×× .. سجّه وسجّه .. ××

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
هجوس الشعر سبّب لي برجّه = بعد مادار بي سجّه وسجّه
يمين يسار من ديره لديره = وانا محتار به من وين أوجّه
آلا هات الشعر يا فكر راسي = قبل لا اشوف في راسي مشجّه
سريت بهاجس الشعر متصافي = وجو القاف ثاير فيه عجّه
ليا منّه غفى في طرف ساعه = يزاعج خاطري قمري يصجّه
وانا بنت العبيه وش علينا ؟ = مدام الغيث في داري مدجّه
يجي برضاه وإلا غصب ياتي = وباب القاف عندي غصب أفجّه
أنا البحّار يا در المثايل =لو ان البحر حندس فيه لجّه
وانا شيهانة طويق العريبه = حذار تحدّ بعناد وتزجّه
عنيدة راس ابويه قالها لي = عنيد الراس من يقدر يحجّه .!؟
لكان انّه سرابه برق ناضي = يسبب له لجيج الشعر رجّه
مثل رجّة هجوس الشعر فيني = بعد مادار بي سجّه وسجّه[/poem]

معاني الشوق