الــعـــــــزوهـ ...}

{بســم الله الرحمــــن الرحـــــــيم }

هذه قصيده كنت اود المشاركه بها في حفل منتديات مجالس بني سليم ولكن لعدم وجود

المجال لأ لقائها في حفل التكريم اكتبها اليكم هنا

امل ان تنال هذه القصيده استحسانكم

وهي مدح في *الشيخ عوض الله القايدي* و*ابنائه* و*ربعي سليم*





سلام يانسل الرجال الميامين
اللي لهم تاريخ ثابت وعنــوان

نسل الرجال الطيبين الشجيعين
كسابت الطاله طويلين الايمــان

الاسم واضح فوق كل الميـــادين
الشيخ ابو منصور والفخذ همعان

عوض الله بن احمد يفك المساجين
شيخ(ن) برز بين القبــايل كحـــيلان

كريم من ساس الرجال الكريمين
يفرح ليا جوه الرياجيل ضيـــــفان

يحق نفخر به ونفخــــر ملاييـــن
بسمه وفعله نفتخر سر واعلان

والنعم فعياله رجـــالٍ مسميــــن
اصحاب فزعات ومواقيف واحسان

آهل اللوآزم والموآقف براهـين
وقفاتهم مع ربعهم مالها اثمان

وسلام للي عنـــدنا دوم غاليـــين
أللي حضر من ربعنا شيوخ وأعيان

أنتم سليم معدلين الموازيـــــن
أهل اللوازم فاللقا شانكم شان

حماية الدوله ونصرة هل الدين
أنتم هل المله قويين الايــمان

رجال اهل رايه من اول وهلحين
يشهد بها التاريخ لو كان ما كان

تاريخكم ماهو قبل عشرة سنين
تاريخ من عهد الرساله و الاديان

الصف واحد في وجيه المضلين
لجا نهار(ن) فيه عج(ن) ودخان

ياعزوتي ياسليم دايـــــم وفيين
الله يجمعكم على الطيب ياخوان

قولوآ معي آمين وآمين وآمين
أنه يوفقكم على مـــر الازمان

وختامها ياالـــربع ورد وريـــــاحين
مني لكم مهدآه من زين الاغصان






وســلآمتكم .. }