الجريمه !!!

الـجـريـمـه

هادي القصيده جاتني اهداء ومرررررره حبيتها وعجبتني وحبيت انقلها ليكم وان شاء الله تعجبكم ...




يوم ثارت في جنوناً من جنون الجاهليه
عاتبتني لين شبت في شراييني لهبها

استفزتني وفزت وزعلت مني عليا
واستضاقت من كلامي يوم زعلني عتبها

من بعدها ما بقى لي في محانيها بقيه
اسدلت دمع المحاجر للبكى وارخت هدبها

والله اني ما نويت ابدي معها بالخطيه
بس هي اللي تعدت حدها لحظه غضبها

يمكن اني كنت قاسي بالعتب معها شويه
كثر ما كانت تتمنى راحتي واعشق تعبها

والله اني كنت اكابر بالعتب في حسن نيه
بس ابدري هو صحيح اني الوحيد اللي عجبها

جرحتني بالكلام وكبرت حيل القضيه
وخسرت بي كل عرقا من شراييني كسبها

والا هي ما كان فيها للموادع مقدريه
والجفى كانت تعافه بس مدري وش قلبها

ليتني ما رحت اقايس قيمتي عند بدويه
رجعت لي كل عرقاً حبها والا نهبها

وعلمتني كيف بنجح وانتصر وابقى ضحيه
وعلمتني كيف قلبي لو غلبها ما غلبها

وعلمتني يوم صدت عنفوان الاجوديه
ما تلوح للمقفي لو سلبها ما سلبها

رابيه بين القبايل والعرب واهل الحميه
عاقله ما تبذل الا نخلة تعرف رطبها

ان تهادت ذكرتني في خفوق العامريه
وان تمادت تركب ابليس الرجيم وما ركبها

جفنها لا سلهمت به ما يطيق السامريه
تسحبه برضاه عينه وان سهت عينه سحبها

وان حكت تعطي مكانه للحروف الابجديه
كن كلمتها تتلفت للكلام اللي عقبها

والحروف ليا تعدت بالشفاه النرجسيه
كنها صارت قصيده بس ربي ما كتبها

وش بوصف من حلاها وش بخلي للبريه
ما بها بالحسن عيبا وكشفت الا حجبها

شعرها فيه الخوي اللي تبرى من خويه
والشفا لو تشرب الماء واختلط فيها شربها

كن في ضمة شفها جمرتين بنار حيه
كل من حس بدفاها واحترق صد وقربها

شفتها مثل الجريمه وابتليت بها بليه
غلطة جيت اتحاشى ظلمها قلت ارتكبها

كل شي شفت فيها فيه نبرة جاذبيه
موهبه من فضل ربي واشهد ان الله وهبها

كلها لله بلله فاتنه هالادميه
عاجبتني من بداية راسها لأسفل كعبها

لو تبادلني شعوري والهديه بالهديه
ما وفتلي لو تبيع ثيابها واغلى ذهبها

هملتني والقلوب الجرهديه جرهديه
وحرمتني والمحبه نارها تأكل حطبها

والا انا ما كنت اكابر والليالي سرمديه
يمكن ان اللي غصبني للولع فيها غصبها

يا خفوقي وادري انك ما انت في حاجة وصيه
شف مكاني وانت تدري وين هي يمة عربها

رح لها وان كان فيها قلب يطمح في مجيه
شف طلبها في عروقه وان حصل تمم طلبها

وانشده وان قال عنها من هدر دمي بريه
قله ان اللي حصل لي بالمحبه من سببها

ولو يقول اني تعمدت الزعل لجل الاذيه
قله اني ما اتحمل بالعتب قلة ادبها

ولو يقول اني انا اللي كنت بادي بالخطيه
قل هي اللي تعدت حدها لحظة غضبها


اتمنى تعجبكم ...

الـــــــــــريـــم اللعــــــــــوب,,,

يعطيك العافيه على هالقصيده الرائعه
واظن انها للشاعــر/حامد زيد

اخوي عبد المحسن اشكرك ع مرورك الرااااااااائع

مع اني مرررررررررره اتابع حامد زيد كتير بس لمن جاتني دي القصيده ماكنت اعرف انها لحامد بس عن جد رووووووووووعه ...

قصيده رائعه وجزله
صح الله لسان من قال
ويعطيك الف عافيه اخوي الريم اللعوب
تقبل تحياتي ومروري
مشعل الهميعي السلمي

الـريـم الـلـعـوب

تـسـلـم يـمـنـاك ولاعـدمـنـاك
وجـعـل عـيـنـي مـاتـبـكـيـك
لـك ودي
وتـقـبـل مـروري