تسجيل دخول

دواوين شعراء بني سليم (( خاص بشعراء وشاعرات بني سُليم ))

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 07-09-2010, 08:10 PM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
ديوان ( همـس السلسبـيـل )





الحمد لله الذي جعل في السماء بروجا ً وجعل فيها سراجا ً وقمرا ً منيرا ً , والصلاة والسلام على من بعثه الله هاديا ً ومبشرا ً ونذيرا ً .. وبعد


أتقدم إلى كل من يطـّلع على هذه المحاولات الشعرية التي قصدت فيها أن أعبّر عن بعض ما بداخلي وأعتذر عن القصور , فالكمال لله وحده سبحانه.


إن التجارب التي ملأت الحياة قد أعطت الدروس والفوائد الكثيرة التي ربما يستفيد منها بعض الناس والبعض الآخر يكتفي بمشاهدة أحداث أو إلى سماع حكايات.


إن الحياة هي المدرسة الكبيرة التي تخرّج الناس على قدر فهمهم لها وعلى قدر تفكيرهم بما تمليه عليهم عقولهم وتجاربهم .


الشعر هو إحساس صادق ووصف مشاعر , يمزج بين الحقيقة والخيال في كلمات ٍ موزونة ٍ ومقفاة .


وأخيراً ألتمس القبول و أقدم العذر من القاريء العزيز فيما يراه من تقصير .. آمل أن ترضي كلماتي ذائقتكم وتنال استحسانكم.



دمتم بكل الحب , في حفظ الرحمن ..~


والسلام عليكم ورحمة الله وبركاته ،،


أبو { عنـاد / هايـل } ..~
__________________
\7




التعديل الأخير تم بواسطة هليل سليمان السلمي ; 11-03-2010 الساعة 04:25 PM
رد مع اقتباس
  #2  
قديم 07-10-2010, 05:06 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
افتراضي ~.. شمـس الغـلا ..~

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]

قـال المثـل مُـرّ الصبر .. وأقول صعـب الإنتـظار=وأنا أنـتـظر شمس الغـلا تـطـعـن صـدر ليـل الظـلام

الطيـــب كـلـمـه تحتـكر حبـي عليـهـا إحتـــكار=أفتــح لـهــا قـلبي وطـن .. وتـصيــر لــه بـرد وســـلام

والخيـر حـبـه مـذهـبـي والصدق لي دايم شعار=أمشي على نهج النبي مـحـمد عـليـه أزكـى ســلام

من يطـلـب اللولو يغوص أعماق غبّات البـحار=عنـدي طـمـوح وهـمتــي تسـمو عـلى هـام الغمــام

صاحـب بصاحـب وإن جفتـك الـدار بدّلها بـدار=مـن لا يـودّك فـارقــه و الـصـمـت أخـيـر مـن الـكــلام

وخلوتـك جـوف اللـيل بالقرآن تحتـاج اصـطبار=ومـحـاسـن الأخـلاق تـجـعـل لك مـع النـاس احـترام

والعـاقـل اللـي يـاخـذ الدنـيـا تـجــارب واعـتـبار=والـمـوت أخـذ خـيـرة مـلـوك الأرض والرسل الكرام

دنيـاك هـاذي مـزرعـه .. والأخـره قـطـف الثــمـار=كــم ميـتٍ مـاقـيـل بـعــد الــمـوت جـعـلـه للرحام [/poem]
__________________
\7



رد مع اقتباس
  #3  
قديم 07-12-2010, 11:17 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
~.. همـس الغـلا ..~

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/38.gif" border="none,4," type=1 line=0 align=center use=ex num="0,black""]
ردّد النغمات يا موج البحر=وأرسل ألحانك عبر موج الأثير
وسجّـل الذكرى بـ شطك واختصر=و ارسم الصوره بنقشات الخبير
كاسة الشاهي على ضو القمر=فوق رمش الليل في حيد الغدير
يا حياة الروح يا بعْد العُمر=يانسيم الصبح يا نفح العبير
العتاب أفضل من إعلان الهجر=والتغلي سم , والفرقا سعيـر
سهم عينك موت , والبسمه حـذر=وهمستك لي تعني الشي الكثير
تعني : إن القرب من بحرك خطر=وتعني : إن البعد عن روضك خطير
وتعني : إني ما معاي إلا الصبر=لين يْحكمْ لي بتحديد المصير
وقتي الماضي .. مضى كله قهر=و وقتي الحاضر .. من الماضي كسير
ولو نويت أرحل , وقـرّرت السفر=سالت الدمعه , وقالت : مايصير
لِن رحَلـْـت , أرحل بـ زورق من جمر=وبالمقام , أصبح كما الطير الكسير
أحصد الأشواك و زروعي زهر=وأزرع الريحان يطلع لي شعير
غيمة الأحزان يعقبها المطر=والخُطا تطوي مسافات المسير
تعبت الأقدام , وأتعبت النظر=معْ سراب العمْـر في وقت الهجير
صرت أفكر في حياتي و أعتبر=وأنظـْم الأشعار بسْلوك الحرير[/poem]
__________________
\7



