البارحه ماجاني النوم

بسم الله الرحمن الرحيم



السلام عليكم ورحمة الله وبركاته



اقدم لكم هذه القصيدة المتواضعه

عسى ان تحوز على رضاكم



البارحة يا رياض ماجاني النوم
جتني هموم الارض ياولد خالي

تطرحني همومي ليا جيت ابقوم
قعدت اصارعها وحيد(ن) لحالي

قمت اتفكر وش بها جتني اليوم
واثر الاجابه وسط هذا السؤالي

وان السبايب علم فالصدر مكتوم
فجر شراييني ويلعب بحالي

وانا لو اني ماني براعي عزوم
والله لتذبحني هموم الليالي

لكن انا مثل الجبل والجبل دوم
راسي وانا ارسى من جميع الجبالي

ومدام من حولي رياجيل(ن) قروم
ارقى سنام المجد والراس عالي




تحياتي لكم


عبدالرحمن السلمي