ديوان الشاعر شاكر عايض مرزوق الحسيني السلمي

السلام عليكم ورحمة الله وبركاته

من باب التواصل معكم ونشر مالم ينشر

افتح لكم بوابة ديواني الشعري ليأتيكم كل

ماهو جديد وأمل من الله ان يحوز على رضاكم

وأن ينال استحسانكم ويسر مسامعكم

وتقبلوا تحيااتي اخوكم

الشاعر \| شاكر عايض مرزوق الحسيني السلمي

(( الكسر مايصعب على جباره ))

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اثــــــــــر الـــحـــيــــاه الـــــغــــــادره دواره = تضـحـك وهــي فــي ضحكـهـا غــداره
بالامس كنت اضحـك وحالـي طيـب = والــيـــوم حــزنـــي مـبــتــدي مــشـــواره
يـامـكـثــر ظـــــروف الـلـيــالــي وانــــــا = عانـيـت فــي درب الـهــوى واخـطــاره
مـن مـا وجـدت مـن الـزمـان كأنـنـي = زيــــر الـنـســاء مـطـالـبـا فــــي ثـــــاره
الا ليـتـنـي لـــم الـتـقــي يــومــا بــهــا = ولـــــــــم امـــــــــر بــــدارهـــــا وقــــفـــــاره
فتقهـقـر القـلـب الضعـيـف وعـانـقـت = نـظـرات عيـنـي فــي محـاسـن ســـاره
ويـــن الـهـنـوف الــجــادل الـمـغــروره = مـــن بـعـدهـا قـلـبــي يــــزف اشــعــاره
كـانــت وكـنــت وذكـريــات الـمـاضـي = تـوحــي بـمــا لا نستـطـيـع احــضــاره
يعـنـي عـلـى كـثــر الـهـمـوم احـــاول = اعـــــرف مـــــدا مـحـبـوبــي ومــقـــداره
مــــن دون شــــك اعــزهـــا واغـلـيـهــا = واكــبــر دلــيـــل الـقــلــب زاد اصـــــراره
اللـيـل لـــي صـاحــب وانـــا ماطـيـقـه = لـكــن غـصـبـاّ صـــرت مــــن سّــمــاره
لان الـسـهــر والـلـيــل وانـــــا والــهـــم = جــيــران لــــو مــاحــد يــدانــي جـــــاره
مــن حـقــي الـيــا قـلــت قـولــي هـــذا = ((الـلـيــل مـايـســوى بــــلا ســهــاره))
دمعـي عـلـى خــدي وراســي محـنـي = والمـشـكـلـه مــــن غـيــبــة الـخـتـيــاره
بالله يـــازيـــنــــة بـــــنـــــات الـــدنـــيــــا = عـــودي لـــدارك مـــع بـنــات الــحــاره
مــن شــان اشـوفـك مـثـل مـاقـد كـنـا = والـقــلــب تـطــفــي يـاغــلاتــي نــــــاره
ويــــلاه لــــو تــدريـــن عـــــن مـافــيــه = تـجــيــن وانـــتـــي يــالــغــلا مــحــتــاره
ودمــوعـــك تـبــلــل وتـســقــي خـــــدك = وتــقــدمــيـــن لــعــاشــقـــك مـــــعـــــذاره
لــكــن وقــتـــك مـاســمــح بـالـفـرصــه = والـخــوف مـــن بــكــره تــزيــد اقــــداره
وانـــا مـثــل مـاقـيــل صــابــر صــابــر = واصــــد غــــاره مـــــن وراهـــــا غـــــاره
يـمـكـن بــعــد مــــده تــزيــن احــوالــي = والــزيـــن يــرجـــع فـــــي روابـــــي داره
لــكــن انــــا مــازلـــت رغـــــم غـيــابــك = ادور فــــي بـيـتــك وابـــــوس جـــــداره
فبـحـب عبـلـة صـــار عـنـتـر فـــارس = وبـحــب لـيـلــى قــــال قــيــس عــبــاره
(لصوت صدى ليلى يهش ويطرب) = شـطــر يـســاوي بـيــت بـــدع افـكــاره
لــمـــا لا نــكـــون بـحـبـنــا ثـالـثـهـمــا = لــيــكــون لــلاجــيــال نـــيــــل مـــنــــاره
وجــــدي عــلــى فــرقــاك يـالـمـغــروره = وجـــد الـغـريــب الــلــي مــفــارق داره
لــولا الحـيـا والـعـيـب لـبـكـي وانـــدب = والـــثـــوب لاقـــطـــع مــقــدمـــه وازراره
لـكــن سبـقـنـي قـيــس يـومــن لـيـلـى = مـرضــت بتـيـمـاء ثـــم بـــاح اســـراره
الحـب ماهـو عيـب واصعـب حـاجـه = لا ضـــدك الــوقــت وجـهـلــت اقــــداره
واقـــــــــول واردد واكــــــــــرر قـــــولـــــي = الـكـســر مـايـصـعــب عــلـــى جــبـــاره [/poem]