رد مع اقتباس
  #4  
قديم 07-16-2010, 02:46 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
~.. سـواليــف الـغــلا ..~

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=1 line=0 align=center use=ex num="0,black""]
سلام الله على من حط له في خافقي لمسات=سواليف الغلا تحلى بهمساتك وضحكاتك
صباح الخير ياوجه السعد والنور والخيرات=صباح البسمه اللي ماتليق إلا بطلاتك
صباح أحلى من الهتان يوم يداعب النسمات=صباح أغلى مافيه إنه رسم بسمه على شفاتك
صباح اهديت لك قلبي على شان أجمل البسمات=صباح يذوب في حضنه خفوقي لجل بسماتك
صباح من العسل ياخذ حلاه وفيه لك بصمات=مايعجبني حلاه إلا لأنه فيه بصماتك
صباح الشاكر الذاكر بداخل مسجده بسكات=أسافر مع كلامك وانتبه في لحظة اسكاتك
صباح أحلام ورديه صباح أكبر من الكلمات=عجزت ألقى عباره تشبه أسلوبك وكَلْمَاتك[/poem]
__________________
\7



رد مع اقتباس
  #5  
قديم 07-22-2010, 12:41 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
افتراضي ~.. أغـلـى وداع ..~

[poem=font="simplified arabic,6,crimson,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=0 line=0 align=center use=ex num="0,black""]
سلام الله سلام انسان . متواضع . رفيع الراس=يحب الشعر . لو شعره مايرضي كل جمهوره
ليا صار الطموح الغض ريقه ما يبل الكاس=وبساتين الأمل ماهي من الرضوان مغموره
وطوفان العطش . ليله طويييل ويكتم الأنفاس=حرام تموت ورده من سموم القيض مقهوره
عزفت ألحان نبض الشعر وانا صادق الإحساس=ونويت أكتب قصيده من عيون الشعر مغروره
قصيده من ذهب . من درّ . من ياقوت . من ألماس=تعانق خافق السامع . تصافح صادق شعوره
وأنا ما اكتب قصيده قبل ما ابني للقصيده ساس=ولا اكتبها بلا معنى وفيها أبيات مكسوره
هلا يا تاج راسي . مرحبابك بين أعز الناس=أبذبح لك هجوس الشعر وآخذلي معْـك صوره
بصدر المنتدى لك عندنا يالغاليه مجلاس=نسجل ذكرياتك وارحلي بالخير مذكوره
تصافحك الأنامل . والقلم . والفكر . والقرطاس=أنا ربعي سليم بحب فعل الطيب مشهوره
لنا تاريخ ناصع بالفخر. والعز . والنوماس=شموخ ( أهل القنا ) لا صفّ جيش سليم طابوره
نعـْرف الربْح : ربْح الآخره , وافلاسها الإفلاس=و بالدين الحنيف , النفس منهيه ومآموره
أشوف الحظ يضحك للغراب ويقهر القرناس=لكن ّ الرابح : اللي يجعل القرآن دستوره
على جنح الخيال أسج يوم يذعذع النسناس=والأرض تراقب أسراب السحاب ومنـْـه مسروره
ليا منــّه لمع بارق مزونه كنــّـه الأكباس=وهلـّت واستهلت كنها شلال نافوره
على ذيك الرياض اللي عروق أشجارها يبّـاس=ثراها يرشف المـا من فرَح . ويقول : مشكوره
بعَد نصف الشهر . تلقى حُـلـل نبته على الأطعاس=سقاها الوبل والهتان كل اسبوع ممطوره
على جال الغدير العذب . وعيون الزَهَر حرّاس=على الدوحه . وْقـَـف عصفور . يسمع همس عصفوره
صفا جو السعاده والهنا . واقْـفتْ ظُعون الياس=وسبح ماهر خيالي في فنون الشعر وبْحوره
أوادعها وداع إنسان . متواضع . رفيع الراس=ماهو شاعر إذا شعره مايرضي كل جمهـوره[/poem]
__________________
\7



رد مع اقتباس
  #6  
قديم 07-28-2010, 02:03 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
~.. سحـر الغـلا ..~

