الفرع زعب وساسنا سليم الاخيار...البيت ثابت والفروع الاطانيب

#1 05-29-2008, 12:39 PM

السلام عليكم ورحمة الله بوركاته

واسعد الله جميع اوقاتكم

قصيده طلبها مني احد الاعضاء العزيزين واحببت ان افي بوعدي له وهي قصيدة الشاعر سعود بن مدلاج الزعبي عندما خرج من مسابقة شاعر القلطة ولقد ألقاها في التلفاز اما الشيخ احمد الفهد وهي كما يلي:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سلام من جارٍ مسيَر على جار=سلام من ضيفٍ لفاله معازيب
سلام يادار الوفا واهل الدار=آل الصباح معربين المناسيب
قومٍ مواقفهم جسيمات وكبار=تاريخهم مافيه شكٍ ولا ريب
سلام ياشيخٍ لك الطيب معبار=من راس ابوك وراس جدك هل الطيب
الحر يخر في مواكيره احرار=شرواك يا أحمد ياعريب المجاذيب
ولد فهد لأحمد الى صار ماصار=لازعزع الحرشاء تهون المصاعيب
أقطع من الفولاذ برقاب الاشرار=واحلى من السكر وصافي المشاريب
شهيد داره يوم زوغات الابصار=دون الحقوق اشجع من الزير وكليب
يا الله ياربي تجيره من النار=برحمتك يارب داود وشعيب
وانت شبيهٍ له بفعله والافكار=ياعنك ولد الذيب مايخلف الذيب
في مدكم جزل التعابير يحتار=ايو الله اللي يعلم السر والغيب
قلته وانا من دار وافين الاشبار=اخوان نوره كاملين المواجيب
لصاحب احلا من لبن حسك الاوبار=الا ليا شانت نوايا الاصاحيب
امر من لمرار واقطع من النار=مثل الحرار مدميات المخاليب
داموا ودمتوا ياطويلين الاعمار=ذرى شعوب وفعلكم له تجاريب
وانا دخلت مشابقة شعر شعار=في مهرجانٍ فيه لجنه وترتيب
برعاية اللي يحكم الشور لاشار=خليفه اللي دايمٍ شوره يصيب
شيخٍ على كثر المخاسير صبار=يفداه من صر الدنانير في الجيب
عساني ارضي ربعي اكبار وصغار=ربعي قبيلة زعب ستر الرعابيب
اشعارهم يومٍ كلٍ له اشعار=اهل الركايب والرماه المعاطيب
الفرع زعب وساسنا سليم الاخيار=البيت ثابت والفروع الاطانيب
وليا عطينا العهد ماهو بيندار=عيبٍ على اللي يعطي العهد ويخيب
واختامها تقبلوا جزل الاعذار=والنعم في كل القبايل هل الطيب[/poem]
وسلامتكم

#2 05-29-2008, 01:09 PM

عساني ارضي ربعي اكبار وصغـار
ربعي قبيلة زعـب ستـر الرعابيـب
اشعارهـم يـومٍ كـلٍ لـه اشـعـار
اهل الركايـب والرمـاه المعاطيـب
الفرع زعب وساسنا سليـم الاخيـار
البيـت ثابـت والفـروع الاطانيـب

صح لسانك ياسعود ابن مدلاج

فتى زعب بيض الله وجهك يالذيب

قصيده جميله جدا

تحياتي

#3 05-29-2008, 03:36 PM

عساني ارضي ربعي اكبار وصغـار
ربعي قبيلة زعـب ستـر الرعابيـب
اشعارهـم يـومٍ كـلٍ لـه اشـعـار
اهل الركايـب والرمـاه المعاطيـب
الفرع زعب وساسنا سليـم الاخيـار
البيـت ثابـت والفـروع الاطانيـب
وليا عطينـا العهـد ماهـو بينـدار
عيبٍ على اللي يعطي العهـد ويخيـب
واختامهـا تقبلـوا جـزل الاعـذار
والنعم في كل القبايـل هـل الطيـب

ولد زعب بيض الله وجهك

والنعم فيك وفالزعوب كلهم

اشكرك عزيزي على تواصل ابداعاتك

دمت بود

تقبل مروري

المشتاق

#4 05-29-2008, 05:21 PM

الفرع زعب وساسنا سليم الاخيار ّّّّّ البيت ثابت والفروع الاطانيب

صح لسان بن مدلاج وكفو يابو علي

والله لايهينك يافتى زعب سبقتني على طرح القصيدة ومشكوريالغالي