(السيف ابو حدين)

[poem=font=",6,indigo,bold,normal" bkcolor="transparent" bkimage="" border="double,4," type=2 line=0 align=center use=ex num="0,black""]
الا ياوقت لو الدمـع يرجـع غالـي الغاليـن = لهل الدمع مـن عينـي عليـه ايـام وليالـي
لكن الدمع مايجدي ولا حـن الزمـان الشيـن = وضاق الصدر بهمومه وعشت احزاني لحالـي
عشير راح ماودع عشيره في مسى الاثنيـن = على ذكراه اجر الصوت وابدع قـاف موالـي
من اول مره اشاهد عيونه لين هـذا الحيـن = اقلب في يدي نـار لهـوب جمرهـا صالـي
تركني مادرى انه يرتكي بالسيف ابو حديـن = على قلب الجريح اللي مع اهمومه فقد غالـي
حسافه يازمن كنت احسب ان الزين يبقى زين = واثرك تبدله ياوقـت مـن حـال ليـا حالـي
اثرك ليا قسيت اتعانـد المظلـوم والمسكيـن = ولا ترحم طريح طاح له مع جـرف منهالـي
انا عارف زماني لا قسى ماعد يعرف الليـن = كتب همي علـى قلبـي وهـم القلـب قتالـي
يشيب الراس لو ان العمر ماجاوز العشريـن = من اسباب الهموم وبارق المـوت يتراوالـي
ليا مني نويت اسلـى ووادع حزنـي لبعديـن = تسيل دموع عيني لو انا عـن همهـا سالـي
حكم وقتي علي اعيش واحمل فوق ظهري دين = وانا اقول ان موتي من متاعب وقتي اشوالـي
لكن الامـر لله عالـم سبـة دمـوع العيـن = ولي الكون ماغيره على كـل البشـر والـي
له اشكي حال عبد وافي ووقتـه بـلا وافيـن = هو اللي يغفر ذنوبي وغلطاتي مـن اعمالـي [/poem]

المعرفه




[poem=font=",6,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/181.gif" border="double,6,black" type=2 line=0 align=center use=ex num="0,black""]
يقول من شاف الصعيبه والسهل = عرف الردي لاعاد ربي ساعته
المعرفه تاج(ن)على راس الرجل = لو يقتصر عرفه على جماعته
احد(ن) يسوق الرجل من فوق الوحل = واحد(ن) على بحر(ن)يطيح بقاعته
واقول من عينه على العليا وصل = والخطوه اليا قاسها ماظاعته
صحيح من لايحمد النعمه خبل = اتضيع منه ويخسر في باعته
واللي يجيب الراي وفراسه عقل = اما يطيع الربع ولا طاعته
قدام لايمسي عشا ذيب الجبل = ويموت ماغير العجيز ناعته
واللي كلامه ماخلا منه الجهل = مثل الغرير تسكته رضاعته
يجيك علمه بالجهاله والملل = والكذب مانمشي ورى صناعته
ولو ان ولد اللاش يعقد له حبل = انا يديني بالفعل قطاعته
الرابح اللي مايرافقله خبل = والخاسر اللي ماربح فبضاعته

