#1
|
||||
|
||||
قصيدة الشريف بركات
السلام عليكم ورحمة الله وبركاته
يا مرقـب بالصبـح نطيـت عاليـك " " مـا واحـد قبلـي خبرتـه تـعـلاك وليـت يـاذا الدهـر مكثـر بلاويـك " " الله يزودنـا السلامـه مـن اتــلاك ياللي على العربـان عمـت شكاويـك " " وليـت يادهـر الشقـا ول مـاقـواك واليـوم هالـكـون غــادٍٍ شبابـيـك " " تلعب بـه الاريـاح مـن كـل شبـاك يا مالك اسمع جابتـي يـوم اوصيـك " " واعرف ترى يابوك بامـرك وانهـاك وصيـةٍ مـن والـد طـامـع فـيـك " " تسبـق علـى الساقـه لسانـه لعليـاك اوصيك بالتقـوى عسـى الله يهديـك " " لهـا وتدركهـا بتوفـيـق مــولاك الله بـرب جـدادك الـغـر يعطـيـك " " مرضاته مع مـا تمنـى مـن منـاك احفظ دبشك اللي عـن النـاس مغنيـك " " اللي ليـا بـان الخلـل فيـك يرفـاك واعرف تـرى مكـه ولاهـا بناخيـك " " لو تشحذه خمسة ملاليـم مـا اعطـاك اجعل دروب المرجلـه مـن معانيـك " " واحذر تميـل عـن درجهـا بمرقـاك لا تنسـدح عنهـا وتبغانـي اعطيـك " " جميـع مـا يكفيـك مـا حصـل ذاك ادب ولـدك ان كـان تبغـاه يشفيـك " " لـو ضاقـت امـه لا تخليـه يـالاك امـا سـج واستسمجـك عنـد شانيـك " " ويفر مـن فعلـه صديقـك وشـرواك والا بعـد جهلـه تـرا هـو بياذيـك " " لـو زعلـت امـه لا تخليـه يـالاك واحذر تضيع كل منهـو ذخـر فيـك " " معـروف لا تنسـاه واوفـه بعرفـاك ترى الصنايع بيـن الاجـواد تشريـك " " اليـا طمعـت بغرسـهـا لا تـعـداك واحذر سـرور بغبـة البحـر يرميـك " " ولا عنده افلس مـن تشكيـك وابكـاك واوف الرجـال حقوقهـا قبـل تاتيـك " " لا توفيـه بالهـرج فالحـق يقـفـاك وهرج النميمه والقفـا لا يجـي فيـك " " واياك عـرض الغافـل ايـاي وايـاك تبـدي حديـث للمـلا فيـه تشكـيـك " " وتهيم عند النـاس بالكـذب واشـراك واليـا نويـت احـذر تعلـم بطاريـك " " كم واحد تبغى منـه عـرف واغـواك واحذر شماتت صاحب لـك مصافيـك " " وليـا جرالـك جـاري قـال لـولاك ولا تحسـب ان الله قطـوع يخلـيـك " " ولا تفرح ان الله علـى النـاس بـداك الضيف قـدم لـه هـلا حيـن يلفيـك " " ومما تطولـه يافتـى الجـود يمنـاك احذر تلقـي الضيـق مقـرن علابيـك " " خله محـب لـك صديـق اليـا جـاك ووصيك زلات الرفيق ان عثـا فيـك " " ما زال يغطاهـا الشعـر فاحتمـل ذاك راعه ولو مـا شفـت انـه مراعيـك " " عسـاك تكسـر نيتـه عـن معـاداك واحذر عدوك لو ظهر لـك مصافيـك " " خله نبيـه وراقبـه ويـن مـا جـاك لا تامنـه واطلـب مـن الله ينجـيـك " " ويكفيـك ربـك شــر ذولا وذولاك شفني انـا يابـوك بامـرك وانهيـك " " عن التعـرض بيـن الاثنيـن حـذراك اذا حضـرة طلابـه بـه شرابـيـك " " اسـع لهـم بالصلـح والاش يـفـداك ابـذل لهـم بالطيـب ربـك ينجيـك " " ولا تجضـع الميـزان مـع ذا ولا ذاك امـا الشهـاده فادهـا ان دعـوا فيـك " " بين عمـود الديـن لا عميـت ريـاك بالـك تماشـي واحـد لـك يـرديـك " " طالع بنـي جنسـك وفكـر بممشـاك رافـق اصيـل فـي زمانـه يشاكيـك " " لا شاف خلاتك عـن النـاس غطـاك وحذراك عن طـرد المقفـي حذاريـك " " عليك بالمقبـل واتـرك اللـي تعـداك ثم العـن الشيطـان حـذراك يغويـك " " تـرى ان تبعـتـه لشرابـيـك وداك واوصـل لا تشكـي علينـا بلاويـك " " انت السبـب اطرفـت عينـك بيمنـاك واعرف ترى اللي وطى الفعر واطيـك " " ولا انت اعز مـن الجماعـه هـذولاك المسك يا راسي مـن الـذل واخطيـك " " واحـذر تكلـم يـا لسانـي وحـذراك والطف بجارك قوم مـن دون عانيـك " " وافطن لما يعنيك عـن ربعـة اخـواك يا ذيب وان جتك الغنـم فـي مفاليـك " " فاكمـن لهـا ياذيـب لا مـا تعـداك فيما مضـى ياذيـب تفـرس بياديـك " " واليوم جا ذيـب عـن الفـرس عـداك يا ذيب عاهدني وانا اعاهدك ما ارميك " " ما ارميك انا ياذيب لـو زان مرمـاك والنفس خالـف رايهـا قبـل ترميـك " " ترى لهـا الشيطـان يرمـي بالهـلاك ومن بعد ذا لا تصاحب ال ن ذ ل يعديك " " عن صحبة الان ذا ل يا بوك حـذراك والهقوه انـك مـا تجـي دون هاقيـك " " ولا طن عـود الـورد يثمـر بتمبـاك الحر مثلـك يستحـي يصحـب الديـك " " وان صاحبه عاعـا مععـات الاديـاك لا تستمع قـول الطـرف يـوم يلقيـك " " بالكذب يقضي حاجته كـل مـا جـاك من نم لك نـم بـك ولا فيـه تشكيـك " " واليـاه قـد زرى رفيكـقـك وزراك عندك حكا فينـا وعنـدي حكـا فيـك " " واصبحـت كارهنـا وحنـا كرهنـاك ما خطاك ما صابك ولو كـان راميـك " " واللي مصيبك لو تتقيـت مـا اخطـاك مير استمـع منـي عسـى الله يهديـك " " انصـح يـا مالـك لـك الله مـولاك عنـدي مظنـه مـا تمثلتهـا فـيـك " " واطلب لك التوفيق مـن عنـد مـولاك (( _________ الشريف بركات _________ )) التعديل الأخير تم بواسطة هيبة ملك ; 06-08-2008 الساعة 04:16 PM |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|