[poem=font="simplified arabic,6,crimson,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=0 line=0 align=center use=ex num="0,black""]
أبها سلام بصادق الود وأغلاه=لأحباب قلبي من عيون المصايف
أبها . من أيام الطفوله عشقناه=سحر الجمال . وراحه . وجو كايف
عدّيت في مرقاب صعبٍ معدّاه=مسقيه مزن الصيف رجمٍ مهايف
فيه النسيم اللي على القلب مااحلاه=فوق الجبال و هامة السحب نايف
ومرّت عليّه فيه صورة محيّاه=مثل الحقيقه صرت بالعين شايف
صاحب وفي . قلبي يحبه ويهواه=صاحب جمَع بالحسن كل الوصايف
وجدي على لمسة يميني ليمناه=و وجدي على لحظات همس الشفايف
ماتنفع الونه . ولا تنفع الآه=ولا ينفع المحزون كثر الحسايف
ولو التمني ينفع اللي تمناه=ماغاب عني لو تزيد الكلايف
درب الخطر غصبٍ علينا مشيناه=نمشي على حدّ السيوف الرهايف
والصدق . والإخلاص . مكسب كسبناه=وشلون مانكسب وحنا ولايف
والحاسد المغرور . يا كم قهرناه=يقعد بغبنه . والندم . والكسايف
والحمد للي تسجد الخلق لرضاه=والشكر له ماطاف بالبيت طايف [/poem]
__________________
\7



رد مع اقتباس
  #7  
قديم 08-03-2010, 11:23 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
افتراضي فلسفـة البُـسَـطـَـاء

[poem=font="mudir mt,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/25.gif" border="none,4," type=0 line=0 align=center use=ex num="0,black""]
يا هيه .. ما فالحُب صادق وكذاب=منهو شرب كاس الهنا واهتنابه ؟ !!
يا هيه .. قصر الحُب له عشره أبواب=وكل ٍ على ماقيل يشعب ركابه
الحُب : صدق إحساس فالنفس ينساب=ود . وهيام . وعشق . شوق . وصبابه
وله . ولع . خُلـّه . غرام أخضع أشناب=ومنها الهوى للحب أكيد انتسابه
الود : همس شعور لو بين الأغراب=ثابت و زود الوقت زاده صلابه
أما الهيام : اللي دخل فيه / ماتاب=حتى لو إن الموت له حدّ نابه
والعشق : سهم الطرف معْ زود الإعجاب=منــْه الخفوق أعلن شقاه وعذابه
والشوق : أماني حلم . والظن ماخاب=لو زالت الأسباب والحظ جابه
وبحر الصبابه : للمحبين . غلاّب=الصَبّ يفقد بالمحبه صوابه
أما الوله : يا هيه .. به حَرقةْ أعصاب=تـَطْفي على صدر الوفا والرحابه
ومنهو تولـّع : حط فالقلب مشهاب=ماينطفي لو هلّ وبل السحابه
والخُلـّه : أعلى الحُب مابين الأحباب=ماتنتوصّف بالشعر و الكتابه
وأهل الغرام : دموعهم بين الأهداب=و راعيه مسلوب الأمر والمهابه
أما الهوى : يلدغ مثل لدغة الداب=مرّه هماج . ونوب عذب ٍ شرابه
و كل البشر في عالم الحُب طـُلاب=و قلب ٍ ( مايستقبل دروسه ) خرابه
حُب ٍ معَك يُولد مثل حُب الاقراب=وتحب ربك . والنبي . والصحابه
حُب ٍ يغيب وصاحبه عنك ماغاب=و حُب ٍ ثبت لو صاحبه في غيابه
والحب خلـّد له شعارات وألقاب=وقصص غريبه فوق حدّ الغرابه
وسحر المحبه خلطته : طُب الأطباب=وخلطة مجانين المحبه : تشابه
ومَحد ٍ يحط الحب غصبا بمشعاب=وما كلّ من حبيت تقبل عتابه
ولا فيه كره وْلاَ محبه بلا أسباب=كل ٍ على كيفه يفصّـل ثيابه
يا هيه .. لو فالحب صادق وكذاب=مَحد ٍ شرب كاس الهنا واهتنابه[/poem]
__________________
\7



رد مع اقتباس
  #8  
قديم 08-10-2010, 12:09 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
افتراضي ~.. بيـت الغـلا ..~

