لاتغركم بالزيف دنيا دنية

لاتغركم بالزيف دنيا دنية
قصيدة للأستاذ مقبول مبارك العرابي 18-8-1433هـ


[poem=font=",6,black,bold,italic" bkcolor="white" bkimage="" border="none,4," type=2 line=0 align=center use=ex num="0,black""]
1- ياناس ياعالم وش اللي مسوين = وش ذا العمى والطيش والشمس حية
2- اللبس يبرق والدواخل معاطين = والوقت يطوي والعبر سرمدية
3- زرع(ن)زرع زرعه وفي رمشة العين = محصود حاصد ماجنى من وليه
4- دنيا مادامت للرسل والسلاطين = طرقة سفر تجار ماهي مدية
5- حي(ن) بها يكسب و حي(ن)على الدين = وحي(ن)سلم من ذي ولا فاد ذيه
6- هذا سليم العقل والقلب والدين = أخلص لربه واستهلت رفيه
7- غيث(ن)يغيث أقصى البشر والموالين = وغيث(ن)لنفسه قبل دهْم المنية
8- وهذا على دبرة وحال الشياطين = أعمى وله في كل صوب(ن)ضحية
9- وضحى بنفسه والسعد والمساكين = ورغم العبر مازال ماشي بغيه
10- وهذا محايد ماله ومال الاثنين = خايف يجي من ذا وذا مشنوية
11- ماقام بالواجب تجاه الفريقين = لا عانق الحسْنة ولا كف سيًة
12- ياناس ذي دنيا التهاويل والبين = وذا الحال فيها والشواهد جلية
13- تمعنوا حال الثلاثة تماعين = اللي مضوا واللي بظهر المطية
14- وكل(ن) يحدد موقعه بينهم زين = ويختار خيره قبل قفل القضية
15- الدرب به طلابة الخير دارين = والأولة ماتقبل المثنوية
16- الخير بستانه ورود ورياحين = ونخل(ن) مارد لْحاذفه بالردية
17- صبْر وتحمل لو بلي بالرديين = بلسم جروح ودامح(ن) للخطية
18- رفيع قدر(ن) له دروع(ن)عن الشين = ثوب الحيا درعه ونفس(ن)تقية
19-ولاخاب في ذا الحال من كسب ثنتين = ثواب ربه والدراج العلية
20- وكم واحد(ن)صحاه من ناس لاهين = وطاب الثمر والخير عم البرية
21- ياناس ياعالم وش اللي مسوين = لاتغركم بالزيف دنيا دنية
[/poem]