قصيده بعنوان أيامنا وليالها

السلام عليكم ورحمه الله وبركاته

بعد غيبه عن هذا الصرح الشامخ لضروفي أتيت أصافحكم بهذه القصيده

عسى أن تنال رضاكم وإعجابكم وإستحسانكم

أيــامـنـا و لــيــالـهـا مـثـل المــحــال = و إحنـا سـوات الـدلـو فـيـه أحـبـالـهـا

دوراتـهـا تـسـرع و لا تـعطـي مـجـال = حـتـى نــمـيــز قــصــرهـا و طــوالــهـا

تــعــدنــا و نــعــدهــا بـــــدر و هــلال = نـفـنـى و هـي في بدرهـا و هـلالهـا

و الشمس تـشرق ثم يقفاها الزوال = و تـعـيــد مـن بـاكـر عـلـى مـنـوالـهـا

نــطــرد وراء دنــيـا بــ شـبـهــا بــ لال = و أحـوالـنـا مـن طــردهــا يـــرثــالــهـا

تـضـحك لـنـا مـثـل الغنـوج أم الـدلال = نـتـبـع شـهــاويـهـا و لا نــصـحــالـهـا

يـا مـا تـعـبـر الـمـر في جـوف الـدلال = ويـا ما شـربـنـا من طـرف فـنجـالـهـا

دنـيـا الـعنا. دنـيا الـفنا . دنـيا الـزوال = مـا دامـت لـمخـلوق جـاء فـضـلالـهـا

و الـمـوت قـافـيـنـا بـلا شـك و جــدال = و أرواحــنــا رب الـمـلا يــشــتــالـهـا

هـذاك يـوم ٍ فـيـه بــنـشـد الــرحــال = و المـسعد اللي في حـيـاتـه نـالـهـا

يـا الله يـا الفرد الصمد يـا ذا الـجـلال = يــا خـالـق ٍ خـلـقـك و عـالـم حـالـها

تـجـيـرنـا مـن يـوم مـا فيه إحـتـمـال = يـا مجازي الحسنه بـعـشر أمـثـالهـا

و إنـك تـثـبــتـنـا لـيـا طــرح الـسـؤال = في يـوم مـاتـنـفـع شـبـاع أمــوالهـا

و أكتب لنا طـريـق نـحضى بـالوصال = طـريـق ينجي من صـقـر و أهـوالـهـا

نارد على حوض النبي من كل جال = فــالـجـنــه الـلي عــالـي ٍ مـنـزالـهـا

و أيــامـنـا و لـيـالـهـا مـثـل الـمــحـال = نـفـنـى وتـبـقـى أيـامـنـا و لـيـالـهـا

أخوكم الشاعر / عبدالعزيز ذياب البارودي