الهجـــر : كـــافر .

الهجـــر : كـــافر
:
الله وكبـر مـن عطـى للرجـا شـور
يرفع أذان الوصل / و / الهجر كافر..؟

ومن علّم غصون الشّجن حَمْل عصفور
يِنْشدْ مع الركبـان غربـة مسافـر..؟

ومن سوسن الدمعه على جفن مسـرور
وخلّى البكى فالصّدر زاخر / و / زافر..؟

ومنهو حبس شمس اللقا وسط ديجـور
وأسْدل ظلام الصّـد ليـن الحوافـر..؟

رحّالـه الأيـاام والوقـت دسـتـور
يحفظ لنا هالذنب / و / للذنـب غافـر

يادنيتـي والنـاس تعيـش بـالـدّور
متى يجي وقت الرحيـل و أسافـر ..؟

مليت أنا مـن شوفـة الحـظ مقهـور
وعلى كفوفه حلـم طيّـب / و/ سافـر

ياليت ربي ماخلـق فقـر / و/ قصـور
وخلى جميع الناس ظافـر / و/ ظافـر

الميجنه والـدّان و سحبَـات مجـرور
ماعلمّـن قلـب الوحـيـد التّضـافـر

وأمسى يقضّي ليلتـه عمـر مهجـور
على رصيف اليـأس مبعـد / و/ نافـر

ياذا القلـم والشعـر شيـلات وبحـور
أكتبنـي حـظّ يشابـه : البحـر وافـر

و / وقّع لي الرحلة على كعـب بلـوّر
وأبعدنـي عـن لـونٍ كئيـبٍ وعافـر

بَفْتَـحَ نوافـذ للهوى و أشـرع الـدّور
يمكـن يطِيـر غبـار : يَبْـسٍ قوافـر

و أقَفْ على باب الأمل وأهـدم السـور
حتـى تفيّـض هـَ ( السواقـي ) نوافـر

وأنوي وأوضّي للغـلا قلـب وشعـور
وأرفع أذانـي هاجـره : وصـل كافـر

وأعلّم غصون الولـه ضـمّ عصفـور
هيجن مـع الركبـان : غِنْـوة مسافـر

:
:
لِلعذبة : (قِسمة العمراني) .

الاخت المشرفه سحابه

صح لسان الشاعره قسمة العمراني

وصحت ذائقتك قصيده في منتهى

الروعة والجمال تنسيق باهر وبيان ساحر

مسكٌ وعبير وجمالٌ في تصوير

دمت بكل خير ودام عطائك

بَفْتَـحَ نوافـذ للهوى و أشـرع الـدّور
يمكـن يطِيـر غبـار : يَبْـسٍ قوافـر

صح لسان الشاعره

ولاهنتي على النقل لها

قصيدة روعه صح لسان الشاعرة

وسلمت ع النقل والذوق الرائع

كوني بخير