[/poem]

(((- قول الحجازي -)))

[poem=font=",6,indigo,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/6.gif" border="double,7,purple" type=2 line=1 align=center use=ex num="0,black""]
بالله ياللـي منطلـق يـم عـمـان = فوق السبوقه من خيـار الاصايـل
اللي لها فوق الحصى طمرة حصان = تسبق هبوب الريح والشـك زايـل
تنشد عن اللي شاقها نمـر عـدوان = من بدو الاردن بنت عـز وحمايـل
ماهي من اللي تلبس الثوب عريـان = بنت الشيوخ اللـي تقـول المثايـل
اللي لهم في ساحة المجـد عنـوان = غزايـة المجـرم بقـول وفعايـل
قول القصيده عندهـا دون نقصـان = وابلغ سلامي وانت زيـن العمايـل
قول الحجازي في دجى الليل سهران = يرقب نجوم الليـل والدمـع سايـل
في خاطره زعلان ماهو بفرحـان = هذي صراحه ماهـي بقـول قايـل
يبغى جـواب منـك قدامـه يبـان = ويزين حاله عقـب ماهـو هوايـل
مايفرحه غيرك ولو كان من كـان = انتي طبيبـه فـي يديـك الوسايـل
واليا نشدت عني فانا عالي الشـان = ربعـي سليـم معربيـن السلايـل
سليم بن منصور من قيس عيـلان = تاريخهـم معـروف بيـن القبايـل
قوم بنو من عزهـم خيـر بنيـان = تكرم جياع ضيوفهـا بذبـح حايـل
لاقامـت الهيـه بنـادق ودخــان = حنا لها ندبل علـى الكيـل كايـل
نغنم حلال القـوم ونكتـف الجـان = غيـر المعـزه مارضينـا بدايـل
وان كان جبت العلم ياطير حـوران = خابرك رجـل ماتضيـع الدلايـل
ارجع بعد نور القمر للعـرب بـان = لا تجـل المكتـوب يابـو فضايـل
يالله عسـى دار الهنوفـه بهـتـان = يرزم رعدها من صدوق المخايـل
اليا انهمر يصبح بـه العـد مليـان = والجم ينضح والنسـق منـه سايـل
وختام شعري والقوافـي والالحـان = جبت الجزل ماني بـراع الهزايـل [/poem]

(( الداعي ))

[poem=font=",6,black,bold,normal" bkcolor="sienna" bkimage="http://www.solaim.com/vb/mwaextraedit2/backgrounds/14.gif" border="double,5,black" type=2 line=0 align=center use=ex num="0,black""]

الداعي اللي سرى بالفكر من يوم جاه = مره يوديه شرق ومره يغربه
ياسرع مارافق الهاجس وروح معاه = وان اعرف انه طلب من هاجسي يطربه
يبشربها الداعي اللي ماتمنا سواه = ابطا عليه وطاروق الشعر قربه
انا اشهد ان الليالي كاشفتلي خفاه = من يوم شفته يرد العلم والسربه
لكن هيهات بان الضيف واللي نصاه = لو الطريقه قديمه قبله مجربه
ياناس لو تنشدونه ويش عني حداه = قال المقادير ضد الشخص وتحاربه
مايدري ان الزمن لو طال يكسر عصاه = وانا كلامي صحيح وواضح مذهبه
ادمح خطا صاحبي وارضي بحكم القضاه = لوانه يقدم اعذاره قبل ماطلبه
لاشك ماني من اللي يهرجون فقفاه = عيب علي اشتمه فقفاه واكذبه
اليا اعتزابي نصيته وان تركني خطاه = اهم حاجه بياض الوجه ما ينكبه
واليا رميته عمد قولو سلام علاه = ماني بشاكر ليا اخطت لحيه وشاربه
قولوله اني شربت السم والسم بلاه = والدور بكره عليه ولازم (ن) يشربه
[/poem]

