الوقت ياهل العرف زادت ظروفه

الوقت ياهـل العـرف زادت ظروفـه
والنـاس شـانـت والليـالـي والايــام

عجـزت لالقـى مـن يشـرف وقـوفـه
عنـد الشدايـد للخـوي درع وحــزام

قلبـه نظيـف وفيـه عطـف ومروفـه
ولايهتنـي بالنـوم لا صـرت منـظـام

يهـتـم مــن هـمـي بنـفـسٍ عـطـوفـه
ولا يستمـع فـي صاحبـه هـرج نمـام

كـريـم بالمـعـروف تـنـدى كـفـوفـه
شـجـاع فالـشـدات ثـابـت ومـقــدام

غـلاي عـنـده ســار مــع دم جـوفـه
وغـلاه عـنـدي ماتوصـفـه الاقــلام

الصاحـب اللـي نـادراتـن وصـوفـه
دورت عنـه اليـوم واتعبـت الاقـدام

سألـت واعطيـت البشـايـر بشـوفـه
قالوا لي انته ويـن عايـش فالاحـلام

نصيحـه إرتـح لا تصيبـك حسـوفـه
ماعاد به صاحب ولـو رحـت للشـام

كـلـن ورى الدنـيـا يـجـمـع ألـوفــه
جيبه صحيبه وانقطع وصل الارحام

وخـوة مصالـح والامــور معـروفـه
وضاع الوفا والطيب والعالم اخصام