[poem=font="simplified arabic,6,,normal,normal" bkcolor="darkred" bkimage="http://www.solaim.com/vb/mwaextraedit2/backgrounds/20.gif" border="none,4," type=0 line=0 align=center use=ex num="0,black""]
لا إله إلا أنت بدّل حزني أفراح وتهاني=وعمري بطاعتك ياربي تزوّد في سنينه
طالبك يارب يارحمن للخير تْهَدَاني=ياعظيم الملك عبدك يسألك رافع يدينه
الطموح اللي على بحر الأمل زلزل كياني=ما بعَد حقق هدفنا اللي ياهايل راسمينه
وعاصفة يأس الحياه اللي على الموت تْحَدَاني=صرت أواجهها بصبر و حلم وأشعر بالسكينه
بين أعاصير الفراق المرّ و رياح الأماني=عين دمعتها فرَح والثانيه دمعه حزينه
حُرّ نسل أحرار مانرضى المذله والهواني=طيبنا ماله حدود وخصمنا نقطع وتينه
عاقل أوزن كلمتي قدام ينطقها لساني=للرفيق وللصديق وللخوي صدري مدينه
وللقريب من البشر غيث و رياض و ظل حاني=أتواضع له ولو يخطي يميني في يمينه
مانجازي بالخطا والعمْد هذا شي ثاني=الثلاث الأولّه وليا تعداها نهينه
والصداقه عندنا بحر الكنوز بْلا مواني=والمحبه كل مسلم صادق الإسلام دينه
ويرحم الله شايبٍ للخير بالحكمه دعاني=من طفولتنا وفعل الخير ساس موثقينه
بالوفا والطيب كلٍ يذكره قاصي وداني=رغم موته كل جيرانه وربعه ذاكرينه
وأمي اللي فضلها مايجمْعه سحر البياني=الحنون أم الحنان الطْيـِب منها راضعينه
بيتها بيت الغلا مبني ورى حدب المحاني=كل ماترفع يديها مكسبي دعوه ثمينه
ابتسامتها تبدّل حزني أفراح وتهاني=أفتخر لا قيل نعم الرجل مرضي والدينه[/poem]
__________________
\7



رد مع اقتباس
  #9  
قديم 08-15-2010, 08:55 PM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
~.. شيــك التهــور ..~

[poem=font="simplified arabic,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/35.gif" border="none,4," type=0 line=0 align=center use=ex num="0,black""]
يا شعر أحبك جزل . والهزل ممنوع=وأتعب على حرفك . وشكلك . ونوعك
الكايده بأمر الولي لي تجي طوع=ومن غالي الأفكار أولّع شموعك
شاعر وأحب الشعر والراس مرفوع=يا راس أبو هايل لربك خضوعك
و يا شوق همس القلب . للقلب مسموع=حتى ولو مايسمْعنْه سموعك
المجد دربه بالصعيبات مزروع=تزرع وتحصد فالنهايه زروعك
أسقيك صافي حبي العذب ينبوع=وتطرد سراب اللال ماهي طبوعك
تتبع متاهات العطش في سما الجوع=وتموت بالحسرات ما مات جوعك
قاسي . حنون . بجوفك الضد مجموع=وتَنَاقض أحلامك يفرّق جموعك
عطشان حب . صغيّر السن . دَلُوع=أحرقت قلبك . والحطب من ضلوعك
كم جيتني من حرقة الشوق مفجوع=و يا كم بحضن القلب هديت روعك
شيك التهور في محبتك مدفوع=وش عاد لو أفْقِدك . وأظما . وأجوعك
ياويل مَن في ناعم اللمس مخدوع=اسمع ترى لا اقفيت ما اطلب رجوعك
أبعد عليك شوي من حبة الكوع=وأظن ماتقدر على حب كوعك
لو كان تبكي دم .. ماتبكي دموع=ماعاد يخدعني بكاك ودموعك
إذا صحيح الحب تابع ومتبوع=ياطير مهما طرت غصبا وقوعك[/poem]
__________________
\7



رد مع اقتباس
  #10  
قديم 08-22-2010, 02:08 AM
الصورة الرمزية هليل سليمان السلمي
هليل سليمان السلمي غير متواجد حالياً
مراقب عام
 
تاريخ التسجيل: May 2010
الدولة: مابين جده والحرم والمدينه أقضي حياتي بين ربعي وناسي
المشاركات: 2,423
افتراضي ~.. جـده بدونـك غيـر ..~

[poem=font=",6,blue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
يا مَن على شوفه نسوق التباشير=مااظن باقي بالعمر كثر ما راح
أهلاً عَدَد ما رفّ بجناحه الطير=و عِدّ النجوم و عِدّ ما بارق ٍ لاح
و عِدّ الرمال و عِدّ زهْر النواوير=يابعْد عمري دام عزك والأفراح
لك داخلي حشمه . وهيبه . وتقدير=سبحان من يجْمَع على الحب الأرواح
جده بدونك غير .. جده مَعَك غير=من غيركم جده .. خيالات وأشباح
نصبر و نرضى بالقضا والمقادير=من يلتزم بالصبر لابدّ يرتاح
ظلم الاقارب مثل حز المناشير=والطيب والإحسان للقلب مفتاح
صوّرت ما في داخل النفس تصوير=ما ترتفع يا طير لو مالك جناح
يا مَن على شوفه نسوق التباشير=لن رحت عني ما بقى شيّ ما راح[/poem]
__________________
\7



رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:16 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع


دعم وتطوير استضافة تعاون