قصيدة حروف الهجاء

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الالف اقول اعداد برق تلالا = وارتز وشعشع في ظلام اليالا
واجب شكر ربي عظيم الجلالا = عالم بما تخفي صدوف المقادير
البا بديت بيوت الاشعار جايب = بدع البيوت اللي يسد النوايب
لو ان فكري بين حاضر وغايب = مكمل القيفان من دون تقصير
التا تسع ونات سرت وكانت = سبايب الضيقه والايام شانت
ياقلب صبرك بيض الايام بانت = والسود تاطا الروح وطي الجنازير
الثا ثبت قولي وانا شخص وارث = ورث الوفا والطيب دون الكوارث
وابليس ملعون الثوى صار حارث = لو ان زرع ابليس شوك ومسامير
الجيم جرب والزمن درب منعاج = فيه المطب ملوي ويقفاه بطناج
جرب ولن جربت ماعاد يحتاج = الا على يمينك خوي المشاوير
الحا حماة الصحبه اغلا من الروح = اصحاب والاصحاب ناصح ومنصوح
واللي علومه مع شروق الضو اتروح = قله وداع وبكره نشوفك بخير
الخا خوي الخير شيخ ولد شيخ = من روس قوم فعلها فالتواريخ
وربعه فوقفتهم زحول ومطانيخ = تلقاه عن يمناك موجود ويسير
والدال دون المرجله ماتردد = وعن واجب ضيوف الولي ماتصدد
وعرفه مع رجال الوفا ماتحدد = هذا يكمل لازمه دون تاخير
والذال ذيب عن مراقيبه يلوذ = بين الذيابه دايم الدوم منبوذ
قلبه ضعيفه وزاده ان جاه ماخوذ = سموه باسمه يالرجال المناعير
والرا ركزت البندق وقمت اعاير = بندق نظر ماهي ببارود ثاير
يم الهنوف الجادل العقل طاير = كنه تجنن واعصفتبه معاصير
الزا زهمت وقالت الهرج ماجاز = بيني وبينك حد وربوعي اعزاز
وان زدت علمك بين هامز ولماز = ربعي علاك يلينون البواكير
والسين ساس السو فسياسة ابليس = يسلا بروس الناس من دون تاسيس
من مافعل في حب ليلى معا قيس = شيطان والشيطان طاغي ومكير
الشين شان الوقت والحظ منحاش = من يوم غابة قلبي ارهف من الشاش
واضرب بيدي ياس من قوة الجاش = كني تحت حكم السيوف البواتير
الصاد صبح وليل والقلب مقروص = قرصة من اللي جوفها سم مرصوص
تقرص ولاترحم لو الذيل مقصوص = وانيابها ياستر ربي شناكير
الضا ضربة براسها طول في عرض = حتى تنثر دمها وسيل الارض
وذبح الحيايا عندي اقوى من الفرض = لاشفتها يمي هجوم ومغاوير
الطا طلع قبل العظايم بسايط = اصعب حلول ولاتجي بالوسايط
ورموزها اقوى من رموز الخرايط = وحلولها عند المجنن مظاهير
الظا ظهر شي على القلب مفروظ = حزن البنادم من ورى الهم معروظ
والوقت يفتل عام وشهور منقوظ = واليا قطع يقطع سواة المناشير
العين عيب انا نغش البضايع = ونقول سلعه بين شاري وبايع
المال ماهو عبد للناس طايع = والفقر ماهو عيب واحوالنا غير
والغين غش اللي بغشه يبالغ = اليا عرفت انه عن الحق زايغ
اعرف ترى قلبه من الدين فارغ = ولو طالت دروبه تراها معاسير
الفا فشل من جاب عند المعارف = كلمة ردا تصرف من لسان صارف
حرفبها والناس ظد المحارف = يوم ان علمه مالقوله تفاسير
القا قرار السر في مثل صندوق = صندوق كامن في صدر كل مخلوق
ومفتاحه اقربله وياتيه من فوق = واليا انفتح ماعد تفيد المعاذير
الكا كتبت الشعر والشعر مملوك = وانا ورثته ملك ولورثه صكوك
ولا القوافي حره لكل صعلوك = واكبر دليل فشلة صوير وعوير
اللا لهيب القيظ هذ السنه طال = وان طول اكثر يردي ويتعب الحال
ودواه من عرف العرب صبر رجال = يصبر ويلقى عند الاجواد تقدير
الميم مايطري عليه من علوم = اقولها وابدي خفاها على القوم
من شان مايكثر من اهل الخطا لوم = عارف مدا علمي واحسب المخاسير
النون ناموا ياعيال المجانين = من دونكم روس الرجال المسمين
عز الله الا مايفيد المعادين = الا سيوف تكسر العظم تكسير
الها هرج ولد الحسيني وقوله = غالي سعر ماكل واحد يطوله
ويدل عن قول الحسيني فعوله = يشهد لنا قوم الوجيه المسافير
الواو ويل اللي عن الناس قالو = وفعلومهم بالكذب حطو وشالو
دايم طمان وجعلهم ماتعالو = افعالهم عند البنات الغنادير
واليا يتم العلم وانا محلي = واختم وفعلي عند ربعي يسلي
واثني على وجه النبي ثم اصلي = اعداد همال الخيال المزابير
[/poem]

