بغالبيتها سليم إليا التقى الجمعان = مثل يوم الكديد اللي قتل به فارس كنانه
ومن أسما خيول سليم غبرا وعلوة ودهمان = والأعوج والمصبح واحتمى مرهوب ميدانه
اساميها كثيره لو بعددها فرس وحصان = لكن المختصر كافي وللميدان فرسانه
ورايتنا ترفرف والعلم تزهابه الألوان = عن الأعلام متميز بتصميمه وبألوانه
لنا ماضي عريق ومجد بانينه على السيسان = وحاضرنا يشرفنا وعز الراس بامتانه
تعلمنا وعلمنا وعملنا ندعمه بإيمان = غمرنا ربنا من فضله المحمود وإحسانه
لنا مع دولة آل سعود موقف ثابت الأركان = وعبد الله ولي الأمر والسلطان سلطانه
وولي العهد حام الحد وقت الحرب والعدوان = ونايف سيدي عينه على أمن الدار سهرانه
لهم منا على سنة رسول الله والقران = ولاء وطاعة وبيعة ما فيها نقض وخيانه
يقوله شاعر قلبه بحب المملكة مليان = وحب سليم يجري مع دمه في وسط شريانه
يصوغ الشعر صوغ المحترف ويعدل الميزان = كلامه معتبر حاميه من زوده ونقصانه
وفي كل القبايل نعم وفعول الرجال تبان = وكلاً له مع التاريخ فعل ومركز وخانه
قبايلنا غدو بعد المعارك والحروب إخوان = تحت ظل القيادة بعد ظل الله سبحانه
وصلوا عد ما لا حت بروق الغيث فالأمزان = على محمد عليه أفضل صلاة الله ورضوانه [/poem]

\7

الحقيقه معلقه تاريخيه

والشاعر الكبير / مرزوق بن غازي


كتب تاريخ القبيلة في قصيدة شعبية اصيله

ومليئه بالجزال ولاغرابه على شاعر بحجم مرزوق بن غازي السلمي

ونشكر الاخ النسابه / عبدالكريم الطحاوي

على مبادرته النابعه عن حبه لـ القبيله .





شكراً لك يا مديرنا الغالي

هديه ثمينه جداً جداً جداً

\7

معلقه تاريخية نادرة تحكي تاريخ بني سليم سطرها الشاعر الكبير مرزوق بن غازي السلمي والله انها من اندر القصايد المعاصرة اللي تحكي تاريخ بني سليم صح لسان ابن غازي على هذه المعلقه التاريخية

والف شكر لك ياسيف سليم على نقل القصيده وعوايدك النوادر

ولك خالص تحياااتي

\7

سيف
بيض الله وجهك انا اشهد انك راعي جزله وتجيب الجزله

صح الله لسان ابو غازي قصيده من العيار الثقيل

وصدقت يا مشخص ان هذه القصيده كتبت تاريخ


دمتم سالمين

قصيده صراحه الواحد يجلس صامتا من مافيها من اعلام تاريخيه لسليم

لم يترك شئ مرزوق ابن غازي شاعر سليم الأول في النظم

والله انك شاعر جزل والله يبيض وجهك

صح لسان الشاعر المبدع الكبير ابو غازي على هذه القصيده الجزله ،،

وللمعلوميه حضر الشاعر للشرقيه على رحله الساعه السابعه صباحا من يوم الخميس وذلك لارتباطه مساء الاربعاء بحفل قبيلة بني سفيان بالطائف لشاعرهم عيضه السفياني ومثل قبيلة سليم خير تمثيل ،،،

اشكرك مديرنا المبدع

سلمت يمناك ولاعدمناك،،،،

مواقفهم فخر والظفر منجا والكريم معان = ومن ضمن المواقف موقف من الصعب نسيانه
نهار أعلن عمر فأربع بلاد وقال فالأعلان = على وال البلد يرسل رجل من خيرة أعوانه
وجوه من البلاد أربع رجالاً كلهم سلمان = بنى مجد القبيلة مجدهم واعتز بنيانه




بيض الله وجهك يابن غازي عز الله مواقف سليم لا تنسى ومشكور على القصيده الرائعه وعاشت سليم اهل الاوله

تقبل مروري اخي سيف سليم

المشاركة الأصلية كتبت بواسطة مشخص السلمي

الحقيقه معلقه تاريخيه

والشاعر الكبير / مرزوق بن غازي


كتب تاريخ القبيلة في قصيدة شعبية اصيله

ومليئه بالجزال ولاغرابه على شاعر بحجم مرزوق بن غازي السلمي

ونشكر الاخ النسابه / عبدالكريم الطحاوي

على مبادرته النابعه عن حبه لـ القبيله .





شكراً لك يا مديرنا الغالي

هديه ثمينه جداً جداً جداً

\7

بيض الله وجهك يا مرزوق على عدد شعر راسك ولا هي غريبة الجزالة على شاعر بمكانة مرزوق

ويا ليت تنزل القصيدة صوتية يكون لها جمال ورونق آخر