ديوان الشاعر: سعدالله بن زايد العبيدي(ابن زايد)

بسم الله الرحمن الرحيم

الأخوه أعضاء وزوار منتديات بني سليم الأفاضل ..
السلام عليكم ورحمة الله وبركاته
يشرفني أن أضع بين أيديكم ديوان الشاعر: سعدالله بن زايد العبيدي السلمي

وهو ديوان مطبوع ويتكون من أربعة أبواب,,,
اسم الديوان : ديوان بن زايد من الشعر الشعبي .
وسوف أضع لكم هنا مجموعة من القصائد من كل باب عسى أن تنال على رضاكم وإعجابكم....

*ومن اعماله الاخيره اصدار ديوان صوتي بعنوان : وحي الرمال ،،،


اتمنى للجميع التوفيق،،،

\4

[poem=font=",5,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/5.gif" border="double,4,red" type=1 line=1 align=center use=ex num="0,black""]
بسم اللذي باطراف الأقلام علم =كل تعلم من كلامه وجوده
نــزل عـلـى عـبـده كلاما متمم =والعبد مايعصي كلام معبوده
اشرف نبيا من هل الشر يعصم =كبر ودين الشرك حطم عقوده
علم هل التوحيد في دار الارقم =دين الهدا والحق وضح بنوده
اثنى عليه الله وصلى وسلم =له سيره في كل باب محموده
ام القرى يوجد بها البيت الأعظم =وطيبه بها قبر الرسول ورقوده
البيت في مكه حرام محرم =من كل حدب وصوب تاتي وفوده
فيه الشفاء للناس من شرب زمزم =والحج ياتي في شهور معدوده
اربع مواقيته لمن جاه محرم =في رحله يم المشاعر تقوده
اهل اليمن ميقاتهم في يلملم = وقرن المنازل لاهل نجدونفوده
ومن ذو الحليفه يحتسب كل مسلم = من كان تابع للمدينه وجوده
ومن مر بالجحفه من الشام قادم = يحرم من الميقات منهو يروده
بيت حماه الله من اصحاب الاشرم= يوم ابرهه للحرب ليم جروده
يبغا يهدم البيت لكن ماتم = البيت له رب صدق في وعوده
يبغى قريش تحج صنعا وتندم = زين له الشيطان فكره صدوده
يضحك ويسخرمن كلام ابن هاشم= اللي طلب منهم يردون ذوده
من حارب الخلاق لابد يهزم = مهما كثر جمعه وكثرت جهوده
ماينفع المهزوم جيشا عرمرم = جاه العقاب ورد فيله يقوده
اللي يريد الظلم له يوم اظلم = يندم على فعله ويلطم خدوده
الظلم يغرق مثل فرعون فاليم = والنصر يرقا للثريا صعوده
عسى وطنا من هل الشر يسلم = تسلم جميع ارضه وتسلم حدوده
هو عزنا هو حضرة الاب والام= عليه مرفوع العلم في عموده
بارواحنادون الوطن نرخص الدم= عهد علينا لو كثرو حسوده
يا جاهل الاسلام عنا تعلم = حنا هل الاسلام حنا شهوده
حنا هل القران وبه انتكلم = نعرف كمصاديره ونعرف وروده
في منهج الاسلام نحكم ونحكم = ماننقص المكيال ولا نزوده
في ظل ابو متعب وطنا مكرم = هو قائد الامه وحنا جنوده
ترفع له البيضا على كل معلم = كل الفعول الطيبه ماتكوده
ولي العهد بالمكارم تحزم = على العدا حربا تقادح زنوده
حكامنا في قربهم نطرد الهم = غيث من القبله تزاهم رعوده
في خدمه الاسلام بالكيف والكم= الخير منهم مطلقات قيوده
الله يثبتهم على الدين الاقوم = عليه نحيا والحياه محدوده
تمت وصلو عد وبل تهشم = وماغرد القمري على راس عوده
على نبي يطلب الرب يرحم = يطلب جنان الخلد فيها خلوده


[/poem]