• صفحه قديمه

[poem=font=",6,darkred,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/6.gif" border="none,4," type=2 line=0 align=center use=ex num="0,black""]
البارحه فكيت من صدري كتاب = ومرت علي الذكريات العديده
ذكرت وقت اصحاب واقراب واحباب = وقت مضى ياجعل ربي يعيده
يوم الصداقه تنحسب حسبة اقراب = واللي يصادق صدق يعرف عضيده
كان الرفيق اليا زعل جاك بعتاب = ويضحك لو ان النفس ماهي سعيده
واليا طلبت مسامحه خاطره طاب = يدمح خطاك ولا وقف بالمكيده
اشهد شهادة حق ماني بكذاب = شرواه يوم يغيب عني فقيده
مثله يهز القلب شوقه ليا غاب = وغيره غيابه مايزود رصيده
واللي ليا مني نخيته ولا جاب = ماعده بجنبي ولاني سنيده
ارميه مثل العود من يد حطاب = والنار من عود الحطب مستفيده
قال المثل لو زادت اعداد الاصحاب = يكفيك واحد لليال الشديده
ناس على الاقراب تختار الاجناب = تبطي مابين المخطيه والسديده
الادمي من بين الاقراب ينهاب = لو كان ماجاته على مايريده
وان شفتهم حولي طوابير واحزاب = حطيت في جنب الحديده حديده
قطع الوصال اشد من قطع الارقاب = لكن عجزنا فالعقول البليده
واذا على قوم اللحا فازو اشناب = حكمة زمن والله كفيل بعبيده
صار الوفي ينلام والشهم ينعاب = وام الكباير فالكباير رشيده
في حكمتي مابه عن الشر مجناب = اما يصيد الشر والا نصيده
علمتني ياوقت والراس ماشاب = ان الحياه احلام والدرب سيده
وان الذكي مايامن الضرس والناب = لو عاش بالفرحه ليالي مديده
لابد مايمسي من الوقت منصاب = وان ولت الاقدار جاته معيده
وانا مسالم وان حصل حرب حراب = واعاند الاقدار لاجت عنيده
مرت ثلاث سنين والحال ماطاب = والمقبله مثل المزون البعيده
اخيلها مابين راكد ومرتاب = وادعي عسى المسجون ينحل قيده
ايام مرت مالها عد وحساب = صفحه قديمه والعوظ فالجديده
[/poem]
بقلم

شاكر السلمي

(( قصيدة الصراحه ))



