أهــــــم شـــيء الــــــقــــــد س لازم نعـــيــــــده

اتمنى تنال اعجابكم

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت عيشي بالحياه الفريـده = عيشي كذا غصبن عليك وعلينا
كم عام وانتي صابره ياوحيده = الله يعين اطفالـك الصابرينـا
والله يرحم كل نفسـن شهيـده = لجل الوطن ضحت بدنيا لدينـا
عاشت وماتت في بلدها عنيده = غصبن عن العدوان والحاقدينا
يا امة العالم تراهـا ضهيـده = يموت شعب وكننـا مادرينـا
الخوف جمد دمنا فـي وريـده = يابنت بالاصلاح معهم سعينـا
لانستفيـد احنـا ولامستفيـده = ستين عام بوضعكي تشغلينـا
يامـا تكلمنـا بجملـه مفيـده = نشذب ونستنكر بعد وش تبينا
ناخذ عصا وانقود اولمرت بيده = ارجوك لابالمشكلـه تسحبينـا
مع بوش وبراون وحنا الشريده = من بعدهـا يابنـت لاتحترينـا
أهم شيء القـدس لازم نعيـده = الله ينصرنـا علـى الظالمينـا
[/poem]

اخوكم / سالم محمد البلوي

سالم البلوي

صح لسانك على قصيدتك الرائعة و كلامك القيم

وفعلا القدس هي في قلوب جميع المسلمين

نسأل الله لها التحرير عما قريب

آمين آمين آمين

مشكور اخوي على هذه القصيدة وننتظر جديدك

أخوك / لاحق الفني السلمي

صح اللسانك واعتلا شانك

ياسالم البلوي قصيده جميله ويدل على الدافع الديني

عسى الله ينصر المسلمين في كل مكان ويزقنا وياك بصلاه بالمسجد الاقصى


سلمت يداك
لك كل الاحترام

الاخ سالم البلوى الغالي

هلا وغلا فيك وفي اباعك المتميز بتوجهه

ابيات جميله تعبر عن اجمل شئ لقلب المسلم

صح لسانك وعلا شانك

صح لسانك يالبلوي

لك تقديري

بارك الله فيكم جميعاً

نقد الشاعر لايلغى شاعريته بل يزيدها

اتمنى من الشعراء نقد القصيده بدون مجامله

لكم منى اجمل تحيه

اسمحلي بانقد بعد انك اذنت

واسمحلي اوضحها بنقاط

اليجابيات.
اولا: مضمون وهدف القصيد معبر جدا
ثانيا:. نسق القصيده من ناحيت الوزن فا هوه ممتاز الى البيت الثامن.

السلبيات:.
اولا:. البيت التاسع لم يكن على الوجه المطلوب بحيث اقحمة فيه الحروف اقحام مماتسبب في كسره ولو تنشال تتضح جليآعند .(وانقوداولمرت)
ثانيا:.ارجوك لا بالمشكله تسحبينا(لم يوظف المعنى بالشكل المطلوب وفيه تناقض وبين انسحابيه مرفوضه وهذا لا يصح في قضية امه يهتم لها كل شخص على ارض العالم الاسلامي)
ثالثا:من بعدها يابنت لا تحترينا(لم يرد في قبله مااستدعي ذكر الشطراو وعد ارتبط به وناقض الطلب والاستجداءوشحذ الهمم في(ياامة العالم تراها ضهيده___يموت شعب وكننا مادرينا)كان من المفروض جلب ما يكافئها
رابعا:.اهم شي القدس لازم نعيده(كتب مزاجآ ولم ترد له مناسبه بحيث شكل علامة استفهام مبهمه لا وصف لها)
انتهاء
هذا والصلات والسلام على رسول الله.

اخوك ابن هذال

الشاعر ابن هذال


شكراً لك على النقد الهادف والبناء نصائحك ونقدك على العين والراس



الشاعر الذي لايقبل النقد لايمكن يتقدم بشعره ولايمكن ينتقد في يوم من الايام الشعراء



تحيتي لك ولشفافية نقدك

سالم البلوي
و قصيدة متفائلة رغم المرارة من أوضاع الأمة فيها
نص شعري جميل نبع من شاعر صادق ذا حس رفيع .
صح لسانك

المشاركة الأصلية كتبت بواسطة لاحق الفني السلمي

سالم البلوي

صح لسانك على قصيدتك الرائعة و كلامك القيم

وفعلا القدس هي في قلوب جميع المسلمين

نسأل الله لها التحرير عما قريب

آمين آمين آمين

مشكور اخوي على هذه القصيدة وننتظر جديدك

أخوك / لاحق الفني السلمي

لاحق الفني السلمي


الرائع وجودك في متصفحي

تحيتي لك