قصيدة بمناسبة تكريم الشيخ محمد بن جفين

[CENTER]

بسم الله الرحمن الرحيم
نقدم لكم قصيدة للشاعر احمد عبدالحميد الترجمي وهي بمناسبة تكريم الشيخ محمد بن جفين اطال الله في عمره ومتعه بالصحة والعافية
ولم تلقى في حفل التكريم لكثرة المشاركات وفسح المجال لمشاركات الضيوف

يالله ياللي لك على عبدك حقوق =حقوق مفروضة و يعرف نصها
أحد على تكميلها دايم سبوق= واحد يدفدفها و يترك نصها
واحد يعرف الحق لكنه يبوق= ما يدري إن الله يبى يقتصها
لو يتدرق ما على ربي دروق =عالم زيادات الامور و نقصها
سبحان من حط المزايا والفروق= خص البشر من بين خلقه خصها
انزل منازلها تحت سبعة طبوق =حتى يبين جودها من بقصها
كلا وقدره لا يزود ولا يفوق= وناس تعرف اقدارها من حرصها
لا يطمع الطماع ولا يشفق شفوق= ارزاقنا محد بواكل قرصها
و ايامنا حطت شركها فالحلوق= يا كم صبي ما سلم من معصها
صفت محابلها مثل صف الربوق= ثم جمعت سود الليال و حبصها
والشجرة الخضراء تغذيها العروق= الطيبة من طيبها تمتصها
تأصلت بالعرف و اثمار العذوق =تضفي على روس الرجال و عصها
ترجم موثقها على الساس الوثوق= و ابن جفين اللي معزز رصها
من سابق الايام مارد للحقوق= في مجلسه نقد العلوم و فحصها
شيخ حكيم الراي و لسانه صدوق = ون قال كلمة جات في منصها
قاضي وحكمه ماضي فوق العنوق = بالعدل و السارق يديه يقصها
أمير وزعامي وحاذق ومحذوق= ما يقعد الا فالشداد و فالصها
صقر رقى في قمت الامجاد فوق= ما همه عيال الغطاط و فقصها
تاقت له العلياء و للعلياء يتوق =ومن الفرح ترقص يامطيب رقصها
فعايل ابن جفين كالشمس الشروق= ون كان تقدر عدها ولا احصها
تفخر به السلمان في كل الطروق =مواقفه صدق الرواة اتقصها
وتشهد له الهذلان مع برقا و روق= و مطير و الجهنان عنها حصها
وتشهد قبايل حرب جيران لزوق= جيرة و ديرة من خليص إلخلصها
والاد ترجم فالقى محزم وطوق= دونه ميارت بالرصاص اترصها
قوم تسوق ارواحها للموت سوق =و عزومها موتر جديد ابنصها
فالسلم سلم وفي نهارالحرب عوق=حريبها كبده تزايد مغصها
اهل الكرم والجود والعلم الوفوق =على الوفاء و الطيب تجمع حصها
ويامرحبا في مرحبا رحب امعذوق = من هاجس فيض الشعور من قصها
ترحيبة تفتح لها باب امغلوق= اتعم كل ضيوفنا و تخصها
في محفل فيه البيارق و البروق= توافدت حتى المكان اغتصها
تقدير و التقدير فالقلب الخفوق =مثل الخواتم قدرها في فصها
ما هوطماعه فالصبوح وفالغبوق =و لا هو دعاية يبتغيها لصها
والغالية ما تنوجد في كل سوق= ولا الرخيصة وافرة من رخصها
والشعر فن وذوق والجمهور ذوق= عزاه من عجن البيوت و خبصها
وانا يشوقني لبدع الشعر شوق= شوق العنود اللي يشوق قنصها
صرنا كماالعشاق عاشق وامعشوق =اتخصني بالمختصر و خصها

صح لسانك ويستاهل الشيخ ابن جفين ..

يعطيك الف عافيه ..

تحيتيـ ..

صح لسانك قصيدة رائعة ويستاهل ابن جفين وشكرا

صح لسان شاعرنا
ومشكورين على تفاعلكم المميز