[poem=font="mudir mt,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحه غرقت العين بمدامعها = وازعجت خلق الله بصوتي وعبراتي
العين لاهلت الما من مواجعها = تكسر ظهر رجل عاش العمر شماتي
حاولتها بالصبر وازريت لاقنعها = حتى طغى حزنها من فوق ضحكاتي
ساهرتها لين زادت في توسعها = وامسى دوى القلب ضمن اكبر طموحاتي
الروح تبكي على من كان يتبعها = راع الحسب والنسب ومحشم الذاتي
جنب علوم العواذل ماتولعها = واسهر عيونه لجل عيني ولا باتي
هذاك لو يطلب عيوني لاطلعها = واحطها في يده وازيد بسماتي
من شانه اطعن حبال الكذب واقطعها = واسمعه كلمتي والصدق منجاتي
لاني كما قيل خايف من توابعها = الكلمه الدارجه تعدم كتاباتي
والكلمه الوافيه فالكتب واضعها = من شان يصعب على الدوني مجاراتي
ومن جابها خايبه جرعه ويجرعها = يمسيبها بين ديبان(ن) وحياتي
ومن جابها وافيه ركعه ويركعها = يكسب بها مدح واعزاز وبطولاتي
والناس ماهي سوى تشبه لاصابعها = كل(ن) وفكره واحد حصل واحد فاتي
قلوب مثل الذهب بين تناصعها = وقلوب مثل الفحم سود وخبيثاتي
عالم لحوم البشر ماعاد تشبعها = من حكيها في ظهور الناس تقتاتي
وعالم ترفع عن الزله وترفعها = وتخاف من ربها المعبود وتحاتي
لاخاب من حسن النيه وسنعها = يملك كنوز الشهامه والمرواتي
ليش التفت للحزازيه واطالعها = وانا على هامة الامزان نظراتي
كلمه تجي فالقفا ماني بسامعها = اشوم عنها واحط الرد فسكاتي
شهامتي مع حليب الام راضعها = ورثتها من قروم(ن) صارو امواتي
والخلق تبحث ورى الزله وتجمعها = واتشبها بين حسناتي وسياتي
وانا لي سنين اسايسها وادافعها = خايف من اللوم واثر الحال هيهاتي
لقيتها مخطيه سود(ن) طبايعها = متربصه تنتظر وقت الخطر ياتي
مثل الجراد يتكاثر في مرابعها = حتى يزيل الخضار ويذهب اشتاتي
بينتها واختفت من تحت برقعها = طبيعتي لابغيت ابين ابياتي
[/poem]

بقلم

شاكر السلمي

طل الصباح
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طل الصباح وحل من عقبه مساي = واللي يمر بخاطري ذكراك بس
الوقت يمشي والليالي من وراي = وحنا على درب الليالي مانحس
احاول احبس همي اللي في حشاي = وعيا مع الايام همي ينحبس
الارض ضاقت واعلنت حزني سماي = والعين دنت من محاجرها جرس
ذكراك مرتني قبل يبرد عشاي = وعفته وشفت البن الاشقر ينحمس
واخذتلي من سوق فنجاله دواي = قدام راسي فالتفاكير ايغطس
ماعاد ابي زادي ولا ابغى مشتهاي = مادام جيتك البعيده لي نفس
ضيعت قصة مبتداي ومنتهاي = والوقت زان ايام وشهور انتكس
مدري علام الليل يهديني شقاي = اصمت وكني من عنا صمتي خرس
حال السهر واخذ من عيوني هناي = وابطى علي النوم واقف ماجلس
مدري خطا ليل العنا والا خطاي = بس المهم الحال بعدك منعكس
الهم كان يطيح مايوصل مداي = وبعدك هموم الليل من حولي حرس
لكن صبرت وعزمي الواثق عزاي = انك تجي مادام عرقك مايبس
الناس تحكي في قفاك وفي قفاي = ولا بحكي الناس كسب ولا فلس
نقيت فكري من علوم(ن) في خفاي = مثل الثياب اللي تنقى من دنس
فان شفتني مقفي تعلم من وفاي = مثل الجريح اللي من صدودك درس
اعطتني الدنيا حكم عاشت معاي = يجني عذوق التمر واحد ماغرس [/poem]


بقلم == شاكر السلمي