الأجـــــواد و الاليـــــاش // للشاعر ساسي بن عمر السليماني السلمي // ليبيا

#1 09-27-2007, 05:36 PM

مقارنة بين ابن الاجــــــــــــواد و ابن الاليــــــــــــاش // للمرحوم الشاعر ساسي بالحاج بن عمر السليماني السلمي // ليبيا

[poem=font="Simplified Arabic,5,black,bold,normal" bkcolor="transparent" bkimage="" border="outset,4,orange" type=0 line=0 align=center use=ex num="0,black"]
ربايـة ولـد لجـواد ماهـي للغـبـا = مليـح الخصايـل ويـن مـا تـدنـاه
معاك كل يوم يزيد في الزيـن و البهـا= اليـا مـا ترافقتـوا انــتَ و يَــاه
و عنـده طـرارة مـا يريـح مقعـده = و لا تجيـك بابـة عيـب مـن يـالاه
رويَان بالعقالـه ليـن صـدره ممتـلا =و لا يعـمـل البـطَـال لا يـرضـاه
ِفهيم و ظِريف و كل موجـب عارفـه = كمـا صقـر طايـب فيـد مـن ربَـاه
عصران وشديد العزم واسـع فـالمـدا = و تطَامن و ما تشرقش و انت حذاه [1]
و اليَـا مـا تكلـم مـا يعـلَ الزالَـه = عليه من العيـن تقـول مـا شـا الله
ينوض من فراش نظيف يقعد ع الوطا = و يقعمز عليه الضيف و قتن جـاه [2]
يبسـط معـاه و كـل طُرفـة يجيبهـا = مطلوق و جهـه بضحـك و تسهـراه
و الحاصل نهاية الامر خَليه من الردى = مغير لاجل فعله مـا نريـد عطـاه [3]
و ارباية ولد لالياش كـي رزق الربـا = دوم في الخساير و التعـب مـولاه [4]
يردس من قـدَام و يصـكَ مـن ورا = و ينهَق كرمكـم - يـا اجـواد - الله
و يشرب القربه و ياكل اللـي يوزنـه = و لا يـوم ريتـه شـاكـره مــولاه
و ياخذ الليل ارقـاد لا عنـد الضحـى = ناسـي فـروض الله قطيـع صــلاه
واخذ رضا الشيطان مـا يـوم وجَعـه = الله يبعـد الملـعـون هــو ويَــاه
و سكَـر اوذانـك لا حديثـه تسمعـه = عقلـه ايطـارح فيـه مـوش مـعـاه
و ها الفـم عنـده مـا يعـلَ الثامـره = مقيهير مـن جابـه يريـد ثنـاه [5]
و رانك اتحـط احـذاه رزقـك تمنَـه = راهـي الشينـه هـي اللـي يــالاه
و اليـا مـا اسقَـد ردَ بالـك ترافقـه = ديـر بينكـم مــدة ونــوض وراه [6]
و فيه حالتين يـدلَ بيهـن ع الجمـل = وسعـة بلاعيمـه و طـول اخـطـاه
مغَير الجمل صبَار و الحمـل ينهضـه = و هـو دلـو بايـد مـا روى ظميـاه
ولا خير في الطفل الصغير اليـا نشـا = اللي مـا يحكَـر سـب عـرض وراه
ولا خير في اللي مـا يقولـوا رفاقتـه = اليا غـاب ريـت الحاضريـن افـداه [7] [/poem]

\7

#2 09-27-2007, 05:59 PM

\7

#3 10-02-2007, 09:05 AM

اخي الغالي

اشكرك على هذا الموضوع الجميل

لك ودي

#4 10-22-2007, 08:27 PM

\7

اجعل عدوك يودره السراب .... و يجعلك دوم من الناجيـين
احنا هلك اليا لمعن حراب .... انجوك من ليبيـا فازعيــــن

.....

#5 10-22-2007, 08:32 PM

\7

#6 10-24-2007, 09:46 PM

السليمانـــــــــي

صح لسان الشاعر وبيض الله وجهك ووجهه على هالقصيده الزينه

#7 10-25-2007, 10:15 PM

\7

#8 11-10-2007, 07:53 PM

بارك الله فيك يا أبن الأجواد يا ولد سيف النصر فالأجواد كثر ولكن وللأسف الأنذال أكثر

#9 11-13-2007, 03:51 PM

خوي رضوان

الله يبارك فيك يا ولد بوي

الاجواد ملحها هالدنيا .... بلاهم ما تسوى شي ..الله لا يغيبهم

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول