قصيده في مدح البقوم

قلـت بسـم الله وابـداء بالمثايـل
مايخيب اللى طلـب رب الفضيلـه

واشرح الموضوع وادفع بالرسايـل
للامير اللـي عسـى الله مايزيلـه

ناشر ابن عبيـد كسـاب الجمايـل
سابـق طيبـه ومعـروف جميلـه

سابق للخيـر ياراعـي الفضايـل
سابق للخيـر ياراعـي الفضيلـه

ياكبير الجـاه ياوافـي الخصايـلا
لسياسـه والريـاسـه تستويـلـه

حر ومجرب من خيـار الحمايـل
يشهر المخلاب والطيـح الجزيلـه

والضوامـي تتجـه يـم الثمايـل
من ورد ماهن يبي يمـلا صميلـه

وانت روضة خير منها السيل سايل
طالـع ماهـا علـى حـد النثيلـه

وانت ابوها وسمها والشـك زايـل
من يشـك بطيبكـم ربـي يزيلـه

والبقوم اهل الوفاء واهـل الفعايـل
سعد عين اللـي نخاهـم ترتكيلـه

ينطحون الحمـل لـو انـه تمايـل
ويعدلـون الميـل بعـزوم ثقيلـه

اهـل الفزعـه وميبسـت البلايـل
لا تقابـل كـل جمـع مـع قبيلـه

كم حمو من سابقـا و الـدم سايـل
يوم خطو اللاش مايزبـن دخيلـه

كم عطو من جيش وارقاب الاصايل
يبهجون الكبـد والعطـوى جزيلـه

والبقوم اهل الوفاء واهل الجمايـل
يكسبون المجد مع كسـب الجليلـه

عادة فيهـم مـع اسلـوم القبايـل
وعادة فيهم علـى كسـب النفيلـه

والسلام ختـام واديـت الرسايـل
ولايصير المـدح باليمنـا البخيلـه

تحزمة بسلاح ابو حدين.....
والقافله سـارة بلا وجهه....
الاياشيب نظرك يالـــعين....
اغدرت بك مارية الجبهه....