ماني من اهل الارصده والهوامير

مساكم / صبحكم الله باليمن والمسرات واسعد الله اوقاتكم وبارك لكم فيها


اشكر القائمين على هذا الصرح الجميل الذي من خلاله يتم التواصل بيننا كاخوة وابناء عمومه .


اتي اليكم من جديد في هذه القصيده المتواضعه والتي تحمل بين طياتها ما يجول بخاطر شاعرها

اترككم مع القصيده :




المال وبيوت الغنى والدنانير
والفشخره والمفخره بالريالي

والمنصب العالي ولو انه امير
حتى من اصحاب السمو المعالي

ماهي ترى مقياس بين المناعير
اهل الوفا والمرجله والعدالي

اقولها وانا ترى مكسبي غير
ورثت ورث الطيب جدي وخالي

ماني من اهل الارصده والهوامير
لكن كسبت الطيب هو راس مالي

ما عشت مترف لكن بعيشتي خير
واخذت درس من الزمن والليالي

عرفت بان المال تاليه للغير
واسرفت في صرفه لكن بالحلالي

وعرفت بان المال فتنه وتعبير
فيه السعاده والشقا والضلالي

ياكم غني اموال باخلاقه فقير
جيبه ملي بالمال والطيب خالي

وياكم فقير اموال باخلاقه كبير
معروف باخلاقه مابين الرجالي

الفقر ما عاب الوجيه المسافير
والمال ما غير رخوم العيالي

هذي شواهد ما تبي زود تبرير
دونتها بالشعر والراس عالي

ماني من اللي يحسبون المخاسير
والفضل لله ما عبدت الريالي

ان كانها بالمال ياراعي العير
استاق عيرك بعد جالك مجالي

وان كانها بالطيب بين المساييير
حنا بالاول والتوالي توالي

ابوي وصاني وانا توي صغير
علمني اداب الرجال الثقالي

علمني ان الوقت دوره وتغيير
نهايته من دون شك الزوالي

واليوم من فضله نسوق المشاوير
نسجها يم اليمن والشمالي

على النقى والعز قافلتي تسير
ولا للحمول الا ظهور الجمالي

والمال لو عز الردي المعيثير
انا كسبت الطيب هو راس مالي




تحاياي للجميع

اخوكم

ابراهيم السلمي

ابراهيم السلمي

صح لسانك قصيدة رائعة معنى ومبنى


أُهنيئك على كتابتها فقد ابدعت وتألقت تألق الكبار

وهذا غير مستغرب على شاعر مثلك لله درك يا رائع

وتقبل مروري واحترامي

صح لسانك ولا فض فوك قصيدة جزلة وراقية

الاخ الشاعر \ ابراهيم النقريني


صح لسانك على هذه القصيده

الجزله في معناها ومبناها

قصيده تتسم بالشموخ

بالذات سلمت شاعرنا

على هذه الصوره الشعريه

الجزله

الاخ الشاعر المبدع ابراهيم النقريني
صح لسانك وسلم بنانك واعتلا شانك
والطيب والتألق والابداع والتميز من طبعك
وعنوانك قص رائعه جداً حبك وسبك لايعلى عليه
لله درك ثم لله درك ولاعدمناك ولاعدمنا جديدك





اجمل التحايا وارقها