قصيده بعنوان ( ذكرى آسى ) عن كارثة جده

بسم الله الرحمن الرحيم

قصيدتي عبارة عن مشاعر حزينه لما تعرضت له جدة وأهلها من كارثه

نطلب الله أن يرحم شهدانا وجميع أموات المسلمين

وأسأل الله أن تنال رضاكم وأستحسانكم وتقييمكم

الأربعاء ذكرى آسـى بـعـد مـا صـار = ثــمــان ذو الـحـجــه لــ عــام الـثـلاثـيـن

يـبقى عـلى وجـه الزمـن دوم تـذكـار = يـوم ( ن ) نـحت أسمه بمـا فـيـه من شيـن

يـا هي مـصيـبه كـارثه تـشعـل الـنـار = في جـوف من يسمع ومن شاف ويـديـن

يـا للمصيبه هـولهـا يـشخـص أبصار = واللي حـصل قـطـع قـلـوب و شـرايـيـن

مـسرح جـريـمه بـس مـن نـفـذ أدوار = تــدرون أجـل بـ حـطـهـا بـيـن قـوسـيـن

غـرقـت عروستـنا على حساب تـجـار = مـا هــمـهـم يـا غـيـر جـمـع الـمـلايـيـن

والأبـريـاء يـجـتـاحهم سـيـل الأمـطار = وبــيـوتـهـم صارت مـقـابـر لــ حـيـيـن

يـصـارعـون الـمـوت قـدام الأنـضـار = وحـنـا نـطالع بـس وش حـيـلـة الـعـيـن

صرخة آسى تصدر من صغار وكبار = داخـل بـحـور الـمـوت وأرواحهـم ديـن

يــارب عــوضـهــم بــدل دارهــم دار = خــيــراً و أبـقـى فـي ريـاض و بساتـيـن

ياهل العـقول الـواعيه وأهل الأفكـار = هـنـا نبـي نـاقـف و نصـرخ بـصـوتـيـن

نـعـلن كـفايه ظلـم و كـفـايه أضـرار = من شـان لا تـهـدر بعـد نـفـس مسكـيـن

ما أقـول نرفض حكمة الله والأقـدار = أقــول مــا يـكـتــب لـنـا فـيـه راضـيـن

واللي حصل له باب فيه ألف مسمار = والـسر خـلـف الـبـاب والناس غـافـيـن

لـيـا متى نصـمت و نـستـقـبـل أخبار = ونـبـقى ضحايا زمرة القرش يا حسيـن

يـا حـسيـن خلونا كـفـيـفـيـن الأبصار = لـو إن فــا الـواقـع مـا حـنـا كـفـيـفـيـن

موقف و صـار و لا تكـفـيه الأشعـار = لـو كـل شاعـر جـاب خـمـسه دواويـن

لـكـن نـســنـدهـا لــ عــلام الأســرار = الـلـي خـلـق آدم و ســواه مــن طــيـن

وإنه يـطـول عـمر أبـو مـتعـب البـار = مـليـكـنـا الـلي عــان كـل الـمـصابـيـن

وختا مهـا صلوا عـلى سـيـد الأبـرار = شـفـيـعـنا في يـوم عـرض الـمـوازيـن

بقلمي / عبدالعزيز ذياب البارودي