يالله ياعالم مقادير الاوضاع .....علّم صغير النحل صنع العسليا

بسم الله الرحمن الرحيم


السلام عليكم ورحمة الله وبركاته


( قصيدة عن الصحبة وصفاتهم )

[poem=font="traditional arabic,7,indigo,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/196.gif" border="inset,4,sienna" type=0 line=0 align=center use=ex num="0,black""]


يالله ياعالم مقادير الاوضاع=علّم صغير النحل صنع العسليا

نطلبك راي السد وافين الاطباع=ربعٍ تشيل الهم من عقب بليا

ولا البشر فيها رجالٍ بالانواع=فيها رجال(ن) ترتكي كل عليا

يرقالها رجلٍ على الشر مناع=يرقى مراقيبٍ تخيب الجدليا

بعض البشر ياناس كاذب وخداع=يجلب نحيس العلم عد وكمليا

سلال قومٍ ماخذوا زين وسناع=يصبح على نفسه بضيقه قفليا

يازين قومٍ وافقوا كم الاصباع=ربعٍ على الفزعه ترومه سهليا

وانا مابين الناس حاير وملتاع=اختار جزل الناس قوله جزليا

ترا الرجل يصبر على المر والاع=ويجيب علم الطيب قول وفعليا

اما انا فكري على النو زراع=يهتاض جو اللي بحسه همليا

لاجالنا المرباع زينه به اطلاع=اطوي به البيدا مسافه رحليا

لافاح بنٍ تحته الجمر يلتاع=فوح على قلبي بناره يصليا

واكل مع الفنجال حلوات الاصواع=واطرب على صوت النياق المهليا

شعل(ن) تصدع يومها تشفي صداع=جوف الديود التي تخضخض محليا

ووسامها الاذان شلفات ووساع=فيها من اوصاف الحلاة الجمليا

هذي اخير من حرامٍ للاسماع=واخير لي من صحبةٍ بالهزليا

والناس تاتي بالمفارق والاجماع=واشكال جنس الناس ماتنحصليا

اما المهم واضح وباين بالاجماع=جوف البشر يخير عن كل مليا

ياشيب ضلع ماتواتيه الاضلاع=يذبل وعمر الضلع مابه ذبليا

تصرخ بسيفٍ كايفٍ وغد الارماع=والليل يغدر خايفٍ ماتعليا

النو عد النو صرخات الافزاع=مدري خطا ولا رضا من ثمليا

اما يجيك العلم باين وماذاع=ولاترا المكتوب ماينغسليا

واقول لك عنه وتشهدلي القاع=شعري يجيب القاف يومه صمليا

كيف القروم تروم مده وتنصاع=نقدر على ذبحه بعير وجمليا

كله لجل شعر على الطيب شعشاع=فكره جنون علوم ناسٍ شمليا

ثم اختم القول المسمى وماضاع=حق المطالب دون حقه بذليا

صلاة ربي عد ماناض شلاع=وعداد ماترضى البشر بالزعليا
[/poem]

سعد مبارك الوافي