<< يا مطوول الغيبه >> ~~~~ تعبت

المشاركة الأصلية كتبت بواسطة عبدالعزيز البارودي

أطرح بين أيديكم هذه القصيده أتمنى أن تحضى بإعجابكم

وأن تنال رضاكم وأستحسانكم

[poem=font=",6,blue,normal,normal" bkcolor="transparent" bkimage="" border="double,4," type=1 line=0 align=center use=ex num="0,black""]
يـا مـطـول الـغـيـبه تعبت وطـال وقـت الأنـتـظـار=صـار أتـصـالك منقـطع والـيـوم كـنـه عـن شهر
وأنـا مـا بـيـن الــهــم و الآهــات ولـيـالـي نـهـار=أسهـر على ذكـراك وعـيـونـي مـذوبـهـا السهر
أحـيـان أقــول إنـه مـعــزل و أتـخـذ هـذا الــقـرار=وأرجـع وأقـول ألا بـيــرجـع بـس مـا جـانـي خبر
صـدري بـعـد غيـبتك ديـره مـا بـهـا مـي وخضار=وصلك على صـدري سوات المزن همال المطر
وقـلبي عقب فـرقـاك كـنـه يـالحبـيب وسط نـار=وضلوعي أجزال الحطب ولهيبها أنـفـاس الصدر
الله يـصـبـرني عـلـى الـفـرقـا و صـكـات الـمـدار=لـكـن ظـنـي مـا بـقـي فـيـنـي بـعـد هـذا صـبر
ليه الـجفـا بعد الـوفـاء ممكن تـقـلي ويش صار=وأنـا مـا أظن إني جـرحـتـك يـوم وأيـامـك سفر
ولـو المحبه في صـدور أهـل الهـوى نبـت وثمار=يمدي وسط صدري من الأشواق بستانٍ خضر
أغـلـيـك و أحبـك و مـيـت فـيـك و الـحـالـه دمـار=قـلبـي معك وأنـا معك فـأبقى معي بـالمختصر
كـلي فـديـتـك لـو عـطيـتك مـاجـزيـتـك بـإعتبـار=إن الـوفـاء مـا يـوم يـكمـل واللقـاء فــرصـة عمر
متى تجيني وأفـرد أضلوعي من الـفـرحـه ديـار=تـسكن وتـتـربـع حشاي ولا عليـك مـن البشر
أنت الـذي من حسنك الـفـتـان خلـق الله تـغـار=وأنت الـذي لا جيت أبـا أوصـفـك ضيـعـت الفكر
الله عـطـاك الـزيـن مـع حشمه مـخـالـطـها وقـار=كمل وصـوفـك وأحسنك من هامتك لين الظفر
ولو كنت أبدخل عالم التوصيف ضعت مع القطار=يكفيني اللي قلت بس أرجع تراني في خطر
وتـكـفى أبي منك جـواب الغيـبـه وقـدمـك خـيار=الله عـطـاك إسبـوع كامـل وألتمس منك الـعذر

[/poem]

أخوكم / عبدالعزيز ذياب البارودي

الشاعر / عبد العزيز البارودي


رائعه من روائع شعر الغزل لا تليق الا بشاعرها ابو ذياب


صح لسانك صح لسانك صح لسانك


أبدعت بما تحمل كلمة أبداع من معنى

حاولت ان انسخ بيت استشهد فيه على قوة الشاعريه لديك

ووجدت القصيدة بجميع ابيانها تفرض ذلك

لله درك يا مبدع

مبدع في كل اتجهاتك الشعرية


وتقبل خالص تحياتي