في ذمتي ماكل رجال رجال

[poem=font="Simplified Arabic,5,black,bold,normal" bkcolor="transparent" bkimage="" border="solid,6,black" type=0 line=0 align=center use=ex num="0,black"]
يا وافي جاوب يـوم اناديـك بالحـال =اسرع تـرى يابـوك حالـي عطيبـه
قم فـز سولـي مـن الكيـف فنجـال =وهات القلم والحبـر واللـوح جيبـه
اكتب بيوت(ن) بدعها يشـرح البـال =تجارب(ن) من شايب(ن) بـان شيبـه
وانا ترانـي معلـق(ن) فيـك الآمـال =بعـد الكريـم اللـي مناجـي حبيبـه
حنـا بدنيـا شيبـت روس الاطفـال =تغري رضيع الديـد و يتـرك حليبـه
دنياك هـذي مثـل مـا قيـل مقيـال =والعبد ما يـدري وش اللـي يصيبـه
ابيك انا يـا بـوك لأخوانـك اظـلال= لا تستمـع فيهـم كــلام الخطيـبـه
وابيك انا يابـوك فـي كـل الاحـوال= نـدي كـف(ن) مـا يحسـب ذهيبـه
وليا انشدوك الناس قـل والـدي قـال= اللـي تضـويـه الليـالـي تغديـبـه
ابيـك انـا يابـوك تضربـك امثـال =وليا اعتزيت اعتـز بربعـك عتيبـه
السيل ما يمشي علـى غيـر مسيـال =والوادي اللـي سـال غـزر جليبـه
والذيب ما ينزل مـن الرجـم للجـال =ابيـك انـا يابـوك تقـنـب قنيـبـه
وليـا نـزل خلـه فـلا هـو بريبـال =احيان يشبـه حصنـي الضلـع ذيبـه
وحذر من اللي يجيـك للحكـي نقـال =همـاز لـمـاز بنميـمـه وغيـبـه
اذا قعد في مجلس(ن) بـث الارسـال =موجـات ينقلـهـا بعـيـده قريـبـه
عيب(ن) على الرجال كل ما سمع قـال =ولا المهبـل كـل شــي اتهذيـبـه
وحذر ابو وجهين له عشـرة احبـال =وهذي علـى الرجـال اكبـر مصيبـه
لا لـه مواثيـق(ن) ولا عهـد دجـال =يبـور و اول مـا يبـور بصحيـبـه
رْجال في وقت الزعـل مالـه ارجـال= ان ما جات له بالطيب اخذها غصيبـه
يدوس المخاطر ما حسب هول الاهوال =هـذه عسـى تخطيـه والا تصيـبـه
ورًجال ما تخطي على النـاس عقـال= مـا قالـو الدنيـا تـجـي بالغليـبـه
ون جاتهم زله على المخطـى اثقـال =يجي حقهـم وافـي جمايـل وطيبـه
ورْجـال يـوم اشبهـه مثـل تمثـال =قـوم(ن) تسيربـه وقـوم اتعديـبـه
ياقـف ليـا وقفـو و اذا ميلـو مـال =هــذاك لا يـغـزي ولا ينغزيـبـه
ورجل(ن) دليلة ربعه ايحـل الاشكـال= يفك النشـب قبـل احتـدام المصيبـه
بعيـد راي ونظـر حلحيـل حــلال =وليـا حكـم الكـل حكمـه رضيـبـه
ورجل تحت تصريف من يلبس الشـال =يسعى يبـا يكسـب رضاهـا الحبيبـه
واذا بـلاه الله بعـد وقـت بعـيـال =يـزري يربيهـم عيـال الغضيـبـه
يجي وسط ربعه كمـا الديـك يختـال =لا نـال لـه حشمـه ولا نـال هيبـه
وليا نويت الـدرب والـدرب مدهـال =اختـر مـن ايهـون عليـك المغيبـه
ترى العرب قالـو قديـم(ن) بالامثـال =ان السفر يبدي علـى الرجـل عيبـه
اسمع كلامي زيـن يـا طيـب الفـال =هذه كـلام الصـدق مـا فيـه ريبـه
اول مـا يخـدع فالرياجـيـل الازوال =والثانيه منطوقـه اللـي يحكـي بـه
والثالثـه يخدعـك بالعـم والـخـال =ون بانـت الـك الرابعـه وش تبيبـه
يا كثرهم من يلبـس اشمـاغ وعقـال =منظر وشخصيـه وجسـم(ن) وحيبـه
ان كان مـا تصـدق الاقـوال بافعـال =كل واحـد(ن) بالهـرج يغلـب كتيبـه
رجال يسوا لـه ثمـا نيـن رجـال** =ثوب المراجـل ضافـي(ن) يكتسيبـه
ورجال يسـوا ربـع او نـص رجـال =وكل واحد يفتش مـع النـاس جيبـه
ورجال ما يسوا ولا فردة انعال (كرمتم)= ولا لـه مكـان الا بوسـط الزريبـه
ون كان انا غلطان ابـا حـط معـدال =معـدال وافـي للـرجـال الطليـبـه
ولا درينـا عـن مشاريـه الانــذال =قسمتهـا والكـل يـعـرف نصيـبـه
فـي ذمتـي مـا كـل رجـال رجـال =يلزم على كسـب المراجـل ضريبـه
يًبذل لها جهد(ن) ويًبـذل لهـا مـال =ما هي بـورث اجـدود لكـن كسيبـه
[/poem]للشاعر / ملفي المورقي

ابووافي

منقووووووووله

\7

ابو وافي شاعر عملاق

صح السانه مليوووووووووون

وشكور اخوي على النقل الجميل


لك ودي

اشكرك على المرور

اخوي الواضح

مرورك اكبر شرف لي

صح لسانك

وصح لسان شاعرها


ودمت بود

السراب
تسلم يالذيب على النقل
وصح لسان ابو وافي
ودمت بود

اخي الغالي

بندر

مرورك شرف لي